• ×
الثلاثاء 20 أبريل 2021 | 04-19-2021
بابكر سلك

ادفن يا عابدين

بابكر سلك

 8  0  3070
بابكر سلك
* أمس ناس روشا ضحوا بى سيسيه وأيبيكو ونيلسون
* أدفن يا عابدين
* جوك تلاتة وإتوقع
* مساوى والدمازين وأتير قريباً
* لكن إفتقدنا إيبيكو
* ما ضقناهوا
* راحت عليك يا مدينة
* بعد ناس مساوى توقع يا درمة بوى وفداسى والحبيب الشغيل
* بعد ديل كاريكا ونزار وبشه
* أدفن يا عابدين
* الشفع ناس الفوكس وأخوانو مطمورة وااااااحدة
* لحدى آخر الموسم يكونوا شطبوهم كلهم ويشغلوا الإستاد صالة

أفراح
* بالكشافات الضعيفة دى بتشتغل منتزه أحسن من صالة أفراح
* أيها الناس
* مكسيم القاعد ليها شنو؟
* الزول ده بزوغ قريب ده
* أخير ليهو يتخارج وشهر خمسة يشوف ليهو تيم أفريقياً لسه

فيها
* كان قعد هنا فطومة بتشيلو القفة
* وروشا بلبسو الكسكته
* أيها الناس
* بدعة إنهاء عقودات الأجانب ديل فى الوقت ده ما كويسه

* ياخ الزوجه لو إتطلقت شرعاً بتقعد فى بيت الزوجية فترة العدة
* يمكن ربك رب الخير يجعل بينهما مودةً ورحمة من جديد
* الناس ديل كانوا يتموا معاكم باقى الشهر ده وشهر أربعه وشهر

خمسة عسى ربك يجعل بينكم مودة فى زنقه من زنقات الممتاز

الكتيرة دى وتحتاجوا ليهم
* أسى تلات خانات تقعد بور كده؟؟؟
* إنتو وين شيبور؟ أقصد شيبوب
* قصتكم قصة يا روشا؟
* أيها الناس
* ننهى الأفراح فى هذه المرحلة ونعمل بجد للمرحلة القادمة
* العندو باقى فرح يدخلوا التلاجة
* يوم فرحة الجزائر يطلع باقى الفرح من التلاجه
* خمسه دقائق فى المايكرويف ويسخن الفرح
* بيشتغل عادى مع فرح الوكت داك
* أيها الناس
* أهم شئ تكاتفنا وإحترام الكيان من خلال إحترام بعضنا البعض
* المرحلة مهمه جداً وتحتاج لمن يعمل بهمة
* وبالتأكيد من يغرد خارج السرب يتساقط
* أى خلاف أو إختلاف سيعصف بصاحبه خارج منظومة الفرح

الكبير
* نتفاكر حول توفير الدعم وندبره
* نتكاتف تشجيعياً حول كيان العمر وننصره
* ويا حبذا لو نسقت جميع أولتراساتنا فيما بينها لتخرج إبداعاً

مدهشاً يفوق ما قدموه الموسم الماضى
* لاكبير على المريخ
* فكلنا فى حب المريخ نحبو على محرابه

* لاكبير على الجمهور ولا كبير وسط الجمهور وأكرمنا من يبذل

ويعطى ويقدس الكيان ويحترم الناس
* التحديات والعنتريات لا تزيدنا إلا فرقةً وشتاتاً
* ولكن إبداء حسن النوايا يقودنا حنماً للعودة الى منصات التتويج
* أيها الناس
* لا للخلاف
* وطيران الهلال ليس نهاية المطاف
* نعم القطر ما فيهو مفتش
* ولكن قطر التنافس الأفريقى يجيب حسادة كده مفتشين لو

يسطحوا
* ولا تستبعدوا أن يخاطب الأهلة الكاف مهددين بالإنسحاب حال

تخطى الزعيم لسطيف
* والغريبة قرعة المجموعات
* لو وقع المريخ مع البارسا واليوفى والبايرن لإحتجوا على

القرعة
* يلبسوا كسكتتهم ويمشوا على الكاف
* يقولوا فى لعب فى المجموعة بتاعت المريخ
* يقولوا التلاتة فرق الوقعت مع المريخ ضعيفة
* يا يغيروا المجموعه يا إنسحبوا
* إنسحبو من بطولة هم ما طرف فيها
* المهم
* قوتنا فى إحترامنا لبعضنا وتفانينا فى حب الكيان
* أها
* المهم
* كل الشفوت حول الكيان فى مشهد يجسد عظمة الإنتماء

*
* تحت شعار نحن فى المريخ أخوة
* أيها الناس
* إن تنصروا الله ينصركم
* أها
* نجى لى شمارات والى الخرتوم
* أكان شفت يا والينا
* زمان الشرطة بتخاف علينا
* محل غريق فى البحر يا والينا
* بتجيب لافته كبيرة تركبها لينا
* مكتوب فيها خطر ممنوع الإقتراب يا أخينا
* أسى محل خطر يا والينا
* الشرطة ما بتنبهنا ولا بتقول لينا
* وتلبد لينا
* شارع الصالحة يا والينا
* جمب جامعة أمدرمان محل البنك مفتوح لينا
* فى الحته ديك الشارع ببقى إتجاه واحد يا والينا
* العلامه شمال الشارع فى الضلمة مختوتة لينا
* وتلاته سبعاتن فى الحته ديك لابدة لينا
* دخلتنا فى الإتجاه الواحد ببقى إتجاهنا واحد يا والينا
* فيها شنو لو إتختت لافتة كبيرة على الشارع بى يمينا؟
* تورينا الإتجاه الواحد ووسط الضلمه تضوى لينا
* وتحمينا على الأقل يا والينا؟


سلك كهربا

** ننساك كيف والكلب قال بالليل مافى داعى تسوق عربية

ذاتو؟!!
امسح للحصول على الرابط
بواسطة : بابكر سلك
 8  0
التعليقات ( 8 )
الترتيب بـ
الأحدث
الأقدم
الملائم
  • #1
    الميرغني 03-26-2016 10:0
    أول حاجة يا جون سينا أكتب الاسم بتاع السماية بتاع الخروف وأعمل ليك عمل ينفعك بئس الاسم الفسوق بعد الإيمان.
       الرد على زائر
    • 1 - 1
      Hajjam 03-26-2016 05:0
      عن اي فسوق تتحدث يامفتي الديار الميرغنية؟؟
  • #2
    جون سينا 03-26-2016 08:0
    وعابدين دة حيفنك فى يوم من الأيام أعمل ليك ليه عمل بدل السخرية والفتن وكلام النساء دة
  • #3
    جون سينا 03-25-2016 10:0
    خروج الهلال من دورى ال32 أصبح حدثا غريبا بالنسبة للإعلام السالب ومثار للسخرية فى حين أن المرخرخ ظل فى حالة طيران من التمهيدى كل فترة السيد العارف عزو لكن خروج الهلال لايوفر لكم حقوق اللاعبين و الجهاز الفنى وحاليا نص الفريق متمردين شوفوا فريقكم وحلوا مشاكلكم والفيكم مكفيكم يا عجوز يا عمك تنقو.
  • #4
    صفر الكرة الارضية 03-25-2016 08:0
    أدفن يا عابدين الصفر معاهم وريحهم
    صورة ملونة وصلعة تلمع مش زى ناس جدو شوربة صورة من أيام ثورة أكتوبر
  • #5
    ودعقيده خلف 03-25-2016 02:0
    استاذي الفاضل لك التحيه دوما وجمعه سعيده عليك تقبل الله منا ومنكم صالح الأعمال ما قصرت والله بس والله لما ما تنزل عمود في كفرووتر انا بكون خرمان خرم شديد ومصدع عديل كدي لما اشوف عمودك واالله بشوق ليهو زي شوق المريض للعافيه الله اديك الصحه والعافيه وصيتي ليك لاتتوصي علي الجماعه الصفرررااااب
  • #6
    Hajjam 03-25-2016 12:0
    يلا جاتكم باردة ياعمنا تنقو....بكرة حتسجلوهم وحتبلعوا لسانكم وحتقلبوا غزل ومدح لاحدود له...مااعظم مشاطيب وبقايا سيد البلد...ومن خلا عادتو قلت سعادتو...وصدق عادل امام حين قال....متعودااااااااااااا......
  • #7
    جون سينا 03-25-2016 10:0
    يازول أختشى على نفسك وأكتب شئ يستفيد منو القارى وهزيمة الهلال ليس آخر المطاف صلعتك الكبيرة وظفها فى شئ مفيد ماتبقى حمولة عليك وترفع عن أساليب الحنانات والمشاطات دة شوية رحم الله عبد المجيد عبد الرازق .
  • #8
    سيف مدثر 03-25-2016 09:0
    انت يا سلك مسكين ما بتعرف قدر مريحك دة زمان ابو الأيل لأمن كان في لقاك تلفزيوني المخرج وضع صورة هلال وراة في الستديو قال دة شنو الخاتية ورأي ضرب الحنين لهلالة رحمة اللة علية بطل السخرية واكتب مايصلح حال الكورة السودانية ياسلوكة
       الرد على زائر
    • 8 - 1
      طارق 03-25-2016 01:0
      دوما ابداااااااع استاذ بابكر سلك اضرب الزناطير الصفراب التمهيداب والوصيفاف فقد اصبحوا لايحسون بالالم فقد تبلموا
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019