• ×
الخميس 23 سبتمبر 2021 | 09-23-2021
شوربجي

مساء الخير يا الامير

شوربجي

 1  0  2577
شوربجي


((())) عفوا ايها الامير فانت في حضرة الهلال :

ومتصدر ولا تكلمني

وثمانيه اهداف وان كانت ليس مقياسا لضعف الخصم

مساء الخير يا الأمير .. يا الحبك شغل الضمير

باهي طلعة وما ليك نظير .. الزهر في خديك نضير

طيف خيالك بقى لي سمير .. بحنانك أنا مستجير

عار الصيد منك عيون .. وأهدت ليك البانة لون

مال ثمارك هدل الغصون .. تقسى كيف الود يهون

إنت منظر يفرح رؤاك .. إنت ديما الخير في خطاك

نشقى نحن وطالبين رضاك .. تمسى بالخير ويسعد مساك

مساء الخير يا الأمير .. يا الحبك شغل الضمير

شكرا اقمار الهلال

وداعا اقمار الهلال


((())) ابتعدوا بخلافاتكم عن الهلال :

رموز الهلال لهم منا كل الاحترام

فما يدور في القروبات لا يمثل الهلال

وهؤلاء النفر لا علاقة لهم بالكيان

فمن يسب رمزا فلا يكون معنا

ومن يلعن رمزا فهو غريب عن الكيان

الهلال في غني عن فتنة يثيرها هؤلاء الغرباء

ما الفائدة التي يجنيها الهلال من هذا الصراع اللعين

المنسقة الاعلاميه وان اخطأت فهي لا تمثل الا نفسها

فما قالتها ليس هو رأي اهل الهلال

وما قاله طه علي البشير في حقها وان كنا لا نعلم ما قال فهو يمثل رأيه هو

وليس هو رأي اهل الهلال

ابتعدوا بخلافاتكم ايها المتصارعون عن هلال الملايين

الهلال في حاجة الي وحدة صف ابنائه

بطولة افريقيا تحتاج الي صفاء النفوس

من يريد المشاحنات والمشاجرات فليذهب بعيدا عن الهلال


((())) شكوي ضد النسور بالكمامات :

ياربي هل سنشهد شكوي ضد النسور ؟

لم لا فقد نشهد والجماعه متعودة دايما

وبالتأكيد فانهم سيقومون بتحليل كل اوراق لاعبي النسور لاعبا وراء آخر

وربما يسألون عن تفاصيل حياتهم

وممكن يشتكوا الحارس المتألق لانه كان متألقا وقد يستخرجوا له شهادة ميلاد مزوره

وممكن يشتكوا حمد الشجرة لانه كان داير يجيب قوون فيهم

وممكن يشتكوا الكابتن سعيد صديق لانه قطع منهم المويه والنور

وممكن يشتكوا كابتن بشير لانه فتح الشوارع في دفاع فريقهم

الشكوي اكد يؤكد تأكيدا

والنقطتين لازم يرجعوا يا ناس سمير فضل

وقال ايه مستوانا كان تعبان بسبب تركيزنا في مباراة نيجيريا

انه عذر اقبح من الذنب

يا اخي معاك التحكيم كله

وطردوا ليك لاعب

ولاعب ضد عشره

وادوك بلنتي

وانذارات بالجمله للمنافس

عليك الله داير شنو تاني

والشعب يريد رحيل البلجيكي

وبارك الله في الكمامات فهي الجابت البلنتات

لقد سخروا من مباراة الهلال ضد النسور

في وقت انتصر فيه الهلال علي النسور

وصح لسانك اخونا ود المجذوب :

زولنا حقو الليلة راح ...
اصلو يا المريخ دة حالك
مما سويتلك جناح
يعني كان درنتا مالك
نحن بيناتنا الصراح
يا نسور بالغتا ذاتك
زولنا حقو الليلة راح ...
نحنا كيف ...نحنا كييييف
كيف نلوم مريخ صغير ..
لسة بيقاسى الرياح..
مرة في الابطال .يمثل
شاف خبت ساماتا صاح
مرة فى دوري المحنة ...
والنسور والانبطاح ..
الحكم حسب البلنتي
وشكلو ما لعبوها صاح...
قون وضاع مع الاحلام
شكلو ما لعبوها صاح


محمد حسن شوربجي


امسح للحصول على الرابط
بواسطة : شوربجي
 1  0
التعليقات ( 1 )
الترتيب بـ
الأحدث
الأقدم
الملائم
  • #1
    ود الحاج 03-06-2016 09:0
    ياراجل يوم واحد أخجل من نفسك
    وأعمل فيها فاهم شوية وأن تكون
    فاهما فهذا مستحيل لأن أكثالك لابفهمون
    قهمت أم لازلت لاتفهم ولن تفهم !
    ود الحاج
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019