• ×
الثلاثاء 19 مارس 2024 | 03-18-2024
معاذ ابو مؤيد

انتصار بطعم مانديلا وناصر بابكر جاري والقروبات جارية وراءه

معاذ ابو مؤيد

 2  0  1753
معاذ ابو مؤيد


⭐مبروك للشفوت مبروك لاهل الساس والراس مبروك للناس الطيبين
⭐فرحة ناقصة للمدرج المريخي والسبب قنواتنا الفضائية
معقولة نحن في القرن الواحد وعشرين والناس قاعدة حاضنة الاذاعه والمغتربين يفتشوا للروابط
كلمناكم وقلنا اتعلموا من تجارب الغير بنقصد الاعلام الجديد والبث الفضائي

القروبات امس ذي شاشة البورصة قدر ماتجي تفتح قروب يطلع منك لي فوق
القروبات امس كلها مقفلة علي نطاق مرتفع اخضر
قروبات المريخ بورصة الكورة السودانية
⭐غايتو لو ناصر بابكر جاتو عشرااااقة وقال يااااااساتر كان في ناس مشت المستشفيات بسكتة قلبية
⭐معقولة بس مافي قناة قادرة تفرح شعب المريخ من زمن كاس مانديلا مكتوب علينا الانتظار ونحضن الرادي والواحد فينا يساسق بين الرادي والقروبات

⭐جيرانا ناس وادي النيل ناقلين مبارياتهم من الكاميرون ولو لعبوا مع الواق الواق بينقلوها لكن شعب السودان مبتلى بقنوات لابتشبهنا ولابتراعي لي مشاعر الجمهور

⭐شكرا ناصر بابكر شكرا إذاعة هوي السودان ماقصرتوا وبقيتوا فال خير لينا طوالي انقلوا لينا ماتوقفوا الا بعد الكاس

⭐ومن اسه ياناس عشان ما نتجهجة شوف لينا تردد قنوات الجزائر عشان ماحنشوفها في قنواتنا المحلية اصلو شكلنا حنسافر ليهم

⭐ كرسي جابر طعمه مختلف و افرح اهله و احبابه وخلي الناس تعرض في المواصلات والقروبات ترتفع لمعدل الاخضر المرتفع جدا وزمان كرسي جابر مهر للعروس ونحن هدف عبده جابر حيكون مهر للكاس الأفريقية الاتنين من عينة جابر

⭐لكن ياناس القروبات لو الارسال كان قطع قلوبنا كان حتقطع مع الارسال الجميع مترقب وناصر بابكر ماقصر شكرا ياصحمذيع لانك صحفي و مذيع شكرا ياجميل
والزمن لو ودانا ادغال افريقيا تاني يا صحفنا اتوحدوا و واعملوا رعاية للمباراة لقناة حتى لو اجنبية الجمهور دا يستاهل تسعدوه
ختاما
الحمد لله والشكر لله

ومن الليلة لحدي مباراة الاياب نحن في المدرج منتظرين يلا ياشفوت المدرج منتظرين و فرحة الليلة ماتنسينا مباراة الاياب ومن اسه العندو حاجة يقضيها قبال يوم مباراة الاياب ما محتاجين تحضنوا الرادي الاستاد يسع بدل الشفت الاف الشفوت
ماعندنا اي عذر الا للمريض او المسافر لكن ناس الخرطوم ابقوا مارقين يوم السبت عايزين الشفوت في المدرج خطوات تنظيم

خارج النص
امس قلنا حكام السبورة وكلامنا جا في محله مش قلنا ليكم الاهداف المنقوضة اكتر من المحسوبة و قولوا معاي وااااحد هدف منقوض

شكرا لجنة التسير علي مجهوداتكم نشكركم اسه عشان تستاهلوا الشكر لكن منتظرين اجتماع الطاسة الضائعة
مبروك شفوت المدرجات شفت شفت و موعدنا القلعة الحمراء مباراة الرد من اسه نفرة مباراة الاياب بدات
خطوات تنظيم شفوت المدرجات
امسح للحصول على الرابط
بواسطة : معاذ ابو مؤيد
 2  0
التعليقات ( 2 )
الترتيب بـ
الأحدث
الأقدم
الملائم
  • #1
    abdulbagi 03-15-2016 05:0
    مستجدين نعمه وبعدين التاجر لمن افلس بفتش دفاترو القديمه ايه كاس ماندلا من قبل مليون خاويتننا بيه
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019