* تضامنا مع الاخوه الاهله
* دعما للروح الوطنيه
* تفاعلا مع الاحداث
* نقتسم الهم مع اخوتنا الاهله ونبحث عن مدخل
* الاخوه الاهله يلحثون عن مدخل
* مدخل للبطوله الافريقيه
* لانهم الآن في خشم المخرج منها
* الخوف الليبيون يفعلوها ويخرجوا الماسورة من الماسورة كما فعلوها مع القذافي
* واحتار الاهله كثيرا في الاجابه علي سؤالين
* الاول احلي قون عبدو جابر ولا قون ابيكو
* مع العلم بانو القونين من عكسيات واتنفزن فيرست تايم جوه الشبكتين
* السؤال التاني
* احر قون عبدو جابر ولا قون ابيكو
* مع العلم بانو القونين كانا خارج الوطن
* لي اسي الاخوه الاهله خاتين الورق وماعارفين الاجابه
* اقول ليك يا محمد عبد الماجد حاجه
* اكتب في ورقتك اجابة السؤال الاول اشنه القرد
* واجابة السؤال التاني اطول الزرافه
* لكن ياخالد عز الدين عندك سؤال براك
* اصفر الشمس ولا الهلال?
* للمساعده اصفر من صفر وهو اقل عدد صحيح
* المهم تضامنا مع الاهله شلنا الليل سقد
* نفكر في مدخل يولجوا به عبر بوابة التأهل للاستمرار في البطوله الافريقيه
* ماقدرنا نساهر معاهم للصباح
* مالنا
* مصيبتنا شنو
* شخصيا نمت
* ولما نمت حلمت
* حلمان الهلال غلب الاهلي الليبي حداشر صفر
* صحيت فرحان جدا
* ماعشان ولد الودع بت
* ولا عشان التمساح في النوم ولد
* لكن فرحت للهلال
* فرحت لانو تفسير الحلم بالرجوع لابن سيرين بوضح بجلاء رؤية الرقم حداشر بتعني شنو
* اريت كل الشفوت يحلموا بالهلال غالب حداشر
* حداشر صفر
* هلالابي منطقي وواقعي قال لي الصفر بي جاي ولا بهناك?
* قلت ليهو انا في الحلم ماكنت لابس النضاره
* انت رأيك شنو?
* قال اينما يذكر الصفر يظهر الهلال
* قلت ليهو كلك نظر
* ايها الناس
* اعدادنا الجماهيري يمضي قدما
* التحضيرات والتجهيزات علي سنجة عشره
* فقط ننشد الدخل الخرافي
* وان تأخر البعض في الدعم
* حقو نعوض بدخل المباراه
* وعلي لجنة التسيير العمل علي محاربة مافيا الدخل
* فليس من المعقول ان يكون الاستاد مقفل طابقين
* ويعلنوا لنا الدخل ستميه خمسه وسبعين وتلتلمية وتلطاشر
* الكسر ده لزوم غشنا بانو القصه دقيقه جدا
* اول مظاهر محاربة مافيا الدخل هو فتح جميع البوابات من بدري تجنبا للزحام البجيف شغل الليل
* وضع مراقبين من الشفوت علي جميع البوابات
* ويا حبذا لو تنازل شفوت الولايات عن حقهم في متابعة المباراه تلفزيونيا من اجل ضمان ارتفاع الدخل وحضور الجماهير بمعدل ستين الف شفت داخل الاستاد
* انها تضحيه من اجل الدعم الكبير
* وياحبذا لو شفوت العاصمه قبلوا بالاسعار المرتفعه للتذاكر دعما للكيان الذي سيتمر منافسا علي اللقب الافريقي ان شاء الله وبالتالي يحتاج لاي قرش طاير
* الولايات تضحي بعدم المتابعه التلفزيونيه
* والعاصمه تقبل سعر التذاكر المضاعف
* وكلو من اجل المريخ
* مع التزام المجلس بتسجيل المباراه وبثها بعد نهايتها مباشرة
* من اجل الزعيم كلو شئ يهون
* المهم
* فطومه اختي رافضه تفضفض وتفتي
* يافطومه بوصفك ناطقه رسميه ومنسقه اعلاميه ومعجبه جوهريه
* الدكاكين باي القوانين سوف يتم اخلائها يا اهل الحركة الوطنيييييييه
* ايها الناس
* سمعنا عن بعثه سافرت بدون طبيب( وما خسانا)
* سمعنا عن بعثه سافرت بدون احذية مطر (وما خسانا)
* لكن ان نسمع بان بعثتنا من المطار كلو زول فرتق باتجاه براهو
* ان نسمع بان تراوري وكوفي وجمال سالم جارين شنطهم لحدي محل سداد قروش الباركينج ويركبوا تكسي من هناك
* وعمر بخيت لو ماجاتو البرادو من طرفو كان ركب بصات الجريف
* هذا امر مخيف
* منتهي الاستهتار وعدم الدرايه لو حصل
* وده طبعا اذا حصل بكون قصور مكتب تنفيذي
* ولكن اللائمه لن تعفي مجلس التسيير الذي لم يتكرم باعفاء مكتب تنفيذي قصوره فاقت حد الخيال والمعقول اذا حصل
* الحته دي حانحكها شديد
* ولن نجامل مجلس التسيير حال تأكد لنا ماسمعناه
* بل لزاما علينا تمليك الجماهير الحقائق كامله
* المهم
* فريق عمل التيفو يعمل بجد
* والقياده العامه عقدت اجتماعها الاول حول الاعداد والاستعداد
* وقررت عمل صندوق تضع بداخله النيجيريين واعوانهم
* كل المرافعين
* ومن ثم عمل كمين كبير
* غزوة الكمين لابادة الذئاب والمرافعين
* والشفوت بدون حدود يجودون بالروح والموجود
* نصرا من عندك يا معبود
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* الناس كلها بقت تفكر في عرس استثماري يعود بالنفع علينا
* ان شاء الله وشها اشنه مما لدينا
* ان شاء الله الصلعه الفيها تفوق في مساحاتها ما يلينا
* ان شاء الله السنون طقما مصنوع يعضينا
* ان شاء الله زرقااااااء يا والينا
* ووشها اصفر من رقبتها الافتح من كوعينا
* بس المهم تصرف علينا
* بنكلمك اذا لقينا يا والينا
سلك كهربا
ننساك كيف والكلب قال يا حليل زمن الكلبه واقفه عديلات الاربعه رجلينا وواقفات عديل اضنينا وتمشي الكوش وتجيب تصرف علينا الجريو قال ليهو كوشه يعني شنو يابابا!!!
والي لقاء
سلك