• ×
الجمعة 29 مارس 2024 | 03-28-2024
خلف الله ابومنذر

اللهم ألطف بقوون رمضان

خلف الله ابومنذر

 5  0  2389
خلف الله ابومنذر


# أحد الزملاء الأحباب أرسل أمس عبر تطبيق تواصل اجتماعى ما ورد بصحيفة قوون المفترى عليها فى زمن صحفى الغفلة والجفلة ،وما أن طالعت ما جاء ومعنى بالمطالعة استلقيت وضحكت حتى بانت نواجزى .
# رئيس التحرير بالانابة الذى لم يقيض له استاذ أو ملاذ أو احساس أن يتحرر من الجهل بلغته الأم فى المعنى والمضمون والمبنى وليس قواعدها، كتب بعد ان رفض المحررون صياغة ما نوى عليه وضلال وتحت عنوان توضيح من قوون حول ادعاءات أبومنذر( تود أسرة قوون أن توضح للرأى العام ان ما ورد على لسان خلف الله أبومنذر فى احدى الصحف وهو يحاول خلق بطولات وهمية عار تماما ولا أساس له من الصحة).
# لا حول ولا قوة الا بالله العلى القادر المقتدر العظيم ، اللهم ألطف بقوون أخونا رمضان أحمد السيد الذى اجتهد وجاهد واكتحل بالأرق والقلق والرهق وتوسد العنت والعناد وانتعل الدماء والتحف السماء وضرب أكباد النوق الجياد متكبدا المشقة ومكابدا المشاق على مدى عقدين من الزمان اختلط خلالهما الدم والدموع والابتسامة ليقدم تجربة ناضجة للصحافة الحرة الأمينة النزيهة التى تقدم رسالتها بمهنية وعدل كتابى وشفافية ومصداقية ونهج يحتفى به ورأى سديد يعمل به خدمة للرياضيين ولهلال الملايين .
# كيف يا جمصى ما جاء على لسانى ولم يأت على لسانى شئ من هذا بل كتبته بقلمى أو وضعته على (الكى بورت) والدليل ما جئت به انت شخصيا وبكامل قواك العقلية وحالتك المعتبرة شرعا من انه جاء باحدى الصحف وطالما انه جاء بزاويتى باحدى الصبح يصبح لم أنطق به على لسانى.
# اللهم برحمتك ألطف بقوون أخونا الحبيب رمضان أحمد السيد التى جاء أيضا فى عهد رئيس تحريرها بالانابة فى زمن الغفلة والجفلة ما يضحك السمك المطبوخ كما يقول الفارسيون فى أمثالهم جاء( الكاتب لم يشكل أى اضافة تذكر لقوون التى تعرضت لهجوم فى ظل حملة الاستقطابات الجديدة التى شملت بعض الأقلام وتحتفظ قوون بحقها القانونى فيما تعرضت له هى ومنسوبيها من هجوم) أى والله هذا ما ورد بصحيفة قوون رمضان أحمد السيد المفترى عليها من صحفى الغفلة والجفلة ، ( فيما تعرضت له هى ومنسوبيها..تعرضت له هى ومنسوبيها مرة واحدة عربى ده يا حاتم؟) .
# (لم يشكل أى اضافة وبالرغم من ذلك تم استقطابه فى حملة الاستقطابات الجديدة التى شملت بعض الأقلام) ما هذا التناقض ، الذى لا يشكل اضافة لا يتم استقطابه بل عندما تستغنى عنه الصحيفة يذهب الى منزله ويقضى شهور ثم يبحث عن وساطات لدى الرشيد ليعيده مرة أخرى(مرة أخونا الأمين البرير ومرة أخونا عثمان خالد ومرة يجيب باسطة ويجى براهو).
غيض
# أين الادعاء والافتراء؟ ألم ترفض نشر العمود الذى ينتقد الأخ جمال الوالى بدعوى ان الأخ صلاح ادريس يرفض توجيه النقد للرجل فى صحيفته وكذبك الأخ أسامة مصطفى فرفور وأمرك بنشره دون مناقشة؟
# الشهود أحياء متعهم الله بالصحة والعافية وبالمناسبة علمت بعدها انك لم تنشر العمود خوفا من الأخ عبدالعزيز برجاس الذى حذرك من ذلك والدليل يوم نشر العمود ظللت تحوم من بعيد حول الصحيفة لم تظهر فى مكاتبها الا بعد صلاة المغرب وبعد أن تأكدت من مغادرة برجاس والشهود أحياء
# أين الادعاء والافتراء؟ ألم تحجب عمود يحمل انتقادات لاذعة للأخ معتصم جعفر رئيس الاتحاد واتصلت بى ليلا وادعيت ان تعليمات الناشر الأخ الرشيد على عمر عدم توجيه النقد للأخ معتصم وفى اليوم التالى نفى الرشيد ذلك وأرسل فى طلبك وأمرك بنشر العمود وحذرك من تكرار ذلك
# لا أريد أن أشكل اضافة لصحيفة بقدرما أحرص على علاقة طيبة مع الزملاء ولا أنحاز لادارى أو رجل أعمال على حساب زميل من أجل مصلحة شخصية ولا اتعارك مع صغار المحررين بكبابى الشاى كما فعلت مع الأخ الزميل محمد عبدالقادر فى منظر مقزز ومسئ للصحيفة والصحافة
# فلاحتك بس مع حمودى المحرر الصغير طيب عبدالعزيز برجاس كيف؟
# بجيك أصبر لسع عندى ليك حاجات زى موضوع اعلان رجل الأعمال الحاج بابكر ودالجبل والحوار الصحفى بتاع الصلصة والسفر للعلاج وخلافه ومنتظر بس التأكد مليون فى المية من الشهود الأحياء عشان كل زى ما بقول الفرنجةDocumented حاجة تكون
# ما تستعجل على نصيبك براهو بجيك وبصيبك والبادى أظلم.
# ما استفدنا منك حاجة غير شغلتنا وأخرتنا من التحضير للحفل الخيرى الكبير لدعم نجمة المسالمة فى مشوارها الأفريقي الحدو مباراة الذهاب مع وفاق سطيف الجزائرى ياخدوا ستة صفر ويجددوا الثقة فى على جعفر.
# غايتو أخونا المهندس أسامة ونسى مسكين تعبان معاكم ومع القروبات يلقط فى الدعم أمبارح الليل كلو مساهر لغاية الفكة الفى السودان كلها كملت
# الليلة لقيت أخونا كمال دحية فى سوق الجمعة نفسو قايم وشايل عدس ومكرونة وصلصلة وطمام وبصل وتوم وشمار وويكة وفجل ودكوة.
# قلت ليهو يا كيمو ماشى وين؟ قال لى شايل حاجات معسكر مباراة وفاق سطيف ولكن ماشى على الاستاد أول أشوف التمرين وأحول رصيد يشتروا كهرباء لبيت اللاعبين.. قلت ليهو خلاص أساعدك.. قال لى ما بتقصر
# ووقفنا الركشة وركبنا ومشينا استادكم نزلنا الشعيرية وبقية الحاجات وقلت ليهو صدقنى يا كمال دوحية أخوى الجماعة ديل تعبوك خالص
# قال لى تصدق بعد ده بالليل كلو بكون لافى على القروبات أشوف لموا كم وأقعد أحسب فى الفكة وأمشى بعد داك أجدد الثقة فى على جعفر.
# قلت عشان الحفل الخيرى لدعم نجمة المسالمة فى مشوارها الأفريقي قرب أشيل منو العربون بتاع الفنانين ادريس مقالب وعوض اشلاق وعواطف كمونية وسعاد مغارز ونسرين البايخة ، لكن خجلت أشيل لى فنانين محترمين زى ديل عربون فكة عشان كده قلت أخليها مرة تانى
# غايتو بى عدسكم ده اذا لم فيكم وفاق سطيف بلحقكم جبال تورا بورا


امسح للحصول على الرابط
بواسطة : خلف الله ابومنذر
 5  0
التعليقات ( 5 )
الترتيب بـ
الأحدث
الأقدم
الملائم
  • #1
    عاشق النجوم 04-07-2016 07:0
    قصدك وفاق اسطيف الهرب منو الهليل في زمان صلاح ادريس وبعدين السنة الفاتت مريخنا العظيم فعلا ما فعل في نفس الوفاق يعني المرة دي كمان ح نتاهل ع حساب الجزائر إنشاء الله بس انت اصبر شوية ؛ ياريت بعد تاهل المريخ العظيم الوفاق ما يطلع حمام في نظر صحافة الفول ع قول هيثم مصطفي ولا نسيت زمن بيان الجوع ياحليل ايامك يا البرير بالمناسبة بيان الجوع موثق في صحيفة قوون و برضوا سبحان الله في زمن رمضان ؛ سيبك في صراعك مع هلالك الهلكان و اترك زعيم وسيد اندية السودان مريخ الشموخ و العظمة يتحرك في احراش افريقيا منصور باذن .
  • #2
    M.HUSSEIN 04-07-2016 04:0
    لله درك اخى أبا يزيد على والله العظيم نصيحة غالية وأنا شخصيا أشكرك عليها لأننى احسستها والله . أما المدعو أبو منذر والله الى وقت قريب كنت احترمه رغم مريخيتى الصارخة لكن بعد كدا خلاص أضفته الى زمرة المتصوحفين أمثال فنانين حفلتنا أصحاب أبو منذر عشان كدا تركنا أمر دعوتهم له . لما نكون عاوزين فنانين (محترمين)نترك امر دعوتهم للدكتور عمر محمود خالد ,ولما نكون عاوزين فنانين (.... ) بنترك امر دعوتهم للأستاذ ابو منذر عشان كدا هو الايام دى مهتم جزاه الله خير . عندنا مثل فى البادية بقول ( الابل بلحقوها بجناها) هههه اسرع يا ابو منذر الحق الفنانين .
  • #3
    nasr 04-07-2016 11:0
    زي الاهلي الليبي خلاكم فاقدين الوعي لي حدي الان وخلاكم تتكلموا بره من راسكم زي الكلام (الدراب ) بضم الدال ونشديد الراء الكاتبوا ده
  • #4
    ابو راشد. 04-07-2016 07:0
    ما هذا الغث ... احترم سنك ... لا تملك ملكة الكتابة ... انت غير متبصر.
    احترم سنك مرة أخرى
  • #5
    ابايزيد علي 04-07-2016 07:0
    ابوالمنذر
    الشاعر قال
    احبب حبيبك هونآ ما عسى ان يكون بغيضك يومآ ما
    وابغض بغيضك هونآ ما عسى ان يكون حبيبك يومآ ما
    ياخي ما تطلع كل ما عندك في لحظه واحده
    بعدين انت اسرار كانت بينك والصحفي كان تأخرها شويه
    بكده انت غير مؤتمن بأي سر يقال لك ﻻنك بسهوله وفي اقل مسكله بتطلع ما عندك وهذا سوف يقلل من اصدقائك
    المثل بقول اسمع كﻻم الببكيك ما تسمع كﻻم البضحكك
    كان من المفترض ان تدافع عن نفسك اوﻵ وتؤخر ما اسره لك زميلك
    ارجو ان تستفيد من نصيحتي.
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019