• ×
الجمعة 14 مايو 2021 | 05-12-2021
شوربجي

واسفاي علي هلال الكشافات

شوربجي

 33  0  3779
شوربجي


((())) وعملوها الشنداويه :

والله يسامحك يا عبد المحمود

لقد جلدتم الهلال بثلاثيه ناريه لم نتوقعها

فتغنت بها ندي القلعه لتغيظنا اكثر

وضرب السوط بشح وان ما قدرو زح

ياجناي ماني دايره ولدي يوح

انت جعلي حر ومابتهاب الضر

انت لحمك مر علي عدوك كر

قوم اقيف صلد وماتهاب الجلد

بارك الجلد قول ابوي ولد

حسي ليك هرج زى سوط العنج

اثبت يالجرج العمرو ماانحرج

انت ان صح جناي وصح ولد حشاي

امرق من وراي قول للجلدو جاي

ضرب السوط بشح وان ما قدرو زح

ياجناي ماني دايره اسمع إح

ثلاثيه نيليه دكت الديار الهلاليه

وبعد هذه الهزيمه الداويه ومن وافد جديد

نؤكد ان الكاردينال لا علاقة له بكرة القدم

وان الرجل اداري وبزنسمان وفقط

اما ان يدير فريق كرة قدم فهذه صعبه شديد عليهو

لان ادارة الفريق ليست بتوزيع المهام علي اسماء مغموره لا علاقة لها بكرة القدم

في المنشآت ما قصر وشكرناه كتير لدرجة اتهامنا بتكسير التلج والنفاق

ولكن الرجل ما قصر في المنشآت تب

لكنه صفر في ادارة فريق كرة القدم

فاداريوه الذين يتغني بهم اناس غير معروفون في الوسط الرياضي

ولا علاقة لهم بالادارة الكرويه

فكيف يتسني لهم قيادة فريق في قامة نادي الهلال

مش عارف واحد عميد لا يعرف الفرق بين الضربه المباشره والضربه الغير مباشره

وواحد محامي يومه كله بين القضايا

وسكرتيره قال الكاردينال انها فاهمه اكتر من كل فطاحلة صحفيي الهلال

وواحد ما عارف عقيد دايم السفر لتجهيز الفنادق للهلال

وواحد بيشبه كردنه طبق الاصل وما عارف وظيفتوا شنو

هل هي هذه ادارة الكرة المحترمه

من اين اتي هؤلاء

وما هي علاقتهم بكرة القدم

واين هم كوادر الهلال

واين هم قدامي اللاعبين

وين ناس قاقارين وامين ذكي والاسد وكسلا (والفاتح النقر ) وده وجوده ضروري في الهلال حتي ولو تقدم بشكوي

وين وزير الدفاع طارق

وين صبحي وين اسامه الثغر الذي حلق بلبنان عاليا

وين فوزي التعايشه الذي يصنع النجاحات في الامارات

الهلال يحتاج لهؤلاء الغيورين

الهلال يعاني كثيرا لانه يدار بواسطة ناس عاديين

وقد انطبق عليهم قول الشاعر :

اذا كان الغراب دليل قوم فما وصلوا وما وصل الغراب

وحقا فلن نصل الي اي مكان وقد خرجنا من الافريقي

وقد نخرج من الدوري

الفريق في الحقيقه متهالك ومفكك

لا روح فيه ولا حماس ولا رغبة في لعب كرة القدم

اسماء يقولون عنها كبيره لا تستحق ان ترتدي شعار الهلال

او ربما لم تجد المدرب الناجح

كاريكا وبشه والشغيل وحتي نزار الذي يبدع مع المنتخب ويركلس مع الهلال وبويا

مكسيم اخوتي هو الحسنه الوحيدة في الهلال

وهو لا يسال عن هزائم الهلال والاهداف التي تلج مرماه

والمدرب طبعا فاشل ولا يفقه الف باء التكتيك الكروي

استعانوا به ليحلق بالهلال عاليا فاذا به يهوي بالهلال الي قاع سحيقه

* فوآاسفاي علي هلال الملايين وهو بهذه الحالة المزريه

*وآاسفاي علي هلال مدربه العشري

* وآاسفاي علي هلال ظلت ادارته تخدعنا بكشافاته

* وآاسفاي علي هلال دون ادارة كرويه قويه

وااسفآى على هلال كان به جكسا وقاقارين ومنزول والاسد والدحيش والنقر والطيب عبد الله والسمانى وسبت دودو وطارق وتنقا ووالى الدين

* وآاسفاي علي رئيس يترك الفريق يتهاوي وهو غائب بين العواصم

* وآاسفاي علي كشافات تتعطل وتتهم فيها الصواميل مع ان الصواميل بريئه الذئب من دم ابن يعقوب (وتم استيراد كشافات جديده)

* وآاسفاي علي قرارات الادارة المضروبه واستبعاد فوزي واستبعاد هيثم وتكليف من لا علاقة لهم بالكرة لامور الفريق

* وآاسفاي علي اصرار الرئيس وتجديد ثقتة بالعشري

* وآاسفاي علي الهلال الذي ضاع وسط السيخ والاسمنت والاكاديميه

واليكم تعابير جماهير الهلال متمثله في شاعرها احمد المجذوب وهو حزين :

كـــل يوم بي هزيمة وبي فكر تدريبي

كل يوم في الهلال بنشوف فلم تخريبي

لعبتو الشباب ..وعـــــملتو بث تجريبي

جـــــابت ليها شــندي بعد مهازل الليبي

برضو هلالنا يبقي جميل

وبيهو الامة تتشـــــــــرف

مين يا اخوانا نادي النيل

ممكن ياخي نتعــــــرف ؟


((())) من سيدفع تعويضات يهود السودان ؟

ومن جديد ودون حياء يطالب اليهود بتعويضات لمواطنيهم

وقال ايه اليهود تضرروا في البلاد العربيه وفقدوا ممتلاكتهم

وفي السودان قالوا تضررنا

ونشرت صحيفة هاآرتس الإسرائيلية تحقيقاً عن اليهود السودانيين، تزامناً مع مؤتمر "الخروج.. الهجرة.. التهجير والتشريد"، الذي يطالب الدول العربية بدفع التعويضات المالية إلى الكثير من اليهود من المنحدرين من أصول عربية سواء بمصر أو الجزائر أو ليبيا أو تونس. وألقت الصحيفة الضوء على الجالية اليهودية السودانية، وهي الجالية التي لا يعرف الكثير من الإسرائيليين أو اليهود بصورة عامة وجودها أو تاريخها سواء الفكري أو السياسي على حد سواء. وزعمت الصحيفة إجبار الكثير من اليهود السودانيين على الهجرة وترك البلاد عقب الاستقلال السوداني عام 1956. ونشرت الصحيفة تعداد اليهود المنحدرين من الدول العربية، موضحة أن السودان عاش فيها ما لا يقل عن ألف يهودي مقابل 260 ألفاً من يهود المغرب، 135 ألفاً من يهود الجزائر، 125 ألفاً من يهود العراق، 90 ألفاً من يهود تونس، و75 ألفا يهودياً مصرياً ونوهت الصحيفة إلى أن اليهود السودانيين تفككوا بعد عام 1956، عندما حصل السودان على الاستقلال وانضمّ إلى الجامعة العربية، إذ هاجر 500 يهودي سوداني إلى إسرائيل، وتفرّق البقية في العالم. وقال زعيم ما يعرف باسم اليهود السودانيين يهوشع ليفي، إن زعماء الجالية السودانية سافروا إلى أمريكا وإنجلترا، أما من وصل إلى إسرائيل فعدد بسيط.

تعليق : من يا تري سيقوم بدفع هذه التعويضات ؟

اليهود فعلا كانوا في السودان

وربما لهم حقوق من مؤسسات وغيرها

ومازالت هنالك مقبرة لليهود قرب القيادة العامه

ويقال انهم قد اسسوا اندية رياضيهفي السودان

ويقال انهم قد ساهموا في تأسيس نادي المريخ

وخوفي ان يدعي اليهود ملكية نادي المريخ

وتكون معهم وثائق واثباتات او عندهم شهادات بحث

والحمد لله ان من اسس نادي الهلال سودانيين 100٪

ولم يعرف نادي الهلال اي يهودي

هذا الموضوع خطير وممكن تروح فيها انديه

والله يستر


محمد حسن شوربجي
امسح للحصول على الرابط
بواسطة : شوربجي
 33  0
التعليقات ( 33 )
الترتيب بـ
الأحدث
الأقدم
الملائم
  • #1
    الصفر الدولى 04-09-2016 12:0
    اسباب تدتى للهلال ماعدده اولها الادلره الضعيفه وترك الكاردينال الامر لفطومه والرشيد وهما اجهل شخصست بالاضافه لصحفى الهلال او مدعى الصحافه امثال شوربجى وكتاحه والرشيد على عمر هؤلاء هم سبب نكسه الهلال اذ لا علم لهم الا بالتطبيل الفلرغ ونفسى انشروا شهاداتكم للملا عشان الناس تعرف حجمكم واولهم المدعو شوربه فكتاباته لا علاقه لها بالصحافه من بعيد او قريب كلها تحمل حقد داخلى دقيت
  • #2
    مريخابي أبها 04-08-2016 03:0
    واسفاي على الكتاب المحترمين اعلام الازرق بعد الفوال صار شوربة هههههههه\
    تتحسر على رؤساء الهلال ولا تتحسر على القلم الهادف شوربة شنو ده
  • #3
    ابو احمد 04-08-2016 01:0
    هذي ايام زمانك يا شوريجي فامرح .والله فعلا مهازل كتاب امثالك يجب ابعادهم من الساحه والله فهو لا يدري ويدري انه يدري فهذا.....فابعدوه.يااا صفرابي عليك الله علاقة المقال باليهود والمريخ شنو؟ هو انتو الاعلام ده ماعلم ولا ناس شوريجي ديل ما اعلاميين. لكن بعد ده كله اني لك من الناصحيين انت قربت تطلع الشارع ويربطوك وعشان ده كله مايحصل احسن تخلي الكوره او تخلي تشجيع كبسور الماببرد القلب وبجيب الضغط وشوف ليك فريق زي الناس يشفع خلك ويديك مساحه تكتب شويه كيده امبده ولا حتى النيل شندي والله اخير ليك من كبسور ده.
  • #4
    محمد التهامى 04-08-2016 01:0
    شوربة احسن حاجة تعملها مواصلة الكردنة ربما تكون اخرتها كشكوش
    شوف كلما شجعت الهلال تأكد المستفيد فرق الدورى لانك بصراحة كج ونحس على الهلال ههههههههههههههههههههههههههههههههههههه
  • #5
    الحمبلوش 04-08-2016 12:0
    محاولات لصرف انظار الأهلة عن الهزيمة المذلة
    المريخ مالو ومال النيل ، تحدث عن المباراة ايها الفاقد التربوي
    ما قدر على الحمار اتشطر على البردعة
  • #6
    ودعقيده خلف 04-08-2016 11:0
    النيل يفيض ويغرغ الدلاقين بلاثيه ناريه هديه لشوربه
  • #7
    ودعقيده خلف 04-08-2016 11:0
    النيل يفيض ويغرغ الدلاقين بلاثيه ناريه هديه لشوربه
  • #8
    ودعقيده خلف 04-08-2016 11:0
    اللهم اجعل كيدهم في نحرهم اول الكردنه ما مثلو احد واليوم طلع خازوق رركه القلت النصيحه ياصفرررابي
  • #11
    ابو علي 04-08-2016 11:0
    ياشوربه من قال لك انت صحفي فقد ضحك عليك قووووم بالله شوف ليك شغله تانيه واترك الهلال في حاله امكن ينصلح حاله وواضح انك لا انت صحفي رياضي ولا تعرف التاريخ اصلا وتارخ السودان يعرفونه السودانيون .
  • #12
    الميرغني 04-08-2016 10:0
    الله يخيب ظنك يا شوربة جاي تفتش على حقوق أهلك. .يادوب يا. ..عرفت حجم ناديكم وادارتكم يا مشجع الم تقل أن الكشافات عاجباكم يالا أنظر للكشفات يا أعمى.
  • #13
    abdulbagi 04-08-2016 10:0
    وماذا يضير المريخ او غيره لو اسسه يهود ديننا الاسلامى الحنيف نهى عن العنصريه والتنابذ بالالقاب والهيود اهل كتاب نحن ضد الصهيونيه العنصريه دى كورة قدم مش حرب والله من وراء القصد
  • #14
    كمال وديدى 04-08-2016 09:0
    ركز شوية ياشوربة ماجى المسيخة.. تخليك فى الواى واى والمناحة..ولا تمارس هوايتك فى التقليل من شان الكبار..يخيل لى أحسن تكمل مناحتك..ولسه ياما حنشوفك تجعر..شندى يااااااخ
  • #15
    ابو اليث 04-08-2016 09:0
    وااسفاي ياراجل ياهلهلي . ولسه الجاي حيخليك تقول الروب بس ماتنسحب ياشوربة
  • #16
    ضفر 04-08-2016 07:0
    أبكي وزيد في بكاك و لسة الثقيل قدام . كل ماتسخر من الزعيم تترشي في الصميم وسيكافا كيف يالئيم .امثالك هم الذين جرو الهلال للوحل والطين وإنشاء الله دائما ملطشين ياحثالة الصحفيين
  • #17
    حباب الاخوة 04-08-2016 07:0
    قلت لى بقيت باحث عن حقوق اليهود ومنها المريخ
    يا راجل اختشى اختشى اختشى
    اللهم اجل حقدهم وبالا عليهم
  • #18
    جالون شل 04-08-2016 06:0
    الاعلام هو سبب بلاوى الهلال الموضوع ليس هزيمة النيل وقد سبق للنيل شندى هزيمة الهلال وهو فى قمة مجده وبالثلاثة ايضا المشكلة فى هذه الروح الانهزامية وعدم المبالاة من اللاعبين الذين وجدوا فرصا كثيرة ووجدوا اجهزة فنية مختلفة ولكنهم لم يتطوروا المشكلة فى الادارة التى لاتعرف ماينقص الفريق فيسجلون لاعبين اى كلام .على الكاردينال اصلاح الحال ولم شمل الادارة والجماهير والاستعانة باهل الشان .
    مقابرة اليهود فى المنطقة الصناعية شارع الحرية.
  • #21
    الفريني 04-08-2016 05:0
    عودة الهلال إلي مجده مقرون بابتعاد كائنات الشؤم والنحس عنه
    والحمد لله بلا حدود أن حصّن المريخ وأبعد عنه حاملي الفيروس
  • #22
    بابا 04-08-2016 05:0
    اول مرة يكون نقدك لهليلك مفيدا
    أصلح الله كردنة لما فيه الخير
  • #24
    قوقا على 04-08-2016 04:0
    ابكى ونوح كما الثكالى
    هذا ماجنته يداك وامثالك
    من يزرع الشوك ويتوهم انه سيحصد العنب
  • #25
    Ahmed Alahmed 04-08-2016 04:0
    كدي عاين لالوان شعار المريخ و الهلال و شوف اليهودي منو؟
    عارفك مطشش من علقه النيل شندي ...خليني اساعدك شويه
    الوان الكيان الصهيوني الازرق والابيض زي الوان الهلال وااااحد.
    الوان شعار المريخ النار و الذهب... سامعني يا محترم
  • #26
    ابوالفاضل 04-08-2016 03:0
    وووووووب عليك ياشوربة حالتك تجنن وتجنن ولسه ماداير تتوب وتخلي المريخ في حالو
  • #27
    بندق 04-08-2016 02:0
    اخيراً عرفتا انك جاهل وكل يوم بتكتب في تفاهات شابكنا كشافاتنا كل مره بقول ليك شوف انت بتكتب في شنو ومزمل بكتب في شنو
  • #29
    osama 04-08-2016 01:0
    نحن البهمنا كرة القدم سيبك من المنشئات والجوهرة وبرج كردنة .. يترك الشغلة دي للبيعرفوا ليها ويغادر كفاية كدة.
  • #30
    essam jeddah 04-08-2016 01:0
    هههههههاي الليلة يا شوربة فضيحة السواد تلالالالالالالالالاتة حتة واحدة ومن مين النيل شندي ؟؟؟ النيل في تسعة مباريات جاب تلاتة اقوان بس وفي مكسيم براه تلاتة معقولة بس ؟؟ أمال أهلي شندي بيديكم كم ؟ خوفي عليكم من الستات والسبعات هههههه انت عارف النيل ترتيبه حتى بعد الفوز عليكم رقم 16 من 18 .. أحسن خليك مع ندى القلعة والكشافات ويهود السودان يا اورناؤطي يا زنطور أفندي ههههههههه الليلة نوم ما ف يا فرحتي بيكم قال يهود السودان قال .. نيل شندي كيف , ما فروض تخجل وتكب الزوغة كدة شهر شهرين الغريق لسة قدام والنزول حيتواصل انا خايف تتدردقوا للمركز الخامس والسادس مع الناس الفايرة دي ناس الخرطوم الوطني ومريخ الفاشر وهلال كادوقلي والأبيض هههههههههه ندى القلعة كيييييييف ههههههههاي
  • #31
    Ahmed Alahmed 04-08-2016 01:0
    كدي عاين لالوان شعار المريخ و الهلال و شوف اليهودي منو؟
    عارفك مطشش من علقه النيل شندي ...خليني اساعدك شويه
    الوان الكيان الصهيوني الازرق والابيض زي الوان الهلال وااااحد.
    الوان شعار المريخ النار و الدهب... سامعني يا محترم.
  • #32
    صلاح محمد حسن الشيخ 04-08-2016 12:0
    يعنى يا شوربه لازم تجيب سيرة المريخ فى كل كتاباتك ورغم الهزيمه المخجله برضو المريخ معشعش فى مخيخك وكمان لحقتنا باليهود والباقى ليك شنو لحقنا ابليس المريخ الذى اخرج ابونا ادم وامنا حواء من الجنه ولا نستعد ذلك غايتو الله يشفيك
  • #33
    كمبارس أفريقيا 04-08-2016 12:0
    دفع تعويضات عندما يفوز كمبارس أفريقيا بالأميرة السمراء
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019