• ×
الخميس 22 أبريل 2021 | 04-21-2021
بابكر سلك

يلا نقول

بابكر سلك

 3  0  2575
بابكر سلك
ونحن في نادي المريخ نتابع الانجاز الشبابي
* النجار يطقطق في الخشب
* والمريخ يطقطق في الكوره
* الشباب يطلي الحوائط باجمل الالوان وازهاها
* والمريخ يطلي الوجدان بلون النصر
* البصري علي الخط يراقب ويوجه
* والوك علي الخط يخطط لنصر جديد لمريخ شديد
* ناس ساس يزينون في الواجهه
* والمريخ يزين طلتنا بنيجيريا
* شباب القروبات خلية نحل في العمل
* والمريخ ينقط عسل
* وحينما اعلن الرائع ناصر بابكر نهاية المباراه بفوز المريخ
* رقص الجميع
* توتا والتومات
* سعديه وايناس وست الشاي جات بي جاي
* كل الشباب علي السقاله وعلي النجيله
* رقصنا علي انغام
* يلا نقولا يلا نقولا المريخ ده فن وكورة
* شخصيا حتيتو حت حلال
* رقص مباح
* والغريبه لما دراج شغل لينا اغنية الرائعه حرم النور
* داير اقولا ياناس انا انا بعشق النجمه انا بشجع المريخ
* فرحة وسط مجهودات اولاد القروبات خلقت في القلعه الحمراء جوا استثنائيا
* قلت ليكم الحقوا القطر واركبوا معانا
* التحيه لاولادنا الاشاوس الذين قدموا للجنة التسيير اكبر هديه
* هديه نيجيريه
* التحيه لاولاد القروبات الذين ادخلوا في قلوبنا فرحة وانشراح
* الذين اثبتوا ان العشق المقدس يدفع العاشق ليقدم ما يعتبر من المستحيلات
* اثبتوا لنا ان مع عشق المريخ لا مستحيل
* المهم
* الحكم امس اظنوا كان مسخن
* قاموا النيجيريين لبسوهوا كسكته من السخانه
* والغريبه اي حكم بلبس الكسكته بنقض هدف وبفوت ضربتا جزاء
* شئ غريب فعلا
* ايها الناس
* اخص بالتحيه علي جعفر
* واخص اكتر
* بخيت خميس
* قروشي داك تاني الا يشوف ليهو ركسه يسترزق منها
* واخص بالتحيه عبدو جابر
* ولن ننسي الحسن
* ولكن تبقي التحيه لكل المجموعه
* مبروك لونسي ورفاقه
* ايها الناس
* تمضي مسيرة المريخ ظافره
* ومن بين براثن الظروف هاهي صحيفة المريخ تخرج للناس
* لاظرف قدر يوقفها للابد
* ولا شماعة الامكانيات كانت سببا كافيا لتواصل اقامتها بالعناية المكثفه
* عادت لتعود ايراداتها داعما للكيان
* نقاطه بي جاي ونقاطه بي جاي بتبقي مطرة دعم وسيول خير وبركه
* ونحن في انتظار الاستثمار يا لجنة التسيير
* سريع العائد وطويل المدي
* قدامنا مشوار افريقي طويل ان شاء الله
* ايها الناس
* بخيت خميس ما كان بخيت خميس
* كان بخيت الاسبوع كلو
* ولعله الحل الامثل لمشكلة الطرف الشمال التي اخرجتنا كثير من البطولات المضمونه
* ولن يتطور بخيت الا باستمرار المشاركه
* والمجرب لا يجرب
* وللشفوت رأي واضح في حتت الطرف الشمال دي
* وبركة الجات منك ياجامع
* ايها الناس
* مبروك للبلد
* مبروك للبنت والولد
* مبروك لماضي المريخ وحاضره الذي يبشر بمستقبل عريض
* مبروك لكل الشفوت
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* امس المريخ جاب الفرحه لينا
* ومن غير المريخ في البلد دي سبب الفرحه الفينا
* بارك لينا يا والينا
* ولو المريخ و اماتنا بغتربوا معانا يا والينا
* حرم تصبحوا ما تلموا في زولا فينا
سلك كهربا
ننساك كيف وقلنا نهاجر الكلب قال ماتنسوا كلبكم يا اخينا
والي لقاء
سلك
امسح للحصول على الرابط
بواسطة : بابكر سلك
 3  0
التعليقات ( 3 )
الترتيب بـ
الأحدث
الأقدم
الملائم
  • #1
    abdulbagi 03-15-2016 05:0
    اعلام الهلال والمريخ كله فاقد تربوى التقول قرو فى مدارس غير مدارسنا البعرفا تهويل وتضليل وتمليع فى رؤسا الانديه الذين يحبون الشو والصور وكان الله فى عون المشجع الغلبان
  • #2
    abu Mazin 03-15-2016 07:0
    تانى قمت على حركاتك نفس العام السابق وبعد شوية بنسمع ريه المطار
    كتابة اكل عيش كلمات اصبحت ممله (( من غيرنا..... يعطى لهذا
  • #3
    Hajjam 03-15-2016 12:0
    مستجد النعمة ضايق ياسلوكة. ليكم الحق تفرحوا لأنكم مامتعودين علي اللعب مع الكبار ومادام بديت تاني تهلوس بريحة المطار قريب ده بتجيب اجل الطيشاب.
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019