• ×
الجمعة 29 مارس 2024 | 03-28-2024
معاذ ابو مؤيد

ايها الكتاب المحترمون.......

معاذ ابو مؤيد

 0  0  919
معاذ ابو مؤيد

اعمدتكم للمشجع وليست توصيات للمجلس!!
**************************

الواحد ماعارف يقول شنو وهو كل يوم يقراء عن مباراة الاياب قبل مباراة الذهاب !!!
ناس حجزت فنادق وناس جهزت معسكرات وناس حددت مباريات
الشفقة شنو بالله عليكم ماتجهزوا لمباراة الذهاب!!!
اسه تحسم النتيجة من بلدك و بنتيجة مريحة تريحك لمباراة الاياب ولاتقعد تفتش لمعسكرات للاياب .....
الناس دي جااااادة!!!!
وين نحن من مباراة الاياب عشان يقولوا نعسكر في القاهرة ولا العلمة!!!
طيب ماتعسكروا لمباراة الذهاب هي الاهم نحسمها من هنا ونرتاح من معسكرات واختيار مدن وفنادق !!
والله خايف يكون في ناس اتفقوا مع شركات ليموزين للبعثة في مدينة العلمة !!!!
امدرمان دي مالكم مهملينها.....
ولا ضامنين النتيجة !!
ولافي ناس عندها مصالح في السفريات الخارجيه والمعسكرات !!!
*************************
احسموا امر مباراة الذهاب وفكروا بعديها في الاياب
امكن بعد حسم النتيجة المعسكر بدل مصر والعلمة يكون في مروي ويكون تفكيك عضلات!!
ناس سارحة بعيد خلاص واهملت مباراة امدرمان وفكرت في مباراة الجزائر....،
امدرمان اولى باهتمامكم
امدرمان هي الامان لمباراة الاياب
امدرمان هي المحتاجة لاعمدتكم ومحتاجة لوجهات نظركم !!
امدرمان محتاجة كل حرف يكتب في الصحف الحمراء!!!
العلمة والقاهرة تاتي بعد امدرمان
نركز في المباراة الاولى نرتاح في المباراة الثانية!!
احسموها من امدرمان وخلونا من الشفقة ....
ومباراة نهائي الكونفدرالية و ما صاحبها ليس ببعيد عن الاذهان
انهزمنا في ارضنا بسبب الاهمال
ودخلنا والنتيجة في الجيب الخلفي !!
حاليا النتيجة مضمونة في أعمدة الكتاب ويفكرون في مباراة الاياب ...
اصحوا حبة واشحذوا الهمم لمباراة امدرمان وانسونا من مباراة الاياب والمعسكرات!!
المدرج محتاج تعبئة جماهيرية ضخمة .....
الصعود لن ياتي بمعسكر العلمة او القاهرة الصعود للدور القادم ياتي من امدرمان عنوة واقتدار...
**************************
عرفتوا ليه الجماهير والشفوت ورواد القروبات هربت لاعمدة صغار كتاب القروبات
عشان واقعية كتابتهم
عشان حروفهم خائفة وتنطق بصدق.......
عشان هم بيكتبوا من أجل المريخ بكل حب وأمانة....
انزلوا بمستوى اعمدتكم لفكر المدرج وارحمونا من نظريات المستقبل البعيد
ايها السادة المحترمون ......
قروبات الواتس آب تحتاج لنفراتكم الكتابية انفروا لمباراة امدرمان ومقتراحتكم واقتراحتكم قدموها لمجلس الإدارة مباشرة ....
المشجع يحتاج الي كلمة الحماس
المشجع يحتاج الي التوجيه الى الاستاد
المشجع الان في امدرمان وليس في العلمة او القاهرة...
المشجع لايستفيد من قيام معسكر من عدمه ولايستفيد من ارشادات حضراتكم لمجلس الإدارة ......
**************************
ختاما
ركزوا مع المدرج ونفراته....
واحسموا معركة امدرمان من خلال الجماهير والشفوت...
اقتراحتكم ووجهة نظركم من الممكن ان تصل عبر رسالة واتس آب والارقام متبادلة بينكم!!
دور الموجه والمرشد ليس من خلال الأعمدة ...
المشجع البسيط محتاج كلمات توجيهية و إرشادية وتوعوية وحسهم للتشجيع .....
مع علمنا التام الشفوت مامحتاج شحدة للمدرج!!
**************************
ونحن علي المدرج ونشجع ونتفرج لكن الناس الخلف الشاشات محتاجة للنقل بافضل واجود الكاميرات...
قبل ماتفكروا في التعاقد مع قناة للنقل فكروا في امكانيات القناة واشترطوا الجودة مع المال عشان شريط المباراة دي بينفعكم لي قدام في الاستثمار وبينفع المدرب لقراءة المباريات...
القصة ما صورة وسبورة
القصة تجويد النقل من اجل المشاهد والمدرب والتسويق ....
الجماهير محتاجة تظهر في شريط المباراة عشان الشركة البتفكر لرعاية الفريق بتبحث عن الجماهير
نصيحة للمجلس
لاتبحثواً عن المال فقط و ابحثوا عن الامكانيات واشترطوا زيادة الكاميرات!!
فكروا في الاستثمار مع العائد المالي....،
**************************
خارج النص:
كلام الاستاذة سمية طه عن ظلمها وعبرتها السطرتها عبر حروف اعمدتها تحتاج لوقفة من الجميع وتحتاج لمراجعة من كبار المريخ....
من يطالع اعمدتها الظلم المزكور لايشبه مجتمع المريخ !!!!
امسح للحصول على الرابط
بواسطة : معاذ ابو مؤيد
 0  0
التعليقات ( 0 )
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019