• ×
الجمعة 14 مايو 2021 | 05-12-2021
شوربجي

نحن في انتظار سيادة الرئيس

شوربجي

 4  0  1558
شوربجي
نحن في انتظار سيادة الرئيس

((())) واخيرا وصل رئيس نادي الهلال :

واحوال الهلال في الفترات السابقه لا تسر

وكنا لا نجد ردودا مقنعه من اعضاء مجلس الادارة

لا عماد الطيب ولا نائب الرئيس يشفون غليلنا

والمنسقة كانت مشغولة بالحروب الجماهيريه

وتلك اللافتات المستفزة في كل الملاعب

واستغربنا كثيرا من صمت الكاردينال

وتركه لامور الهلال تستفحل بهذه الطريقة المخيفه

اليوم يعود الربان لقيادة السفينه

ونحن في انتظار قرارات قويه تعيد للهلال توازنه الذي فقده بعد الخروج الحزين

نحن في انتظار قرارات الرئيس في التسجيلات القادمه

وكيف ستكون بعد ان فشل الهلال في الحصول علي لاعبين متميزين

ونحن في انتظار عودة الرئيس لمصالحة جماهيره العزيزة التي ظلت حزينه بعد الوداع الافريقي والهزيمه المدويه من نيل شندي

نحن في انتظار الرئيس ليجري تغييرات في الهيكل الرئيسي لمجلس الادارة

واحلال بعض خبراء كرة القدم من قدامي لاعبي الهلال محل هؤلاء الاخوة الذين لا علاقة لهم بكرة القدم

نحن في انتظار الرئيس ليرتب لنا البيت الهلال كما يجب

نحن في انتظار الرئيس لكي يتصدي بقوة لتلك المؤامرة المريخيه الاتحاديه والتي تعمل من اجل انقاذ المريخ في هذا الموسم ودعمه تحكيميا او اداريا ( سمير فضل ) وحتي يلحق بالهلال ويفوز بالدوري

نحن في انتظار الرئيس لنري القلعة الزرقاء تقبل جمهور الهلال

نحن في انتظار الرئيس ليخبرنا بصراحة عن ذلك المخطط الخطير والخاص بالتخلص من عضم الفريق والذي اعلن عنه المدرب الهارب طارق العشري

حقا نحن في انتظار الرئيس ليضع النقاط فوق الحروف ويريح امة الهلال


((())) هل جمال حالف طلاق :

النبي وصي بسابع جار

واحوال المريخ تهمنا في المقام الاول

لانه نادي منافس يضيف حلاوة علي المنافسه الكرويه في البلاد

وقسما فنحن لا نشمت اطلاقا في نادي المريخ

ولا في رموز نادي المريخ المحترمه

ولكننا نحب المداعبات والمكاواة لبعض اخواننا المريخاب

ولكن بعض اصحاب الافق الضيق يعتبرونها عداوة وكراهيه

فنجدهم يسيئون للكتاب بطريقة فظة لا تقبلها مثلنا السودانيه السمحه

ففي بيتنا هناك مريخاب اشقاء لنا

وفي اسرنا هناك مريخاب احباب لنا

يداعب بعضنا بعضا

لذا فخلوا اخلاقكم رياضيه

المهم في الاخبار ان الرئيس المحبوب لاهل المريخ جمال الوالي رفض العودة لناديه

وبعد هذه الخبريه الحزينه اتصل بي صديق عزيز وقال لي ان جمال الوالي رفض العوده للمريخ

لان الناس دي كانت مؤمله الزول ده حيرجع ويحل ليهم مشاكلهم الماليه الصعبه جدا

وان ونسي وعبد التام مجرسين شديد الايامات دي

وان الاحوال في غاية السوء

وقروش سفر للمغرب ما في

ورواتب ومستحقات المحترفين ما في

والمصاريف اليوميه بالملايين وما في

وكهربة الاستاد والنادي وفاتورتها الباهظه لم تسدد

وبكري المدينه وحلول موعد قروشه والقروش ما في

وديدا والمليارات وقفل الجوال والقروش ما في

وعمر بخيت وقروشه واختفاءه لايام وعدم مشاركته والقروش ما في

وتراوري الصعب ووعود ابوجريشه له والقروش ما في

وعنكبه وعلي جعفر وضفر والعجب وغيرهم والقروش ما في

ولسان حالهم يغني ويقول :

ليالي يا ليالي ليالي عودي تاني

ليالي ياليالي ليالي عودي تاني

ليالي ياحنيني ليالي ياضنيني

مادمت تسعديني بالبريدو تجمعيني

ايام ماكنت جاهل مابعرف الهموم

لاني ماعرفت السعاده مابتدوم

الطيف نسيم حاولني جاب ليه خبر اليم

مادام لي شعوري ايامنا في الدويم

ليالي يا ليالي ليالي عودي تاني

ثم يعقبونها بالاغنية التاليه :

عود لينا يا ليل الفرح
داوي القليب الانجرح
قول ليهو يفرح مرة يوم..
طول عمرو ناسيهو الفرح

عود لينا يا ليل الفرح

عود لينا ما تبكي العيون..
الشاربة من بحر الخجل
عود لينا ما تعذب قلوب..
مليانة بتفيض بي الامل
عود لينا قبال الخريف يرحل..
يسيب ايامنا للصيف للمحل
إمكن تفيض اشواقنا يوم
وريدي لي طيفك يصل

عود لينا يا ليل الفرح

لكن يا ليل كيفن تعود..
تتحدي ليل..
اسود ومن احل العطور..
رويان يسيل
كيفن تعود والليل بيتوسد ضفاير
حبى زى طفلا صغير شايلنو شيل
اتغنى بى حلو الاغانى
الطيبة راجيك من قبيل

عود لينا يا ليل الفرح


محمد حسن شوربجي


امسح للحصول على الرابط
بواسطة : شوربجي
 4  0
التعليقات ( 4 )
الترتيب بـ
الأحدث
الأقدم
الملائم
  • #1
    محمد التهامى 04-28-2016 01:0
    شوربة ودى اذكر لك موقف قد يكون عايشة كثير من الاخوة الاعزاء فى مرة الهلال كان لاعب فى كاس الابطال وتمت التصفيات والعلال مستمر واتت المراحل الاخيرة فى البطولة واحد من كتاب شمال الوادى وصف الهلال وقيمة بصورة مستقذه ونعته باوصاف سيئة ولعب الهلال وانتصر وخرج كل المجتمع الرياضى المرخاب قبل الهلالاب للشارع وصار الهتاف موحد ياحلب هلالنا غلب
    نرجوك ياشوربة اكتب ما شئت لكن لاتستفز الاخرين وانتقد ماشئت لكن لا تطعت الاخرين
    الكنت بتكتب فيه ده لامداعبة ولايحزنون ده كان عبط . ونتمنى لك التوفيق وذكرك بالمرحوم عبدالمجيد عبدارازق له المغفرة كان مريخابى صارخ لكن كل المجتمع الرياضى على اختلاف الوانهم يحبونه ويقدرونه عارف لماذ؟؟؟؟؟؟؟؟؟؟؟؟؟؟
  • #2
    عزالدين وديدي 04-28-2016 09:0
    شكلك ح تنفع غناي واحسن لك اقلب من الصحافة لانك فاشل بجدارة
  • #3
    الزعيم 04-28-2016 08:0
    الزول. دا مانصيح. حتى المناكفة. ما بتعرف. الا تتعلم. من كابو ومزمل. ومحمد عبد الماجد انت بالحرف الواحد. شخص مريض وحالتك متاخرة جدا
    انت شخص حاقد. وسبب كراهيتك للمريخ. غير معروف. سبحان الله حتى الهلالاب. ما برتاحوا ليك يا سيد غير اُسلوبك. القبيح. نصحناك عشرات المرات ولكن لا حياة لمن تنادى اسمع كلام الببكيك ولا تسمع كلام البضحكك. انت مشكلتك تكتب مقال تنزل فى الموقع من غير اى مراجعة ودا دليل ما عندك صديق ينصحك الى متى. تسىء المريخ. وتسىء نفسك وتصغر امام القرّاء وتجى تقول عندنا مريخاب فى البيت. واصدقاء مريخاب ودى مناكفة. علاقة المناكفة شنو فى إساءة القبائل السودانية. المهم. اكتب ما تشاء واتحمل العلقات من جميع الاتجاهات. العين بالعين والسن بالسن والبادى اظلم. سلملى على. الكردنة وملياراته وكشافاته. ان شاء الله تستفيد حتى لو حق طلب فول ونعم المطبل
  • #4
    osama ibrahim 04-28-2016 06:0
    والله تعجبنى كتاباتك وحليفتك بالله دى تكفى لكن تقول شنو فاقد الشى لايعطيه وماتنتظر منهم رجى الغريبة فهمهم واحد الا من رحم ربى ومعتربين الامر حرب فى الاخر هى مباريات ومناكفات فى كرة القدم ولو على اى مريخابى ياخد كورس فى دار رياضة امدرمان بعد كده يشجع المريخ اكيد هايذوق حلاوة التشجيع
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019