• ×
الجمعة 18 يونيو 2021 | 06-18-2021
شوربجي

هيثم وندي وعوضيه

شوربجي

 23  0  2495
شوربجي


((())) الكاردينال والبطانه الفاشله :

هل ينصلح حال الهلال اذا اقتلعنا الرئيس ورجعنا السيد صلاح ادريس الارباب ؟

فالكثير من الجماهير بدأت تطالب بانهاء عهد الكاردينال

وهذا سهل وممكن ولكن هناك من يطالب ببقاء الكاردينال

وهم يتساءلون من سيكمل مشاريع الهلال التي بدأها الكاردينال

من سيكمل جوهرة الهلال

من يكمل المدرجات

من يجلب الكراسي

من يقيم الاكاديميه

من يبني فندق الهلال

نريد تعهد كتابي من الرئيس القادم باكمال مشاريع الهلال

لا تطالبوا بابعاد الكاردينال وتبقي القلعة شبيهة بالمدينه الرياضيه

هكذا هم يقولون

والواقع يقول ان اخطاء الكاردينال لا تخطئها العين

فريق متهالك

ومدرب كل دقيقه

وخروج من بطولة افريقيا

وهزيمه من فريق مغمور في السودان

وعروض باهته لا تشرف الهلال

ورغبة في التخلص من عظم الفريق دون تخطيط

وان الكاردينال زول قروش وبس

ولا علاقة له بكرة القدم من قريب او بعيد

ولكن الكاردينال في الحقيقه

رجل كريم لا تشكل له المادة اي عقبه

فقط الرجل يفتقد لبطانة مشبعه بكرة القدم

هذه الادارة للاسف فشلت في قيادة نادي الهلال :

احمد عبدالقادر

عصام كرار

هشام محمداحمد

أفكار وداعة الله

عماد الطيب

محمد عبداللطيف

وعلي كردنه ان يستبدلها باخري ناجحه

الكاردينال ناجح في البزنس والمصانع والشركات عبر البحار والامصار

ولكنه اخفق كثيرا في قيادة نادي الهلال

والكثير من قراراته الخاصه بالفريق كانت كابوسا علي جماهير الهلال

ابتدءا من غرفة دبي والمواسير

السلسله الفاشله من المدربين

تعيين هيثم مصطفي وابعاده

الاستغناء عن كبار قدامي اللاعبين

قاقارين وكسلا وفوزي

كم هي حزينة جماهير الهلال باوضاع الهلال الحاليه

رئيس الهلال يملك المال والنادي يتخبط


((())) يا كابو : اخبار ندي القلعه في تشاد شنو ؟

هيثم كابو الرجل المتخصص في اخبار ندي القلعه وايمان لندن وعوضيه عذاب يسخر بشده من الهلال وشعار الهلال تاركا الفنانات وفريقه المفلس في الجزائر وهو يرتجف خوفا من هزيمة جزائريه قادمه قد تضحك كل الاجيال القادمه

اقرأوا ماذا كتب هيثم كابو بدون حياء :

نسأل الله للعشري وأم الكوكي وأم سادومبا (الصحة)؛ وللهلال المواصلة ب(عافية) ..!

* كل مدرب يأتي للهلال يقدم لنا (أسلوب) مختلف في الفرار، و(طريقة) خاصة في الهروب ..!

* كل مدرب يأتي للهلال يركز مع (طريقة الهروب) ولا يهتم ب(طريقة اللعب) ..!

* (الطريقة) التي تعامل بها العشري مع الوصايفة ليس فيها أدنى احترام فالموسم لم ينته بعد وأمام الفريق مباريات مهمة في الدوري الممتاز بعد الطيران؛ و(لسه بدري علي الهروب والزوغان) ..!

* لو صبر العشري قليلاً فإنه لن يكون في حاجة للهروب؛ لأن (العقرب) قادر على إنهاء تعاقده بثنائية ستجعله يعود لدياره ويلحق بالكوكي الذي (ركب التونسية) ..!

* جددّ الكاردينال (الثقة) في العشري بعد الطيران؛ فرد عليه المصري بالهروب لأنه (لا يثق) في لاعبي الهلال ..!

* سخر العشري من صغار الهلال وانتقد عجائز الفريق، وما كان في داعي للكلام دا يا عشري و(حقو تراعي مشاعر ناس مساوي) .!

* إعلام الهلال مركز مع صهيب الثعلب؛ و(ما عارفين المدرب هو الثعلب) ..!

* سمعنا بفريق يستغنى عن مدربه، ولكن مدرب يستغنى عن فريقه دي جديدة، و( يا الكاردينال انتو لسه في بداية الموسم والعشري لم يحترم قيم وموروثات الهلال) ..!

* (باقي الموسم) كملوه بالفاتح النقر، بس العشري كان شاطر وما خلى ليكم (باقي مستحقات) ..!

* يا فداسي .. (فريقكم انضرب والمدرب هرب) ..!

* نتمنى الا يُحمِّل إعلام الهلال (الطابور) مسؤولية (هروب العشري) ..!

* حقيقة عملية العشري انتهت من الصواميل؛ و(سوّدت وش الكشافات والمواسير) ..!

* وش الوصايفة ما ياهو .. و(خلاص موضوع العشري دا حقو الناس تنساهو) ..!

* الجفلن خلهن أقرعوا ماكسيم و(شوفو مخارجة للتيم) ..!

* ماكسيم ينتظر مخالصة سريعة التطورات الأخيرة والخلافات؛ و(الموضوع دا واضح وما داير ليهو حريق وسك ونيران وشعارات) ..!

انتهي

يا اخي انت سايب فريقك في الجزائر وهو جعان وعطشان وجاي تضحك علي الهلال

الا تعلم ان مشاطيب الهلال في فريقك كانوا مضربين قبل يومين لولا مكالمة هاتفيه من الرئيس السابق انقذت الموقف وبردت الجو وبعثت في انفسهم الطمأنينه

وارجي الراجيكم بعد مباراة الوفاق وصفوف الديانه والمستحقات

الهلال يا استاذ جاب مدرب جديد

وجايين ٥ محترفين

وجاي شيبوب

وجاي ابراهومه

والقلعه الزرقاء بقت تنور ليكم العرضه جنوب

وبعدين يا كابو ياتو اغنيه سمحة ( اللون القمحي ) لندي القلعه :

اللون الرايق الما مضايق

لون الرايق الما مضايق زول متهنى بالهنا طاير

احب ياناس اللون القمحى

اللون الاسمر اسمر اسمر رايق

احب ياناس الولد القمحى

اللون الروقة الزايد فوقا

الون الروقة الزايد فوقا لون الراحة الاصل الطويا

حبيبى ياناس اللون القمحى

لون الصندل عندى مفضل

لون الصندل عندى مفضل حبيبى قلبى يخش ويتفضل

احب ياناس اللون القمحى

لون السمار الحلو بنداره

لون السمار الحلو بنداره لون اخضر مع لونو صفار

احب ياناس الولد القمحى

زغروطة كمان للون القمحى

فؤاد ياناس باللون القمحى

ام اغنيه عوضيه عذاب ( يلا غنو قوموا الليله ) :

يلا غنوا وقوموا الليلة

العريس مرق لسيرة

سلى السيف كجل وسط الاهل

وبشر بى مهل وشرف البهل

لشيلة معروف من زمان فرح الاخوان لمن وهجو المكان

لشيلة الطيبة الصفات وفرح المات اى طنا البنات يدخر الاصيل ختلوا المكان

لسيرة وسيرتوا الليلة جات حمال الثقيل يلا غنوا وقوموا الليلة

ما هو رائك النقدي للكلمات وهل هي من اغاني السيرة ام التم تم ام هي من اغاني الدلوكه

مالك ومال الهلال والعشري ومكسيم والكاردينال خليك مع الهجيج واغاني السيره


((())) دعواتنا ( لوفاق سطيف) لا لا لا قصدنا المريخ :

دعواتنا ان ينصر الله ( وفاق سطيف ) لا لا لا قصدنا المريخ بسبعه اهداف اشبه باهداف شلبايه الوحدات الاردني في المريخ ويسجلهم ( جاااابو ) لا لا لا قصدنا بكري المدينه ومن سبعة ضربات جزاء ويطرد الحكم كل فريق وفاق سطيف من الملعب ويطرد المدرب ومساعد المدرب والاداريين ورئيس النادي حمار والجماهير كلها ويطرد الشرطه بس يخلي المرمي


محمد حسن شوربجي
امسح للحصول على الرابط
بواسطة : شوربجي
 23  0
التعليقات ( 23 )
الترتيب بـ
الأحدث
الأقدم
الملائم
  • #1
    sahir 04-20-2016 12:0
    بتحاول تستفذ كابو عشان يرد عليك لكن السماء اقرب ليك يا شوربه لانك محتاج سنوات ضوئيه فى البتعمل فيهو دا عشان تكون فى مستوى جزمة كابو
  • #3
    osama ibrahim 04-19-2016 04:0
    نحن قبيل شن قلنا قلنا الطير بياكلنا قصدى وفاق بيهزمنا والله لو انا ما قرات تعقيباتكم وما بشوف بس سمعت اللى انتو كتبتوه اعرف انكم مريخاب وكل اناء بما فيه ينضح وعفارم عليك ياشوربجى وقول لكابو حفلة ندى الجاية بتين ومقالتك الجاية بعد كم اسبوع عفوا فهو بكتب مقالته كل اسبوعين علشان وقته للفنانات عوضية عذاب
  • #4
    كمال فرج 04-19-2016 02:0
    لكل مؤسسة صحفية أو صحيفة واسعة الأنتشار في " ميثاق شرف صحفي" خاص بها يتضمن فلسفتها و مبادئها التي تعمل على أساسها ، وقد تختلف فلسفات المؤسسات الصحفية الا انها تجمع على الألتزام بالحقيقة والدقة والموضوعية و الحياد و المسؤولية امام القراء . و ينبغي اتباع تلك الأخلاقيات خلال الحصول على المعلومات و تقييم أهميتها ثم توصيلها الى الجمهور . اتسال عن المسؤلية الاخلاقية المهنية التى تتبعها ادارة الموقع فى نشر المقالاتعبر هذا الموقع . اعلم ان تعليقى هذا لن يجد طريقه فى قائمة التعليقات
  • #5
    كمال فرج 04-19-2016 02:0
    لكل مؤسسة صحفية أو صحيفة واسعة الأنتشار في " ميثاق شرف صحفي" خاص بها يتضمن فلسفتها و مبادئها التي تعمل على أساسها ، وقد تختلف فلسفات المؤسسات الصحفية الا انها تجمع على الألتزام بالحقيقة والدقة والموضوعية و الحياد و المسؤولية امام القراء . و ينبغي اتباع تلك الأخلاقيات خلال الحصول على المعلومات و تقييم أهميتها ثم توصيلها الى الجمهور . اتسال عن المسؤلية الاخلاقية المهنية التى تتبعها ادارة الموقع فى نشر المقالاتعبر هذا الموقع . اعلم ان تعليقى هذا لن يجد طريقه فى قائمة التعليقات
  • #6
    سيد عابدون فضل 04-19-2016 01:0
    ارحم القراء وما تفتح ابواب للاساء لك واحترم زملاء المهنة إذا كنت فعلاً منتمي للأعلامين .

    كابو ومزمل ملاك صحف ورؤساء ومدراء تحرير واعلامين معروفين من خلال القنوات المسموعة والمقرؤه انت مش ح تصل المرحلة دي .

    اما الكاردينال أو الجوهرة أو الكشافات أو المريخ بدون مال أو كابو أو مزمل - ملينه المواضيع دي هل من جديد ؟
  • #7
    محب الهلال 04-19-2016 01:0
    الأخ شوربجى: إذا كنت تؤمن بأن الكاردينال فشل فى إدارة الهلال وبكل هذا الفشل الذى لا تخطئه العين لماذا لا يرحل.... يا أخى أقرا مقال الأستاذ كمال الهدى تعرف السبب ,وإذا عرف السبب بطل العجب....
    أنا هلالابى ولكن لا يعجبنى تعرضك الدائم لمريخ السودان ووصفه وتعييره بالفلس وقلة المال!!! مريخ السودان ورغم ظروف العوز يلعب بقلب كبير وهو يمثل السودان...ولعمرى هذا إنجاز لم يحققه طوال ثلاثة عشر عاما من حكم الوالى!! وها هو حكم رجال المال يسيطر على الهلال وهو يخرج من الدور 32 من البطولة الإفريقية ويخسر الدورى والكأس فى الموسم الماضى ويخسر بالثلاثة من فريق صاعد للممتاز.... اللهم أحمى الهلال والمريخ من شرور رجال المال...
    اللهم أنصر مريخ السودان نصرا مبينا.... وكفى
  • #8
    جلابي .الدوحة .قطر 04-19-2016 12:0
    ان شاء الله تكون ضمن الصحفين الذين تم ايافهم ...اووو نسيت انت ما صحفي ...ملمع
  • #9
    nasr 04-19-2016 11:0
    عوارة وهباله بالله عليك ده اسلوب صحفي ولا سوقي
       الرد على زائر
    • 9 - 1
      أبو الفاتح 04-19-2016 12:0
      هو وكابو شبهينا واتلاقينا، الطيور على أشكالها تقع.
  • #10
    مكاوي محمد علي 04-19-2016 11:0
    انت يا كافي البلا ما عندك مقدرة تكتب مقال كامل الا تجلب كلام الرجال بتين تبقى راجل تكتب كلامك انت موش نسخ من قوقل ولصق ياسيدي والله انا مازعلان من امنيتك انو الوفاق يهزم المريخ لاني ما مستبعدها منك لكن البحيرني انك كيف سمحت ليك كفر ووتر انك تكتب مع انك ما بتعرف تكتب ليك جملتين علي بعض غايتو يا حليل الرجال
  • #11
    على محمد على 04-19-2016 10:0
    اولا كل ماكتبته فى هذا العمود انت روجت له من قبل والكاردنال انت الملمع الحصرى له
    اما استفزازك لكابو مخجل وفيه تطاول على كبار الصحفيين والنقاد
    اما الزعيم كبير ومازال مع الكبار ولم يهرب من الوفاق من قبل اومن بعد بس انا المحيرنى انت مازلت بتكتب ماحصلوا غيرك وانشاءالله يجى اليوم وتحصل التنقية ونشوفك تكتب فى الحيط
    مع تحياتى للاستاذ والاعلامى الكبير هيثم كابو
  • #12
    ابو مازن 04-19-2016 10:0
    تمام يا شوربه اديهم في المليان وبالحته الفيها الحديده وبالذات صحفي الحنانات ده وما تنسي المره الجايه عم تنقو ابو سلك ضارب.. وكلنا ندعو معاك بهزيمة المريخ اليوم هزيمة تسير بها الركبان تذكرنا بسباعية شلبايه والمطر.. اللهم اعطنا الفي مرادنا.
  • #13
    ابو مازن 04-19-2016 10:0
    تمام يا شوربه اديهم في المليان وبالحته الفيها الحديده وبالذات صحفي الحنانات ده وما تنسي المره الجايه عم تنقو ابو سلك ضارب.. وكلنا ندعو معاك بهزيمة المريخ اليوم هزيمة تسير بها الركبان تذكرنا بسباعية شلبايه والمطر.. اللهم اعطنا الفي مرادنا.
  • #14
    أبو ناهد 04-19-2016 10:0
    أنا بحترمك لأنك بتشبهني في الصراحة كرهك للمريخ لايمكنك مواراته كما انا كذلك.

    إلى الامام إلى الامام إلى الامام.
  • #16
    الاسر جمالك 04-19-2016 09:0
    غايتو الصحافة بقت كلها منقوليين زي ما قالت الست فطومة
  • #17
    ممدوح عزالدين 04-19-2016 09:0
    مشكلتك نوبي ما أقدر أسبك ياخي إنت صحفي وبعدين وين قرارات رئيس الجمهورية وهل توجد تفلتات أكثر من هذا ولو إنت داير تعمل شو لي نفسك بعيد من الزعيم لو سمحت
  • #18
    العقرب 04-19-2016 09:0
    والله نحن نكتفي بكلام كابو ده ونعتبره أبلغ رد على أمثالك ممن يهاجمون المريخ ويسبونه بسبب أو غير سبب... طيب إنت إذا السخرية حارقاك للدرجة أحسن تخليك في حالك .. بالمناسبة كلمات كابو زينت عمودك البائس الذي لا نةد فيه غير كوبي يبست .
  • #19
    ابو خالد 04-19-2016 09:0
    يا شوربة نت نسيت ستونة مجروس .. ما تتعب نفسك يا شوربة ده زول فارغ وبتاع فارغات ...
  • #20
    طارق 04-19-2016 09:0
    الرجفه شفناها من السطايفه وهم يكندكو فريقك الهالك في معبرته وهروبكم من الجزائر نحمد الله في ثلاث مواجهات لم يستطع السطايفه هزيمه الزعيم الفخيم بل جردهم من لقبهم العام المنصرم وقالوا الجري ده ماحقي اخبار تنظيم يطوله حوض البط شنو ولا كمان رفضوا تنظيمكم لها
  • #21
    محمد اسماعيل 04-19-2016 09:0
    فارغ المحتوى كالعادة مع عدم مقدرتك على التفريق بين ندى وندي ... للمرة المليون اقول ليك الكتابة دي ماعندك فيها ... أرحمنا
  • #22
    عزالدين وديدي 04-19-2016 08:0
    حسبي الله ونعم الوكيل عليك اللهم ارني فيك ماتريد ان تراه في المريخ.
    الحاسد لا يضر الا نفسهلن تنال مناك ان شاء الله.
    بس احسن بيت من اغانيك الهايفة زيك هو البيت التالي:
    ون الرايق الما مضايق زول متهنى بالهنا طاير. كان تقول الهلال طاير ويكون البيت تمام.
    نيل شندي كيف؟
  • #23
    الزعيم 04-19-2016 08:0
    احتجبوا تعليقاتى ولو مليون مرة. بس الرسالة تصلكم يا ادارة كفر ووتر مستواكم ضعف لدرجة قف. اذا كان موقعكم بهذا المستوى. الله يكون فى عون السودان والسودانيين
    بالله عليكم ماذا تقولوا يوم الحساب القلم أمانة. ولكن ادارة كفر ووتر دخل داعش. وقطاعين طرق. وصعاليك. والحرامية بأسماء صحفيين من قال لكم هذا الملعون. الفاقد تربوي. المدعو شوربة صحفى. هذا الشخص عاطل. فى المملكة العربية السعودية. وليس لديه مال. ولكن يعرف كيف يعيش بطريقة ملتوية. لماذا تتركوا هذا الارعن ان يستفز المريخ صحفيى المريخ جهارا نهارا وبمساعدتكم. كيف تسمحوا لواحد قليل الأدب ان يكتب بأسلوب صعاليك. الحق عليكم. وان شاءالله هذا وعد مننا. لادارة كفر ووتر نعرف كيف ندافع على وصحفيه بقيادة الرجل السودانى الحر هيثم كابو ولو كرهو المجرى الصعلوك هذا الغوغاء. شكرًا. لك بقيت تحفظ اغانى البنات. كابو رجل سودانى. صافى ولكن. المرتزقة. صاروا يقللوا من شاننا. أتمنى إنوا المريخ ينهزم فى الجزاير. ربنا يخيب ظنك طول عمرك.
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019