* هل صحيح ان ولاءالدين الهلال هو ولاءالدين موسى يعقوب؟
* وهل صحيح انه من مواليد 89 حسبما ورد على صفحات التواصل الإجتماعى؟
* وهل صحيح انه مقيد بكشوفات الهلال على أساس إنو من مواليد 2000؟
* يعنى عمر 16 سنه؟
* يعنى لعب فى اهلى مدنى بالبزه؟
* يعنى لسه ما حصل عمر الزهور عمر الغرام عمر المنى تسعطاشر سنه؟
* يعنى أصغر من ولد فطومه أختى؟
* يعنى ولاء الدين أصغر من بشار يا روشا؟
* معقوله زول دفعة بشار الأسد تسجلوهوا دفعة بشار الولد؟؟؟
* قلت لى الهلال يحذر الدوله من إستخراج رقم وطنى لى ألوك؟؟
* فعلاً نادى الحركة الوطنيه والتربيه يا خالدونا
* نادى يشيل من عمر لاعب حداشر سنه تانى فضل ليهو شنو؟
* نادى يغير إتنين لى إطناشر بحركة وطنيه قردية تانى البصعب عليهو شنو؟؟؟
* واحلاتى يا بشار
* أقصد ولاء الدين
* إذا صالح سنار سنونو وقعن وهو تحت السن بكشف الهلال
* يبقى ولاءالدين بشار عمرو سطاشر سنة
* السطاشر ذاتها ما قفلها
* كيف بالله نتقدم ونحن نلعب بأعمار اللاعبين بالطريقة دى
* كان ما أخاف الكضب
* ولاءالدين أكبر من الإنقاذ
* وإتنقذى
* المهم
* شفنا صورة كابو على صفحات التواصل ومعها خبر الزواج
* قلنا طالما فاتنا الكشف النلحق الكشف
* خاص صفحة الأحمر الوهاج
* لقينا الخبر كاميرا خفية
* لكن حقو تعملها يا كابو
* الزواج لابد منو
* مسئول من الخير يا كابو
* دحين ولاءالدين ما قرا معاك؟؟؟
* أيها الناس
* تمضى الأيام مسرعه
* وإعدادنا للمباراة الأفريقية ما قدر المرحلة
* إذا كان المال لايسعفنا لمعسكر خارجى
* يبقى المعسكر الداخل المنضبط هو الحل
* خلوا باب المعسكر فاتح
* والراجل يشيل رجلو ويمرق
* إنها الحرب
* ومن أراد أن يشق الصفوف
* يتحمل تبعات خيانته للمريخ الوطن
* كبار وعارفين كلو شى
* مافى داعى للغطغطة والسكسكة
* الما قدر المرحلة يقعد فى بيتهم
* كبار وما صدر ولاءالدين
* لادايرين بزه ولا محتاجين لزه
* المهم
* أقطاب المريخ سجلوا غياباً محبطاً فى ساحات الدعم
* ويفترض على المجلس أن يوضح للملأ منو من الأقطاب إعتذر
* ومنو الدفع على مضض
* ومنو الأعطى عطية مزين
* ومنو الزاغ
* خاص صفحة الأحمر الوهاج
* الشفوت دايرين يعرفوا
* أيها الناس
* إذا قامت جمعيه عموميه وترشح الوالى
* الدنيا كلها بتترشح لدخول مجلس الوالى
* وإذا قامت ولم يترشح الوالى
* نصاب المرشحين ما بكتمل
* ونبقى فرطنا فى الدقوا صدورهم ديل
* أعقلوها يا ناس وبطلوا حفر
* فمن الأسباب التى أجبرت جمال على الإبتعاد أكتر من تلاتة مرات النمل ديل
* النمل بتلم حول صحن العسل
* يلحس بس
* ولما الصحن يترفع
* يدوش النمل
* لايفقد الأمل فى عودة صحن العسل
* لكن لما يلقى العسل خلاص ببح
* بفرتق ويشوف ليهو عسلاً فى مكان تانى يلحس منو
* طالما ربنا فكانا من النمل
* حقو نحافظ على جمكسينا الطرد النمل
* ايها الناس
* العمل بإحترافية يستوجب أن يكون لدينا مكتب تنفيذى على قدر كبير من الحرفية
* على الأقل مكتب يحفظ أسرار الكيان ومداولات المجلس
* فالمكتب التنفيذى الخشمو خفيف مخيف
* أيها الناس
* الكيان أكبر من أى إنسان مهما كان
* والبشوف نفسو أكبر من الكيان يبقى غلطان غلطان
* خاص صفحة الأحمر الوهاج
* والتاريخ الذى يحفظ الأشياء الجميلة
* يحفظ أيضاً الأشياء الأخرى
* وعندما ينادى الكيان تنفرز الكيمان
* لبيك يا وطنى
* عبارةٌ تنطلق من حنايا أصحاب العشق حد الإدمان
* خليهو يطيروا بتكون عبارة أصحاب المصالح حتى ولو كانت تضر الكيان
* هاهى صرخةٌ يطلقها الكيان
* حدد كومك يا مان
* قلت لى ولاء الدين عمر سطاشر يا روشا؟؟؟
* طيب برجو شنو؟؟؟
* الحمل برضو؟؟؟
* أيها الناس
* إن تنصرو الله ينصركم
* أها
* نجى لى شمارات والى الخرتوم
* أكان شفت يا والينا
* واحد فى حلتنا قسم الصابونة لينا
* الحله كلها قامت تزغرد يا والينا
* القسمة بت موسى وريا وسكينة
* بنوتنا الصغار اليادوبك تاتن لينا
* والرجال يهزوا ويعرضوا يا والينا
* الحكامات يغنن للزول القسم الصابونه لينا
* يقولن يا والينا
* جِد لينا جِد لينا ود المحينه رجعنا للزمن الجميل وقسم الصابونه لينا
* خاص صفحة الأحمر الوهاج
ﺳﻠﻚ ﻛﻬﺮﺑﺎ
ﻧﻨﺴﺎﻙ ﻛﻴﻒ ﻭﺍﻟﻜﻠﺐ لما سمع بالزمن الجميل هز ضنبو ولفة الحلة كلها لخلى لستك ولا عمود ولا جزمة واقعه ولا رِدا?!!
مليار.الشكوى مضروبة ومطلوب بها تغبيش الحقيقة لسمكرة شكوى النعسان وشمش الفلاح ولكن هيهات.