• ×
الخميس 28 مارس 2024 | 03-27-2024
بابكر سلك

عصرة لمن اسماعيل اتلفت

بابكر سلك

 8  0  3452
بابكر سلك



* ايها الناس
* شفتوا كورة النسور والزنطور??
* للمرة الالف قلنا الزنطور هو صاحب الصفر الدولي
* نادي رصيدو دوليا جعجعه ساي
* رصيد صفري
* والزناطير هي جماهير النادي الزنطور
* عشان تاني مافي زول يقول لي زنطور يعني شنو وزناطير يعني شنو
* المهم شفتوا كورة النسور والزنطور??
* عليكم الله الكورة دي ما خاينه?
* اقل شئ لاعب النسور بعد الدمازين جلي الكورة بي راسو
* وبعد نمرة اتنين وعشرين جلاها بي كراعو ورقد في واطات الله دي
* مهاجم النسور يشوتها في جسم مكسيم ?
* مكسيم الخلي برج العذراء في كوستي
* مستوي وعدم محتوي
* ولو ده مستواكم يافطومه يا اختي
* الليبيين ديل حايمرقوكم من الماسوره
* زي مامرقوا القذافي من الماسوره
* اصلوا الليبيين ديل بحبوا يمرقوا من الماسوره ماسوره
* وابو الهل بشبه القذافي
* جعجعه ويا جرذان وزنقه وطولة لسان
* ولما يتزنقوا يلقوهم جوه ماسوره
* زنقه ساي
* ياخ الشوط التاني ابو عاقله اتغسل قلبه وعدله
* وبعد غسلوهوا نفضوهوا
* نفضوهوا عشان المكوه تبقي ساهله
* نحمد الله ماسجلنا ابو عاقله ده
* مهند يغسل
* لاعب مريخ كوستي يغسل
* لاعب النسور يغسل
* ده ابو عاقله ولا مركز غسيل كلي!
* عافي منك يادكتور عامر
* لانك دفعت في الغساله ده ميه وخمسين الف بس وبالقديم
* وبالاقساط كمان
* والدمازين ماسوره
* زول يجلي الهد???
* ونمرة اتنين وعشرين هو الماسوره المرقوا منها القذافي
* المهم
* زنقه زي الزنقه
* زنقه لمن الكوتش اسماعيل عطا المنان في الاستوديو التحليلي بعد العصرث انتهت
* قعد يتلفت
* يصنقع ويدنقر
* يتلفت يمين ويتلفت شمال
* ماعرف يقول شنو
* في سرو كان بقول
* لو قلنا الهلال انعصر
* ناس روشا يشغلوها لينا
* وفطومه تطلعنا بتاعين لقيمات
* وكان سكتنا مدني تغرق
* عصرة من امها
* لكن ياروشا
* اخير مساوي
* الدمازين ده بودي الزناطير للحركه الشعبيه
* بتمردوا علي ابو كسكته
* المهم
* النتيجه العادله امس فوز عريض للنسور
* لكن مرات حظ العمايا بضرب
* ومرات حاجات تانيه مانعاني
* لكن الله لا يصلح عمل المفسدين
* ايها الناس
* يازناطير
* لو ده فريقكم انسحبوا
* احفاد عمر المختار ديل صعبين شديد
* الانسحاب فضيحه
* وهو والطيران متباريات
* اصلكم متعودين علي الانسحاب
* انسحبوا وفضوها سيره
* قولوا شيلة بلاتر ما موافقين عليها
* اخير من تجيكم شيله سته سته
* المهم
* نكرر يا لطيف
* قول معانا يا لطيف يا عبد اللطيف
* اللهم يا لطيف حق عبد اللطيف ورينا ليهو في الاساسي والرديف
* المهم
* لاداعي للخوف ياشفوت
* الامن مستتب
* وقل المال ماببكي الا الضعفاء
* للتذكير
* اكبر انجازاتنا كانت لما غدانا كان طحنيه وعصيرنا كان حريه وعزيمتنا قويه
* فهل لانت العزيمه يا شفوت*
* ايها الناس
* دخل المريخ محجوز
* مامن السنه دي
* فاضلابي قال لي من الموسم الفات
* هو الدين البحجز دخلنا موسمين ده كم ولي شنو وفي شنو ??
* وهل هو دين عادي ام تعويض في حكم قضائي?
* ولو كان ده او ده لي شنو ولي متين?
* ايها الناس
* التاجر اذا فلس براجع دفاترو
* وعلي لجنة التسيير مراجعة قصة الديون المدعومه باحكام قضائيه بالذات
* وقالوا لي موضوع سما ميديا هو خطأ لمجلس عصام الحاج الذي انهي العقد من طرف واحد
* بس الحته دايره تأكيد
* وهل كان المريخ حضورا في جلسات دعوي سما ميديا ??
* وسما ميديا كشركه ملاكها منو ???
* ومافيهم مريخابي يرأف بحال المريخ*
* موضوع سما ميديا ده لم اتأكد من المعلومات حوله
* ولكن اعدكم بالبحث الدقيق
وخشمي خفيف بكلمكم اول باول
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* ناس المرور عاملنها فينا
* العربيه الواقفه غلط بجروها يا والينا
* تكون مقفله وفرملة اليد مجروره يا والينا
* يجروها واللساتك الورا مفرمله يا والينا
* اللساتك تبوظ علينا
* الفرامل تبوظ علينا
* التصادم يبوظ علينا
* اللمبات والزينه يبوظن علينا
* اذا كان مافي بد يا والينا
* جيبوا سحاب يشيلها وحسابو علينا
سلك كهربا
ننساك كيف والكلب شايف العربيه جارنها بالتاتشر زي الغزاله الصادها اسد اتمحن وقال قبل مايجروا مفروض يعملوا لافتات توري الوقوف الممنوع والطولي والعرضي بجروا سااااااااي!
والي لقاء
سلك
امسح للحصول على الرابط
بواسطة : بابكر سلك
 8  0
التعليقات ( 8 )
الترتيب بـ
الأحدث
الأقدم
الملائم
  • #2
    محمد مصطفى 03-01-2016 10:0
    صحيح الحمد لله . ما سجلنا ابو عاقلة حركاتو ما حركات عقالة هههههه أما الدمازين يذكرني الهروب داااااك اللذيذ شجرابي كاتب اليوم الهلال غير طبيعي والكاردينال قال من قبل لاعبي الهلال مسحورين وايام فحص التربة قالو لقينا كم كجور عضم عجل مكسر في كيس مربوط ..خوفي الفكي يكون كتب قرن 100 سنة صفر
  • #3
    bebo bebo 03-01-2016 09:0
    كتر خير فتحي قمرة الاداها لي مكسيم في يدو وخلاكم مبسوطين تتبجحو الغريق في سوسة
  • #4
    النورس 03-01-2016 09:0
    والله مافي حاجة كاتلاكم وحااااااااااااارقاااااااااااااااااااكم الا تسجيل ولاء الدين و عمار وابوعاقلة في كشوفات الاسياد ورفضهم للون الكأبة الاصفر .... شهر ستة الوك و شيبوب و اتنين مابنجيب اسمهما.... المريخ بقى بيت بكاء ونحيييييييييييييييييييييييييييييييييييييييييييييب قولوا التووووووووووووووووووووووووووووووووووووووووووووووووبة بنخليكم ياكفوة
  • #5
    ابو محمد 02-29-2016 09:0
    عليك الله ياسلك بتفكر بركبك عمودك دائما مشاتر والهلال البتضحك عليه دا حيوريكم النجوم عز الضهر وانت عاجبنك ناسك المتمردين البطنم طمت من حالكم المائل الله استر ناسكم ديل ما بتمو الدوري
  • #6
    خال أماسى 02-29-2016 08:0
    قليل المحتوى كثير الاسفاف بالله انت صحفى كلامك دا مشجع متعصب وفاطى سطر ما بكتبوا
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019