*نسمع بمحاولات لاعادة ديديه في التكميليه
* طيب شطبتوهوا لييييه!!!
* ليييييه دي عجبتني
* وبستمتع بيها جدا لمن اسمعها عند قدوره المجنون
* الليله الموضوع كلو لييييه
* الليله سلك المجنون
* شطبتوا ديديه لييييييه
* دايرين ترجعوهوا ليييييه
* مشيتوا غرزه لييييييه
* وتراوري ده بدون فكه بلعب ليييييييه
* وتراوري قاعد لييييييه
* ماتقول لي الجنسيه
* ممكن يمشي ونرجع باسكال ابو جنسيه
* ماعملتوا كده لييييييه
* بتقولوا دفعنا وسددنا
* طيب الاولاد مابلعبوا لعب السداد ليييييييه
* الجمعيه العموميه بعد التكميليه ليييييه
* وفي التكميليه محتاجين صرف وقولة هاك ما قولة بي كم و لييييه
* يبقي في كشكوش كتير
* ولو مافي كشكوش محددين الجمعيه بعد التكميليه ليييييه
* سمعنا عن الاستثمار
* ماشفنا عقود استثمار وانتوا ماشين لييييييه
* الليله سلك المجنون للصباح
* لكن في حقيقه واحده مقنعه ومابتحتاج سؤال ليييه
* عند انتهاء التكليف من حق التسيير ان تشكر وترفع لها القبعات بدون ما نسأل ليييييه
* ايها الناس
* ناديكم يناديكم
* ناديكم يحتاجكم ويحتاج اليكم
* كلنا امام الزعيم
* كلنا خلف الزعيم
* كلنا حول العريس
* عريسنا لازم يأخد حمام مغربي من امو عشان ينور يوم يزف الي المجموعات
* عاد اليوم داك
* الواقعين في خور شندي مايجونا بي طينهم ده ويحرجونا مع الاجانب الفي المجموعات
* ومايجوا يتلموا تحت الفنان ويرقصوا لينا زنق يحرجونا مع المعازيم
* عاملين كشافاتكم الشينات ديل
* يوم زفافنا للمجموعات عازمين فطومه اختي
* مابتتوصي يافطومه
* بس اللبسه الليبيه الشينه ديك ماتجينا بيها
* وممنوع اصطحاب الكسكتات
* يقوموا ناس باقام اموم يشوفوا الكسكتات يقولوا نحنا بنقسم مع سيلفا كمان
* جننا وجن الامم المتحده
* طبعا بعد نطلع من الحمام المغربي نايرين ويتم زفافنا للمجموعات
* ناس محمد عبد الماجد ديل تاني مابشوفونا الا في الشاشه
* غسلوا عيونكم شديييد ماتجوا بي كتاحة ليبيا دي
* واقشروا كويس حتي تقعدوا قدام الشاشه
* وحقو كردنه يجيب ليكم شاشه كبيييييره تشوفونا فيها
* بس الخوف يجيبها زي الكشافات الداقات سيستم دي
* تقوم الشاشه براها تنصل
* ولما تنصل تكون كورتنا درون
* ترفعوها تلقونا في دور الاربعه
* وتتفرجوا
* هي داب فرجه
* فرجه بي دموعها وبكاها
* بس كردنه لما يجيب الشاشه ما يعين فطومه مشرفه عليها
* لو عين فطومه بتتفرج هي وروشا براهم وبتخليكم بره
* اقعدوا ياخالد عز الدين قدام الشاشه واسكتوا سااااي
* عشان تستفيدوا
* لما المعلق يقول المريخ السوداني
* صائد وصاحب البطولات الجويه
* رصيده قاريا كأس مانديلا
* رصيده اقليميا تلاته سيكافات
* رصيده عربيا دبي والشارقه
* رصيده من سودان قبل الانفصال جوبا
* المريخ السوداني
* الفريق السوداني الوحيد المسجل بلوح الشرف الافريقي
* لعب له نجوم كبار
* ابالو لعب في كاس العالم ولعب للمريخ
* النفطي والحضري
* مابجيب محترفين علي شاكلة تسخاني وابيكو الغاني
* دي كلها معلومات مفيده ليكم في الكتابه عن الحقائق ياخالدونا
* محمد عبد الماجد
* اسمع كويس عشان تستفيد
* ايها الناس
* التكميليه قربت
* زمان لما شلنا سيدا الناس طلعت الكشافات
* اسي لما نشيل الكان جبنا اسمو الهواء بقسمو ناسكم ديل يعملوا شنو ياروشا مع الكشافات الداقه سيستم وبتنصل براها دي???
* يطلعوا مظاهرات يعني???
* رجعوا الابراج القديمه سريع خلو الاهله الشرفاء يتشعبطوا فيها اعتصاما لما نسجل الكان جبنا اسمو الهواء بقسمو
* قلت لي التسيير مفلسه???
* نشوف
* ايها الناس
* ان تنصروا الله ينصركم
* اها
* نجي لي شمارات والي الخرتوم
* يا والينا
* كلمناك واشتكينا
* اتمغصنا وبكينا
* احترقنا واستوينا
* اتغسلنا واتكوينا
* ومافي زول شغال بينا
* الخور الفي شارع العرضه من الناحيه الشماليه
* فاق مرحلة الباعوض وبقت فيهو نفايات نوويه
* تمرق المويه من تحت الخرسانه القويه
* افتح لون فيها اسود يا والينا
* معتمد امدرمان ده شارع العرضه ماتبعوا ولا العرضه انفصلت ولا ماجايب خبر ولا دي حقاره بينا
سلك كهربا
ننساك كيف والكلب قال للجريو ياحليل برمبل زمان يا ولدي ايام برمبل في امدرمان دي لو بصقت مابتقع في الواطه يا ابني الجريو قال ليهو اسي في امدرمان لو مرقت تقع في مويه اعفن من السبتك ام درمان بقت ام سبتك وصاح هو هو هو ابتااااااه ضعنا الكلب حضنو وقال صدقت ياولدي
والي لقاء
سلك