• ×
الجمعة 29 مارس 2024 | 03-28-2024
بابكر سلك

كيف نتخطي سطيف !

بابكر سلك

 11  0  4111
بابكر سلك

* ايها الناس
* تأبي الرماح اذا اجتمعن تكسرا
* واذا افترقن تكسرت آحادا
* سيف ممكن يكسرنا نفر نفر نفر
* كش كش كش
* يكسرنا كسير البوص والحصير
* ويجدعنا فوووووو
* في الكونفدراليه
* واذا جينا الكونفدراليه مكسرنا سطيف حته حته
* بالتأكيد حانطير من الكونفدراليه زاتها
* حانطير ونصبح زناطير
* حانطير زي الزناطير
* يبقي الدرس الاول
* ان تأبي رماحنا الفرقه والشتات
* لازم رماحنا يجتمعن عشان نأبي التكسر والتسكع علي رصيف الطيران
* نجتمع علي قلب رجل واحد
* نجتمع من اجل كيان واحد
* نعمل العلينا ونستني المعبود الواحد
* ننسي ونتناسي ولو الي حين كل المرارت من اجل التأهل
* السطايفه جايننا بروح التار وعاملين لينا الف حساب
* اي فرقه بين اتنين بسبب فرقه سيتأهل منها السطايفه علي حسابنا
* يبقي قوتنا في وحدتنا
* ثانيا
* علي المجلس تأجيل اي شئ من اجل الاعداد لاقصاء سطيف
* عليه وضع استراتيجية التدريب والمعسكر ومعنويات الاولاد
* عليه توفير جميع معينات النجاح
* ودي مشكله الزمن مابحلها اطلاقا
* بحلها الدعم السريع
* علي المجلس ان يستقطب الدعم الحكومي والشعبي
* عليه ان يستنفر الاحباب ويطرق جميع الابواب باب باب
* يفعل الاقطاب
* ثالثا الاعداد للمعسكر التحضيري لمباراة الرد من اسي
* ياحبذا لو كان المعسكر بالعلمه
* مدينه عركناها وخبرتنا
* ترحب بنا ونتفاءل بها
* نضمن فيها الامان من جمهور السطايفه
* ونرجوا منها دعما معنويا كبيرا
* رابعا مخاطبة الاتحاد بتفعيل الحس الوطني وتأجيل استحقاقاتنا الدوريه حفاظا علي اولادنا
* الاتحاد اذا مصر علي الدوري ممكن يؤجل مبارياتنا ويقدم مباراتين للهلال ليلعب اربعه مباريات في الاسبوع
* قاعدين ساي وراهم شنو?
* خامسا الاسراع في رفع معدلات اللياقه البدنيه وعلاج المصابين
* يعني تجهيز الاسلحه البنقاتل بيها
* فك وتركيب سلاح وقيام راقدا
* عينك في الضبانه ويدك في التيتيك
* ايها الناس
* المليون شهيد لو عرفوا بكري تاني راجع الجزائر
* بقوموا ويموتوا تاني
* سطيف يخافنا
* لذا يجب علينا توجيه سهامنا حيث يكون الحقد والرعب
* وقع ليكم كلامي???
* المهم
* محمد عبد الماجد المحتجب قالوا في العمره
* تقبل الله يا حماده
* وحقو تقعد هناك للحج
* شئ بجيبك هنا مافي
* هلالك دق الدلجه
* وحايقعد يتفرج لي سنة الفين وسبعطاشر
* يعني مابتفرق معاهو وان طال السفر
* اقعد للحج البعد الجاي
* ترجع تلقي الهلال ياهو الهلال
* والصفر يا هو الصفر
* والكشافه لسه صامولتها مفكوكه
* علي راحتك ماتستعجل يا اخوي
* ايها الناس
* انا ما متابع
* امس كردنه شطب منو تاني?
* باقي الزول ده كلو مايقوم من النوم بشطب جوز
* بمناسبة الشطب دي
* ايشيا خليتوهوا ليه ياروشا?
* يكون طلع من ابيي???
* ايها الناس
* ندخل المجموعات وبعدها اي شئ يهون
* يكون موضوع الوك انتهي
* وفي الحته دي المجلس حيرنا
* ويكون جابسون وعلاء دخلوا الفورمه
* ونقدر نكمل العقد الفريد في التكميليه
* ووقتها بنكون قرررررربنا
* المهم
* محمد عبد الماجد
* كان لقيت ليك شغل في السعوديه ماتاباهو
* اخير ليك من رجعة هنا ووجع القلب
* ناس روشا وفطومه وخالدونا ورمضان وشجرابي ويس بتاع زفة الالوان قاعدين بي صمة خشمهم علي الرصيف
* شغله ماعندهم
* بس يعاينوا في السما يتفرجوا في السمبر الليبي البطير من المغرب ده
* وبابكر مختار محتار
* مابعاين معاهم في السما
* بعاين في التلفزيون
* لكن الشاشه مغبره والسماعه طاشه
* قال الجزيره الرياضيه قالت هي متحيرة في خروج الهلال ومتأثره من خروج الهلال
* الجزيره دي قلبت يا بكور ولا شنو?
* لحدي مامرقوا الماسوره من الماسوره هي واقفه مع الثوار
* يبقي كيف تحتار
* محمد عبد الماجد
* اخير ليك السعوديه
* كان جيت هنا بتهضرب زي صاحبنا ده
* ويمكن تقول البي بي سي قالت الكاف يستثني الهلال ويعيده للابطال
* عمره وزوغه ياحبيب اسمع كلامي
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* اتغيرنا شدييييييد وفاقدين للامل بقينا
* تجي سنه جديده علينا
* مابنرجي خيرها يا والينا
* الله يكفينا شرها دي بتكون كل امانينا
* منو الغيرنا وشنو الحصل لينا
* والعياذ بالله من القنوط يا والينا

سلك كهربا

ننساك كيف والكلب فقد الامل في يوم باكر وبعد باكر وباقي يوم الليله ده
والي لقاء
سلك
امسح للحصول على الرابط
بواسطة : بابكر سلك
 11  0
التعليقات ( 11 )
الترتيب بـ
الأحدث
الأقدم
الملائم
  • #1
    سامي 03-30-2016 05:0
    كل فترة العارف عزو بتاعكم أنتم شغالين سيجة لأن سمبركم بيطير من وقت الحضانة هسع جيتوا تتفاصحوا والسنة دي مافي مال لرشاوي الحكام وعينكم ما تشوف إلا النور من أول مواجهة (ناس فرحانة تركب)
  • #3
    محمد التهامى 03-30-2016 01:0
    يا سلك فى واحد من ناس البحر بتاع جدة قال ماسمع بكاس مانديلا
    رايك شنو مش ناس بحرنا اقوى من ناس بحركم
  • #4
    جون سينا 03-29-2016 10:0
    إذا كان محمد عبد الماجد عاطل لسنة يكفى أن سلوكة كان عاطل لمدة14سنة كل فترة العارف عزو والمابتلحقو جدعو يا الهلال (ب)
  • #5
    طارق 03-29-2016 09:0
    الزناطير قالوا برانا ما بنطير رايك شنو استاذ بابكر سلك وهم طاروا والزعيم راااااكي متعكم الله بالصحه
  • #7
    abdulbagi 03-29-2016 05:0
    انتم بهذه المقالات غير المسؤؤله تساهموت فى تردى البئه الرياضيه وكان الله فى عون القارىء يا اخى انقدوا ذى ماعازين لكن بطريقه موضوعيه الموضوع ما رص كلمات كيفما اتفق وخلاص كان كدا بكره كلنا بنعمل صحفيين
  • #8
    ودعقيده خلف 03-29-2016 05:0
    استاذنا وحبيبنا لك التحيه والتقدير بالنسبه للزعيم نامل من المجلس والجماهير تناسي الفات والوقوف خلف وامام الاحمر الوهاج لرفع اسم وعلم السودان في افريقيا لان المرحله الجايه مرحله تتطلب رفع الروح المعنويه للعيبه والجهاز الفني واعلمو تما م بان السطايفه اصحاب تار واحزرو الحزر الشديد من الجيررران الصفررراب عشان ما يزودو السطايفه بعلومات عنكم الحزر ثم الحزر اما بالنسبه يا استاذ بابكر قول لي صاحبك محمد عبدالماجد ما دام عاطل من الشغل قول له في مزرعه برسيم حش وربط وعتاله في شمال المملكه اش رايك الرد سريع لوسمحت والراتب ما مشكله
  • #9
    ودعقيده خلف 03-29-2016 05:0
    استاذنا وحبيبنا لك التحيه والتقدير بالنسبه للزعيم نامل من المجلس والجماهير تناسي الفات والوقوف خلف وامام الاحمر الوهاج لرفع اسم وعلم السودان في افريقيا لان المرحله الجايه مرحله تتطلب رفع الروح المعنويه للعيبه والجهاز الفني واعلمو تما م بان السطايفه اصحاب تار واحزرو الحزر الشديد من الجيررران الصفررراب عشان ما يزودو السطايفه بعلومات عنكم الحزر ثم الحزر اما بالنسبه يا استاذ بابكر قول لي صاحبك محمد عبدالماجد ما دام عاطل من الشغل قول له في مزرعه برسيم حش وربط وعتاله في شمال المملكه اش رايك الرد سريع لوسمحت والراتب ما مشكله
  • #10
    النورس 03-29-2016 05:0
    احلى نكتة بمناسبة صعود المريخ وخروج الاسياد:
    واحد حاجز تذكرة في البص وكان بايت مع صاحبه ولما مشوا المحطة البص فاته قاموا جاريين الحقوا البص ... المسافر ماحصله والتاني ركب في البص ... صاحبنا المسافر قعد في الارض وهو يضحك الجماعة سالوه انت بتضحك والبص فاتك قال ليهم الزول الركب دا مقدمني وانا صاحب التذكرة... صاحب التذكرة زي الهلال والتاني الكيري هو المريخ .... هاهاهاهاهاهاهاهاهاهاها
       الرد على زائر
    • 10 - 1
      nasr 03-30-2016 11:0
      بايخه شديييييييييييييييد
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019