• ×
الثلاثاء 9 مارس 2021 | 03-08-2021
معاذ ابو مؤيد

وداعا الابطال وحباب الكونفدرالية

معاذ ابو مؤيد

 0  0  713
معاذ ابو مؤيد



الجميع يقول قدر الله وماشاء فعل
الحمد لله علي روح الشفوت
وشكرا لكل من دعاء سرا او جهرا
المجنونة قالت لا فقط!!!!
تفائلنا امس وكانت علي التكة وتفاؤلنا يتحقق ...
المؤشرات ظهرت علي الاداء
مريخ الشوط التاني مختلف تماما
لكن الحصل حصل
شكرا لمن تكبد عناء السفر من اجل الزعيم ....
شكرا ألتراس ومحبي الزعيم
شكلتم لوحة في المدرجات،،،

معظم المريخاب وشفوت المدرج راضين عن الاداء ومحبطين فقط للخروج ....
سطيف أربعة مباريات لم يهزم المريخ ...
فريق يملأ العين ويدفق ..
الشوط الثاني كان غير...
لكن فقدنا درهم الحظ وقنطار الشطارة...
إعلام ضيع المباراة الاولي بالضغط النفسي!!!
ومعسكر القاهرة القشة التي قصمت ظهر البعير ...
ومعسكر الخرطوم ناس داخلة وناس طالعة ضيعت المجهود...
القادم اجمل بإذن الله
الناس تركز وتستقبل الشفوت،،،،

بعد دا الكلام دخل الحوش
والبيت لازم يكون مكنس ومرشوش
القادم محتاج الوقفة الصاح
محتاج لينا كلنا شفت شفت
بس ايمال لو جلس مطلوب مساعد وطني وفورا !!!
ومحتاجين لمدير كرة برضو
طلبين مفروض يجهزوا قبل وصول البعثة للسودان ...
اللاعبين اجتهدوا بعيد عن قدرات المدرب وعملوا العليهم و ذيادة،،،

ماحنفصل في اداء اللاعبين ولاحنقول العبء كان علي مين
لكن حنقول المدرب أتأخر في التبديل،،،،
وحنستعد للقادم بحمرة عين
والمركب ما زالت تبحر في عالم البطولات الافريقيه ولاعزاء للناس المنتظرة الفضيحة المكتوبة في السبورة،،،
لكن عشم ابليس في الجنة !!
عشمهم طلع فشوش

ختاما
ندعم الفريق ونستعد للغريق
الجاي لايقبل القسمة علي اتنين

ونحن علي المدرج وندعم ونشجع ونتفرج ...
امبارح فرجتنا كانت مختلفة لانها كانت متوترة والناس اعصابها بايظة ...
لكن بعد الدقيقة خمستاشر من الشوط التاني الناس اتحكرت والعوازل شتت ...
ورجعت روح السنة الفاتت مع بعض الهنات والتقصير ..
ياريت تستمر روح الشوط التاني في مقبل المباريات ...

همسة أخيرة
مريخنا محتاج اضافات
وأيام تفصلنا من التسجيلات
ومن اسه لازم نستعد للمباريات
الدعم المعنوي مطلوب حتى في التدريبات
سمعتوني ياشفوت المدرجات

خارج النص
مريخنا دايما مفرحنا حتى وهو خرج من اقوى البطولات...
الاداء اسعد المدرجات
لولا بعض الاخفاقات رحلتنا كانت في المجموعات..
باكر نعود بالتفصيل للاخفاقات
شكرا للجميع
والقادم اجمل بالتكاتف ياحلوين
امسح للحصول على الرابط
بواسطة : معاذ ابو مؤيد
 0  0
التعليقات ( 0 )
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019