((())) والله حرام عليك يا مازيمبي من وين طلعت لينا :
مازيمبي قاطع طريق
ومازيمبي بحرق حريق
وخرج مازيمبي من البطوله الافريقيه
وجاء امدرمان يسألنا عن الكونفدراليه
قلنا ليهو لف يمين تلقي ليك بيت عزاء لناس جونا بالجزائريه
بس ما تهجمهم عشان ما يموتوا بالسكته الدماغيه
والله لا كسبك يا مازيمبي يا غتيت تاني جيت لافي للمريخ عشان تلحقو السيكافيه
((())) واوعك تقول لي خروج مشرف :
ما كده حتزعلوا لينا مشرف زكريا
و ما قلتو يا هو ده المريخ
ويا هو ده الانجاز ويا هو ده التاريخ
مالو مريخكم بقي في الجزائر اكلة فسيخ
وما قلتو شمينا ريحة الكاس
ما غشيتونا وضحكتو فوق الناس
وما قلتو مريخ القرآن محفوظ
ومنصور بالرحمن لكنه ما محظوظ
وها هو الآن طار يطير طيرانا
وخرج يخرج خروجا
وخسر يخسر خسرانا
وهزم يهزم هزيمة
وسقط يسقط سقوطا
وفضح يفضح فضيحة
وحكم يحكم تحكيما
وجحنط يجحنط جحنيطا
وجعفر يجعفر تجعفرا
ووصف يوصف وصيفا
ويا حليلك يا صالات الفي اي بي والجلاكسيات
ويا حليلك يا بابا غساما البخيل والبلنتات
والحقنا يا عمو سيحه
قرارات الحكام ما كانت مريحه
وخرجونا خروج ايد ورا وايد قدام
وعمره فريق مفلس شديد ما بيمشي تمام
والكورة بقت صناعه والافريقي ما داير مياعه
والآن ستبدأ المطالبات وشطارة اللاعبين
واتفرجوا يا سلام علي المتجرسين
والله يكون في عونك يا ونسي والمجتمعين
ويا جماعه اقيفوا صف حسع وحندفع ليكم الملايين
ونشوف اولا المحترفين
وبعدين الدور علي المحليين
تراوي امادو تراوري - نعم من الحاضرين
كوفي فرانسس - نعم من الحاضرين
كريم الحسن - افندم من الحاضرين
اوكرا ابن ام اوكرا - يس سير من الحاضرين
جمال سالم - انا دخلت الغابه و استلمت بس من الحاضرين
ويا شباب حندفع ليكم مستحقاتكم كلها وما تكونوا زعلانين
تكبير الله اكبر - تهليل لا اله الا الله
بس لو سمحتوا ما في زول يمشي الفيفا
لانو كده ما حتاخدوا تعريفه
ونجي للعيبتنا المحليين
ديدا المعز محجوب - مليارات
بكري عبد القادر المدينه - مليارات
عمر بخيت - مليارات
يا شباب جمال سودكال وعدنا خيرا
فاصبروا وصابروا ورابطوا واربطوا بطونكم من اجل مريخ العزة
لقد خرجنا بشرف ودي ما غلوتيه
لان مريخنا سيلعب في الكونفدراليه
بس خوفي يتقابل بالقوات المازيمبيه
او يتصادم بالكتائب الترجيه
وانا يطلعلي اسد انا بخاف من القطط السياميه
ودعونا نسآل اخونا ود المجذوب هل خروج المريخ طيران بشرف :
طيران بي شرف ..يمكن شرف ود موسي
ابطال الكبار ..اوعاكا تاني تكوسا
عشان هجمة ومخالفة في الاصل معكوسة
عايزين تعلموها غصب خطط مدروسة
...
السبعة الزمان الليلة جفلت جفلة
ناس لمن سعيدة وقد تكون متحفلة
المولد قريب انتظرو يوم القفلة
راجيهو الترجي عشان تتم الحفلة
...
اسمع يا وصيف ..ما تسوي فيها حريف
واوعي من الكلام الفاضي والتاليف
معروفة الحقايق وما بنرضي الزيف
نديك يعني كاس تجريس وفاق اسطيف
...
مسكين الوصيف معذور وما اتمرس
الحزن العميق ..من بدري فيهو اتغرس
ابطال الكبار منهج رياضي يدرس
مافيش حاجة اسمها خصمي خاف واتجرس
...
كلنا قلنا سبعة..واقل حاجة تلاتة
و ما احلي النجيمة وكت نشوف نكساتا
امرق يا وصيف ..قدام في ناس شفاته
احسن ليك تطير ..مما تشوف ساماتا
((())) اغنية الطيران كلمات جزائريه :
كلمات الشاعر وفاق بن سطيف
تلحين جاااابو بن دوغالو
جيبوها يا لولاد وانشاء الله يا لولاد
اي يي وي يو
يا لولاد ديروا
ايوا
يا بلادي بلاد الرجالة
اي يي وي يو
يا لولاد ديروا حالة
يا بلادي علامك سعادة
حارسنا حارس مرمى ...حارس المعجزات ....
يتصدى لكل هجمة يقود العمليات
يعمل المستحيل باش يفوز في المباراة
خط الدفاع يحير ....عندو جدار حديد .....
رقم 2 شاطر....و3 صنديد
و الرابع مخير.......و الخامس عليل
و السادس ما يعياشي هو غزال الميدان .....
والخامس ما ننساشي في لعبو فنان
قذفاتو ما ترحمشي و كل شيئ بالبرهان
الثامن راه ينظم في الدفاع والهجوم بالكرة يتحكم مسؤووول بدورو يقوم
و التاسع ياك معلم شجاع ما يخافش
يسجل في الاهداف و يخلي الحراس تعوم
((())) واليكم بعض استطلاعات الرأي من بيت العزاء :
[[[]]] محي الدين عبد التام وهو يقشقش الدموع :
أن سوء الطالع والحظ العاثر كان وراء خروج الأحمر من دوري الأبطال ولو أفلح اللاعبون في الاستفادة من الفرص التي سنحت لهم والتي كانت كفيلة بهز شباك الوفاق
[[[]]] مامون ابوشيبه قال :
لا يسعنا إلا أن نقول رب ضارة نافعة.. وخيرها في غيرها إن شاء الله..
[[[]]] مزمل ابو القاسم ما اكل يومين وقال :
لن نحزن، ولن نأسى على ما فات لأننا موعودون بالفرح في الآتي بحول الله.( اللهم صبرنا )
والخيرة فيما اختاره الله
[[[[]]] ابو جريشه وبحزن شديد :
الفريق كان يشعر بالخوف وعدم الامان - وقد تلقينا تهديدات في الفيس والواتس والايمو والتلفونات والفاكسات والتلكسات
[[[]]] هيثم كابو كان مشغول شديد بتعازي الفنانات :
وفي ركن قصي كان هيثم كابو جالسا حزينا وهو يتلقي الكثير من مكالمات الفنانات وهم يواسونه في الخروج الحزين ومكالمه من تشاد من الفنانه ندي القلعه واخري من لندن وايمان لندن ومكالمه حزينه من الحصاحيصا و انصاف مدني
[[[]]]] مسطول قاعد في بيت العزاء يبكي وما عارف الحاصل :
سألوه لماذا خرج المريخ من بطولة افريقيا ؟
قال لانه فرط في نصو التحتاتي ويقصد مباراة امدرمان
والظاهر سمعها من الفنان المصري السخيف احمد آدم حين قال ان السودان فرط في نصو التحتاني
محمد حسن شوربجي
بالله عليكم انت ومن تبعك من الهلايل امثالك كونوا بمستوى الفكرة والمناسبة والحديث عن الرياضة واتركوا السخافة واللاموضوعية والبساطة الغبية فيما تكتبون والله مؤسف حقا ان تكونوا صحفييين؟؟
ياخي هما البطولتين الابطال و الكونفدراليه الافريقيتان ولا يوجد غيرهم؟
اي فريق يشارك بهما لا يقل مستواه مهما كان؟
ارتقو بمستوى فهمكم وثقافتكم لكي يرتقي القارئي ويزداد ثقافة عن طريقكم ولكن هيهات؟؟
ده اسمو شنو .
الله يشفيك
وابطال افريقيا بدون هزيمة
ولازلنا في الأجواء الافريقية
مفلسين ولن يهرب المدرب
مفلسين واصحاب الخبرة موجودين
عندكم المليارات وهزيمة في المحلي وخارج الابطال من فريق بدون دوري محلي
والفيكم اتعرفت من حديث العشري ومهازل الأدارة والجمهور والأعلام.
2016 عام السيخ والأسمنت نشوفكم في 2017
بعدين حيجبرك توريهو هويتك هل هي ارتريه ام حبشيه وشيل شيلتك
كيف يسير الهلال الآن في البطولات الأفريقية ؟
ماهي أخبار سيكافا من أجل الشباب ...الشاب مساوي ...الشاب كاريكا ....؟