• ×
السبت 19 يونيو 2021 | 06-19-2021
شوربجي

ورده يسقط همبول افريقيا

شوربجي

 14  0  2208
شوربجي


((())) همبول افريقيا :

وسقط همبول افريقيا بين اشجار التبلدي

و بمسمار حقيقي وما مصدي

واحبك يا ورده واحب الهوبه واحب فيك التحدي

والشجرة السوسه حلفنا ندوسا

واسير غزال فوق القويز

وكردفان الغرة ام خيرن جوة وبرة

وأنا البحر الطمح هادر أنا الروض الجميل ناضر

.. وانا المثل النبيل ساير .. وأنا الفولة وأنا الداير

.. أنا كردفان * أنا الغيمة وأنا المحصول

.. أنا العينة وأنا البترول .. أنا الدابى البعيق الزول

.. أنا كردفان .. انا أم الرجال

أنا الزول الكتل جيش هكسى في شيكان

.. أنا الزول الزمان عمّر رُبا أم درمان

.. أنا كردفان *

عرفتك ياوليدى الفارس الغلاب وبيتك كلو خير مليان فريك وهشاب

..عرفتك ياصبى في الحومة أسد الغاب ..

وكتين ترقص المردوم وسيم جذاب .. أنا كردفان *

انها هزيمة في كل الاتجاهات الحمراء

وهزيمه كردفانيه بنكهة تبلديه

وهي في المقام الاول هزيمة لمحور مزمل وسلك وابوشيبه وكل الطبول المخادعه للجماهير الحمراء

وهي هزيمة لاتحاد اللقيمات الذي كلما سمكر نتائج المريخ انفك لحامها

وهي هزيمة لسمير فضل الذي احتار مع المريخ وفقد كل الحيل

وهي بلا شك هزيمة لكل من ظل يعادي الهلال

ومن قبل حذرناهم وحين كانوا يسخرون من فقر الهلال وديون الهلال

والآن انتشرت المجاعه في كل اركان النادي

والمدرب المسكين تم احتجازه في الفندق وحتي يتم تسديد الاجرة

وقريبا سنشهد مزيدا من الاضرابات والاعتصامات

سنشهد التمرد المعتاد لتراوري

سنشهد عناد ديدا وقفلة الموبايل

سنشهد مرض وبطئ بكري المدينه وعدم جريه

سنشهد قضايا ومحاكم هنا وهناك

وبصراحة هدف ورده قلب كل المواجع الحمراء

وونسي وعبد التام يا عيني في موقف حرج

والكوكب المراكشي سيكون موعودا بحمام مسلوق

الرئيس الرائع جمال الوالي ذكي جدا

فالرجل يعلم جيدا ان ابتعاده سيكون كارثيا علي المريخ

وفعلا الفريق كل يوم من حفرة لدحديره بسبب شح المال

ونتائج كارثيه في الدوري السوداني

ونزيف نقاط لا اظن انه سيتوقف لمباريات قادمه

ومع هلال الجبال سيزداد النزيف الحاد

ومع اهلي شندي ستجري له عملية نقل دم

ويا قريش ويا نادر مالك انا ما راجع

واهو خليت ليكم المريخ وابقوا عشرة علي النادي

وعصير التبلدي فاقم مشاكل المريخ

ومسمار ورده اليوم دخل التاريخ


((())) وبصراحة بالغت يا ود المجذوب :

هوبة مع التبلدي ..حكاية ياخي عجيبة
بتخلي الشعر يسقط سبيبة سبيبة
في الابطال نزل..والنجمة شفنا نحيبا
و الممتاز بشوف قصة هبوطو قريبة
...
هاك اشرب تبلدي ..وما تكون متخاجل
مشروب يا وصيف مفعولو فوري وأجل
من ارض الابيض.. جانا خبرا عاجل
الود وردة قالو ضرب حمامنا الزاجل
....
قدمو شكوي احسن ..حتي لو وهمية
الأحزان بقت بالجملة والكمية
اقدل يا مهند ...وليكا مني تحية
فكيت في وصيفنا قنابلك الننوية
...
من تيم كردفان للنجمة جات منزردة
خسرت في النزال يا ريتا شردت شردة
الاحزان بقت في كل يوم مضطردة
تلقو من السطايفة ولا من تيم وردة
...
حافظ يا وصيفنا علي الوصافة شوية
واوعي من المهازل والعمايل النية
الليلة النزيف يا نجمة ماهو شوية
والخوف من اخوهو يزيد عليك الكية
...
مسكين الوصيف في كل يوم مهموم
جوة وبرة خاسر ومنتهي ومردوم
الحزن العميق غمر النجيمة عموم
ليه يا وردة ياخ ..خليت وصيفنا يلوم



نكزة النهايه :

من الابطال الي الكونفدراليه الي الممتاز الي الكاس الي سيكافا الي حوض البط

وياتي صوت خافت : اني اتنفس تحت الماء اني اغرق اني اغرق



محمد حسن شوربجي
امسح للحصول على الرابط
بواسطة : شوربجي
 14  0
التعليقات ( 14 )
الترتيب بـ
الأحدث
الأقدم
الملائم
  • #1
    طائر الجنة الأحمر 04-29-2016 09:0
    (من الابطال الي الممتاز الي الكاس الي سيكافا الي حوض البط).. عرفتو .. أبو القدح.. قصدي أبو الهل .. صح؟؟
  • #2
    احمد 04-29-2016 06:0
    معقوله صحفي يكتب بهذه ألطريقه والألفاظ ياحليل السودان ودا البخلي ذي فجر السعيد تكتب وتقول في السودان والسودانيين اذا لم تستحي فافعل ماشئت والله حاجه تخجل
  • #4
    محمد التهامى 04-29-2016 02:0
    شوربة فرحان شديد حبيبنا مهتد الطاهر بيلغب فى هلال الابيض . تروح بحر جدة وما تفرق بين هلال الابيض وهلال الخرطوم. ثم ثانيا يا زعيم الهنابيل اصبر شوية بنتلاقة وبعد ذلك قول ما تشاء . ما فادربن نتحدث باسلوبك تاكد تماما ان هنا عشرات الرسائل التى تحمل ردود للعبث البفول فيه لكن بكل اسف تحجب وتنشر السخافات والتهريج الفاكره نقد .عموما شكلك بتستمتع بما توضف به ونرجو من ناس كفر ووتر ان يسمحو لنا بالرد
  • #5
    جعفر صالحين 04-29-2016 01:0
    يازول انت ما نصيح .... ايش دخلك مع الهلال والا المريخ .. أمشى شجع الزمالك والا الأهلى .. هذه اصولك التى نعرفها جيدا ..... وهذه الهزيمة كبوة جواد وسترى المريخ باذن الله عاليا فى السماء وستوت غيظا (( شعب يجمعهم الطبل ويفرقهم السوط ))
  • #6
    حنك 04-29-2016 12:0
    يوم بتكتل ليك عصفور يا شوربجي
    اليوم حكيت الصهاينة حكة جد
    كان كتلت ليك وصيفابي
    انت مخير
    الناس ديل خطرين
  • #7
    Talal 04-29-2016 11:0
    همبول ومعمول من دلاقين كمان... والماعاجبو يقع البحر..!! رشهم ياشوربجي رشاهم الغزال...ههههههههههههه
  • #8
    كمبارس أفريقيا تمامة عدد 04-29-2016 11:0
    الطشاش فى بلاد العمى شوف ***الصفر صفر ولو رك *** والرقم الصحيح صحيحا ولو طار
  • #9
    الاسر جمالك 04-29-2016 11:0
    يا اللخو الهمبول هو من يحترم سنه يا عمو شوربة بدل ان يعلم القراء الالفاظ السوقية و انت استحي تنقل الفاظ ستكم فاطمة صراحة صحيفة كفر و وتر اصبحت منبرا للشتائم
  • #10
    ابو اليث 04-29-2016 10:0
    واللة ياشوربة لقينا ليك اسم اضافي همبول الصحفين . وحقيقة الاختشو ماتوا. باللةعليك اللة انت عندك تيم عشان تتكلم وبعدين عاين لموقع هلال الابيض وموقع النيل شندي من الاعراب ياااااهمبول
  • #11
    waleed 04-29-2016 07:0
    والله البيسمع حالة الفرح الهستيري المسيطره عليك دي وسخريتك من المريخ لانو هبط للكونفدراليه يقول الهلال شال كأس الابطال وبيلعب في مباراة السوبر الافريقي ياخي ما تختشي علي حالك يا عاطل لكن فعلا الجلوس علي الرصيف حاااااار بيخلي الناس تفتش عن الفرح في اي مكان وفي النهايه المريخ قادم وبقوه وكويس انو تعادل وخسر عشان يستعد بقوه وكان حينا نرد عليك والمريخ في المجموعات ومقبل علي دوري الاربعه وساعتها شوف ليك جحر
  • #12
    ابووضاح 04-29-2016 06:0
    همبول وبرضو تقول لي ما بتشتم المريخ انت شايف انو دي مداعبات بريئة همبول افريقيا ونحنا لما نرد عليك نطلع فاقد تربوي ونطلع مراهقين بعد شيبنا دة كلو وناس كفر ووتر يحجبو ردودنا انت تسرح وتمرح في شتيمة المريخ وتنعتنا بهمبول افريقيا وانت كدة بتهظر وتمزح معانا لا والله حلوة يا شوربة حلوة دمك خفيف شربات خلاص ما دام الموضوع كدة استحمل الجايك من ناس الزعيم وصالحين وصحبهم الكرام بس طول بالك وشيل الصبر قلت لي همبول دحين دي ما ياها نفس الكلمة الشتمت بيها فاطنة الصادق حكيم امة الهلال طه علي البشير مجرد سؤال
  • #13
    جمال الدين هاشم 04-29-2016 03:0
    والله همبول انت بالله انت عندك فريق تكلم عليه قال كرنوس
  • #14
    alyyas 04-29-2016 01:0
    ماهر عثمان +الغزال فعلاها والاتحاد +المريخ جلاها . د.شورجي سلام .
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019