• ×
الجمعة 29 مارس 2024 | 03-28-2024
شوربجي

عفوا لن نشجع المريخ واهلي شندي

شوربجي

 26  0  3165
شوربجي

((())) العبوا سيكافا بالشباب فقط :

ظني ان ادارة الهلال ستخطئ خطأ تاريخي ان هي شاركت في سكافا الضعيفه بالفريق الاول

فهذه البطولة المتواضعه كنا نبغضها لضعفها وضعف الدول التي تشارك فيها

وفعلا هي بطولة مجاعات ولا اعتراف لها من الكاف والفيفا

وهي في الحقيقه بطولة تحصيل حاصل يفوز بها من يملك المال ويزغلل عيون الحكام وتلكم الادارة السيكافيه الفقيره

وكان الرجل الجميل والرائع جمال الوالي من المتبرعين الدائمين لهذه البطوله مما سهل فوز المريخ بها

اقطاب الهلال لم يدفعوا مليما واحدا لهذه البطوله

وشارك فيها الهلال ولم يفوز بها ولله الحمد

نحن اولاد اليوم ولا نريد مشاركة الهلال الكبير في هذه البطولة التعبانه

نريد مشاركة بشباب الهلال يونس الطيب واطهر وبشه الصغير ووليد ومحمد عبد الرحمن والثعلب والباقي من الرديف

لا يجب ان نشارك بالكبار

لا تشوهوا فريق الهلال ببطولة سيكافا


((())) لا لعودة الارباب الآن :

نجاحات الارباب مع الهلال لا ينكرها الا جاحد

وان كانت اخفاقات لا حصر لها وقد تركه الهلال غارقا في الديون

ومن منا ينسي يوسف محمد وملايننه

فبعد عهده عاني الهلال كثيرا من تلك الديون والقضايا التي كانت في المحاكم

ما لا نقبله الآن دعوة البعض بعودة الارباب ربانا لسفينة الهلال وابعاد الكاردينال فورا

لا والف لا

لا يا اخوان لا يمكن بأي حال من الاحوال اعادة الارباب علي حساب الكاردينال

لقد جربنا الارباب ووصلنا المربع الذهبي وخرج الهلال كما خرج الآن

وكذلك خرج الهلال في زمان الكاردينال من التمهيدي

ولكن الكاردينال يقوم بعمل جبار قد فاق ما قام به الارباب

الكاردينال يجتهد في بناء استاد يليق بالهلال

والكاردينال وعد اهل الهلال باكاديميه حديثه

والكاردينال غير كل كشافات الهلال العتيقه بكشافات دائريه ( وان كنا لا نعلم لماذا هي دائريه ) المهم كشافات جديدة نورت كل امدرمان والسلام

وقد بالغ بعضهم في وصفها وقال ان المريخ يمكن ان يلعب علي اضواء كشافات الهلال الجديده

يا جماعه خروج الهلال من بطولة افريقيا ليس معناه ان الكاردينال قد فشل اداريا

نعم الرجل اخفق في جانب الفريق ونجح في جانب المنشآت وهذه محمده

رغم ان الخسارة او الفوز هي حال كرة القدم في كل الدنيا

وفوز امة الهلال بهذه المنشآت يعتبر نصر كبير يشكر عليها الرجل فاتركوه يكمل ما بدأ

ويا علي مسئوليتكم جيبوا لينا ضمانات مكتوبه من الارباب وموثقه باكماله للجوهرة الزرقاء والفندق والاكاديميه والملعب الرديف ونحن نزفه رئيسا للهلال بالصفقه والزغاريد

اما عودته لمجرد الانتقام من الكاردينال وتصفية الحسابات فهذا ما لن نرضي به في الهلال لانها تخالف كل موروثات الهلال الديمقراطيه في تداول السلطه

دعوا الكاردينال يكمل دورته وبرنامجه وانتظروا قيام الانتخابات والصندوق هو الفيصل

اخوتي لا تحولوا عواطفكم الي مطالب يتضرر منها الهلال

كل رؤساء الهلال في حنايا قلوبنا وسيظلوا


((())) سنكون منافقين ان شجعنا المريخ او اهلي شندي :

ومع اقتراب مباريات المريخ واهلي شندي الافريقيه في قادم الايام

فمن المـؤكد ان ترتفع بعض الاصوات الهلاليه لتطالب تشحيع هذه الفرق من ناحيه وطنيه

وانا سوداني انا

وسنسمع تلك الشعارات المعتاده التي تتكرر كثيرا ( لا للتعصب )

وهنا اسمحوا لنا ان نقول لكم ان هذا ضحك علي الدقون

لان التعصب اصبح جزء لا يتجزأ من حياتنا جميعا

فالهلالابي لا يمكن ان يشجع المريخ او اهلي شندي

والمريخابي لا يمكن ان يشجع الهلال او اهلي شندي

وارجو ان لا نضحك علي بعض ونظهر خلاف ما نبطن كالمنافقين

لا تصدقوا اخوتي اي كاتب هلالي يدعو الي تشجيع المريخ ضد الوفاق او اهلي شندي ضد كسيبين

ولا تصدقوا اي هلالابي يرفع اعلام المريخ واهلي شندي في مباريات المريخ الافريقيه

فالمقالات التي تنادي بالوقوف مع المريخ واهلي شندي هي مقالات استهلاكيه

لقد ترسخت هذه الانتماءات في قلوبنا منذ امد بعيد ولا يمكن زحزحتها

ولن تزول وقد توارثتها الاجيال جيلا بعد جيل

جماهير الهلال التي تغطي عين الشمس مستحيل ان توآزر فريق آخر غير فريقها

وكل واحد قاعد يشجع فريقه

وكل واحد لا يروق له الا عشقه الابدي

اخوانا في المريخ واهلي شندي لا تغضبوا منا فهذه هي الحقيقه

صدقوني كاخوة نحبكم ولكن تشجيعكم صعب


محمد حسن شوربجي
امسح للحصول على الرابط
بواسطة : شوربجي
 26  0
التعليقات ( 26 )
الترتيب بـ
الأحدث
الأقدم
الملائم
  • #1
    د ابوعبيدة الكفاح 04-05-2016 12:0
    والله نحن في الغربة أصبحنا نتلون ذي الحربوية،،،،يوم احمر ويوم ازرق ويوم لون الأهلي شندي،،،،،ويوم علم السودان ،،،،عايزين بطولات ترفع راس السودان عاليا ،،،، والهلال للأسف الشديد،،،طوالي خازلنا،،،،،،حتي في هذه المنافسة التعبانة كما زكرت،،،،،هنالك حاجز نفسي للهلال لنيل البطولات ولا بد من كسر هذا الحاجز ولو بالحصول علي كاس هذه المنافسة التعبانة ،،،،للتقدم للأمام ،،،،،تشجيع المريخ وأهلي شندي واجب وطني لكل سوداني ،،،ان الحصول على بطولة واحدة فتح شهية لبطولات قادمة،،،،انك تدخل الرهبة والخوف وزعزعة الثقة في الخصم بحصولك علي البطولات ،،يجب علي فرقنا وبالأخص فريق الهلال خلق روح البطولة وإلا سنظل كما نحن قانعين بدور الوصافة او الوصول لدور الأربعة ،،،،واكبر مثال فريق مازيمبي الزِّي حاز علي تلك الروح البطولية ،،،،،الهلال العام الماضي كان أفضل من مازمبي ،،،
  • #2
    المراقب 04-03-2016 01:0
    يا شوربجي .... اذا كان شعارك بيقول الله الوطن الهلال
    اذا انت هلالابي صاح مفروض تقدم الوطن ( البيمثلوه المريخ واهلي شندي) قبل الهلال
    واذا انت ما هلالابي كمان ورينا
  • #3
    عزالدين سيد وديدي 04-03-2016 11:0
    انت شجعت ام لم تشجع فانت منافق وظاهر النفاق.والمريخ والاهلي شندس جماهيرهم تسد قرص الشمس خليك مع سيكافا القيافة التي استعصيت عليك برغم 8 مشاركات. انت اصلا جايب النحس للهلال بتشجيعك. الله يخلصنا من مقالاتك التي لا تسمن وتغني من الصفر
  • #7
    أحمد تابلت 04-03-2016 12:0
    معليش يا جماعة الفرقة حارة والمفارق عينو ملانه دموع وحمام الوادي من الله خلق الدنيا راحل ( ربنا لا ت.............. بما ............ الس........منا.)
  • #8
    محمد التهامى 04-02-2016 02:0
    ياشوربة يومك سعيد اسعدنا قرارك بعدم تشجيع الزعيم والنمور تأكد ان كل من ينتمى للمريخ واهلى شندى فرحان بعدم تشجيك لأن الكل مقتنع يأنك رجل كج لحقت الهلال امات طه ونشكرك كثيرا على هذا القرار. بس عايز اقول انا واغوذبالله من كلمة انا حقيقة اشجع اى فريق يلعب ضد الهلال حتى ولو كان من الدول التى تظهر كلام غير جيد عن كورة السودان وكنت اقرأ ذلك التهكم عبر الصحف والمجلات ولكن بعد خرجت خارج السودان وأصبح ذلك التهكم عن الكورة السودانية اسمعه واعيشه صدقى اشجع اى فريق من السودان لو كان بيلعب باسم السودان وده حسنات الغربه تظهر الحس الوطنى انا ما عارف هل الغربة بتاثر على البعض دون الاخر . لان تريقة شوربة وعمو بتاع الدمام ارحم لينا الف مرة من ان يتريق عليك اولاد شمال الودانى وشمال افريقيا .قدرنا نصبر على شوربة ولربما تصير ملاح اوسلطة فى المستقبل
    لك تحياتى حتى ترضى
  • #9
    احمد عمر 04-02-2016 11:0
    اخي احسن حاجة انك واضح عدم تشجيعك للمريخ هو نصر للمريخ لان المريخ منتصر من غي تشجيعك
    الحاجة الثانية الهلال اشترك في سيكافا اكثر من ثمانية مرات بالفريق الاول الذي وصل نهايات كاس افريقيا ولم يحرز شي اكثر مركز كان الثالث
  • #10
    محمدالفاتح عمرعثمان 04-02-2016 10:0
    سؤال لصاحب الصفر الدولي
    هل كان جمال محمد عبدالله الوالي رئيس لنادي المريخ العظيم عندما فاز بها العام 1986م .
    بالتأكيد في ذلك الوقت كان طالب يدرس .
    وأنت كذلك .
    أحترم عقول الفراء ياهذا ؟؟؟؟؟؟؟؟
       الرد على زائر
    • 10 - 1
      رضا على 04-02-2016 11:0
      ههههه لا بالله تعال شجعنا تعال ومعاك شوربة عدس
  • #11
    الفاضح 04-02-2016 10:0
    (سنكون منافقين ان شجعنا المريخ او اهلي شندي)

    لأوّل مرة تكتب صادقا وتعترف بمدى كرهك للمريخ
    نعرف أنّ المريخ هو عقدتك المتأصله في ثناياك
    أمّا الجديد فهو أنّ كراهيتك تمتدّ أيضا لأهلي شندي
    وربّنا يحفظ الهلال من ردّة أحقادك ونحسك وسوء لفظك
    أمّا مريخنا فسهامك السامة تتكسّر عند حصون إنجازاته
    المرّيخ قلعة منيعة عصيّ دخول الحاقدين والناحسين فيها
  • #12
    Mustafa Ali 04-02-2016 10:0
    المريخ فاز بهذه البطولة وجمال الوالي وقتها كان طابا في مصر فمن دفع لاتحاد وحكام شرق ووسط إفريقيا في سنة 1986م؟ بدأت تلعب أنت في سيكافا منذ سنة 1983م و بلغ عدد مشاركاتك تسعة و خرجت صفر اليدين فلماذا الاصرار على المشاركة فيها إذا كانت بطولة مجاعة؟ إذا كان كل شرق ووسط إفريقيا جياع فأنت أكثرهم جوعا لأن كل هذه الاندية أحرزت البطولة ما عدا الهلال و الصوماليين ولو كانت لهم دولة لفازوا بها.
    أقول ليك شارك عسى أن تحصل على بطولة فالمودر يفتح خشم البقرة.
       الرد على زائر
    • 12 - 1
      الامين محمد نور 04-02-2016 12:0
      دفع جعفر حسين .بعدين كاس مانديلا نحن الهلالاب عندنا فيه نصيب لاننا شجعنا و ازرنا واستقبلنا المريخ .زمان ما كان التعصب موجود . واذكر انني لما اضاع عمار خالد ضربة الجزاء عندما كانوا يلعبوا مع الاهلي القاهري في تلك المباراةالتي فاز فيها الاهلي بهدف من ضربة جزاء في الدقيقة 40 من الشوط التاني احرزه الخطيب لم استطع النوم في تلك الليلة وانا هلالالابي . لكن اعلام هلال مريخ اصبحوا تجار وتجارنهم الاساءة و الشتل والنفاق و زرع الفتنة و التعصب الا من رحم ربي .شفاهم الله .
  • #13
    جعفر صالحين 04-02-2016 10:0
    انا ما عالرف .. انت قايل نفسك مين ؟؟؟ فلا حاجة للمريخ الى تشجيع امثالك فجماهير المريخ تسد عين الشمس
  • #14
    ابو الملوك 04-02-2016 10:0
    اولا انت ليست هلالابي .. انت كاردينالي كشافابي او جواهرجي ... اما الهلالاب المتيمين بحب الهلال عندهم
    الاولية الاولى و الثانية و الثالثة هي فريق كرة القدم نحن نشجع ال30 لاعب هلالاي و لا نشجع الكاردينال و لاكشافاته و لا جوهرته الزرقاء .. نحن نريد فريق كورة قوي يزلزل الارض تحت اقدام الكبار كما فعل جكسا وشواطين امام سانتوس البرازيلي
    او كما فعل والي الدين و الرشيد فيصل و ابو شامة امام الهلال السعودي او كما فعل تنقا و صبحي امام الزمالك او كما فعل قودوين وكلتشي امام الترجي و الاهلي المصري او كما فعل يوسف محمد امام اسيك العاجي او يور امام كانون ياوندي ..
    يا اخي شوف مازنبي ما عندو جوهرة و لا كشافات دائرية او سداسية و لايحزنون وهو بعبع لكل الفرق الافريقية ..
    في وجود الكاردينال الهلال الى زوال .
  • #15
    ابو قصي 04-02-2016 10:0
    احسن حاجه انك لن تشجع المريخ او الاهلي لانك انت كج البتشجعوا بطير
  • #16
    ابو اليث 04-02-2016 09:0
    واللة انحنا زاااتنا ماعيزنك تشجعنا لانك كج ومابنتشرف بيك يا. . . شوربة
  • #17
    ابوالفاضل 04-02-2016 09:0
    ياشوربة انا حا اشجع الهلال عشان يفوز بي سيكافا عشان تفك بورة الصفر الدولي العتيق ده.
  • #18
    تونجيلا 04-02-2016 09:0
    لن نشجع المريخ واهلى شندى ... لا بالله تعال ... سعيكم مشكور انكل شوربة سوق معاك اخوك محمد كامل سعيد.
  • #19
    زهير عوض يوسف 04-02-2016 09:0
    ما عندك موضوع .. لم نطلب منك الكتابة بإسم المريخ .. ولا نتشرف كمريخاب بأمثالك .. انظر لكل بلاد الأرض .. نعم في تنافس ووجماهيرية لناديين .. ولكن تعصب اعمى كالذي تدعوا له انت وامثالك هو سبب بلاوي الكورة في السودان ..
  • #21
    جلابي الدوحة قطر 04-02-2016 09:0
    ما ترسخ في الاذهان ماهو الا جليد وضعته الصحافه بشقيها مريخ او هلال ومن الممكن اذابته بكلمات الصحافه الدافئه التي من الممكن ان تنتزع التعصب وتترك مكانه الوطنية وحب الغير الذي يشتهر به السودان
    فبدلا من ان تقول لا لن نشجع وانت فرد واحد ولكن مقالاتك تعرض علي المليء ويقراها الكثيرون فكان الاجدي ان تقول لنحاول ان نشجع بعض
    ومادمنا ننتمي لهذا الوطن فلا اعتقد ان تفرقنا الرياضه ابدا وان كنت تعرف هذا الشعب جيدا فانه شعب الحاره ونسيان الذات وحب الاخرين
    ياعزيزي اترك جمال الوالي في حاله فانه رمز رياضي لن تنجب الايام مثله له التحيه والاحترام ..وان كنت تريد المشاركة في سيكافا فهي للجميع وسبق وشاركتم 8 مرات ولا ضير في المره 9 ولكن دون ان تحشر اسامي رموز المريخ والمريخ ..رجاء
       الرد على زائر
    • 21 - 1
      ساري 04-02-2016 03:0
      اتابع باهتمام مداخلاتك من وقت لآخر ،،، ويشرفني ان اقول لك انك رجل رائع ،،، لك التحية
  • #22
    ودعقيده خلف 04-02-2016 09:0
    القالك منو تعال شجع المريخ ياصفررابي المريخ له جماهيره ما محتاج لك وما عاوزنك زاتو تكون عارف المريخ لاعب يوم شنو والساعه كم لانك شوم وحاسد وحاقد وعينك شراره سحر يا كافي البلا منكي نامل من الاخوه المريخاب ان يجيبو لينا بخور تيمان يبخروا استاذ الزعيم قبل المباراه من عين الحسود شوربجي فيها عود اما بالنسبه لسيكافا القيافه من هسع بقول ليكم شيلو شيلتكم مع الضب الاثيوبي والورل الصومالي كما قال استاذنا وحبيبنا سلك متعه الله بالصحه والعافيه
  • #23
    ود الحاج 04-02-2016 09:0
    إنت أهبل وإنت واحد جاهل والمريخ
    وأهلى شتدى وراهم رجالة مش زيك
    ومامحتاجين لأمثالك لتشجعهم
    ونحن لانحبك كأخوة ولاغيره وأمثالك لانتشرف
    به ونتشرف بأهل الهلال الشرفاء الفاهميت والذين
    بداعبون ويكتبون بزوق وفهم وأنت واحد دخيل
    على هذا الوسظ وبس
    ود الحاج
  • #25
    ابوبكر محمد احمد 04-02-2016 09:0
    بل قل لن أشجع المريخ وأهلى شندي لأنك لا تمثل كل جماهير الهلال وهذا رأيك الشخصي وأنت حر فيه .
    وأسمح لي أن أقول هذا المقال لا يصدر من صحفي واعي .نحترم كل جماهير الهلال ولكن لكل قاعدة شواذ وهذا الكاتب منهم .
  • #26
    عزالدين ابرايم عبدالرحمن حاج موسي 04-02-2016 09:0
    كدة كويس ما عاوزين تشجيعكم لانو لو شجعتم الزعيم يلحقوه امات طه او بالاحري بيلحق هليلكم خليكم بعييييييييييييييييد كده احسن
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019