• ×
الجمعة 29 مارس 2024 | 03-28-2024
معاذ ابو مؤيد

اعلام المريخ واقف محلك سر

معاذ ابو مؤيد

 0  0  1717
معاذ ابو مؤيد


منذ انتشار الصحف الرياضيه بكثافه في الفتره الماضيه انتشرت الصحف المريخيه واصبحت الرقم الاول في التوزيع وهذا يعني ان الجماهير المريخيه هي جماهير ذات وزن وثقل لذلك كانت الصحف المريخيه الاوسع انتشار وكانت الصحف السياسيه تتسابق لامتلاك الاقلام المريخيه لاعمده في صحفهم حتي يساهمو في التوزيع لكن لم تستفيد الاقلام المريخيه من هذا الزخم وابتعدت كثير عن قضايا المريخ
لو الدفاع في الملعب يبدا بالهجوم من المفترض ان ينطلق الدفاع عن القضايا المريخيه من الاعمده المريخيه والعناوين الرئيسيه للصحف المريخيه
ظلت الجماهير المريخيه في حاله ترقب لتلك الاقلام ومقارعه الاعلام الازرق لكن اقلامنا ظلت بعيده جدا من هموم وقضايا المريخ
وحتي هموم مشجعي المريخ بعيده عن الاقلام المريخيه
هناك بعض الاعمده والكتاب يتناولون القضايا علي استحياء
لاتوجد عناوين قويه تتصدر الصحف تتحدث عن المريخ وهناك اكتر من قضيه تشغل الشارع المريخي
لاادري هل تنتظر الاقلام المريخيه الاخبار فقط لنشرها في الصحف ام ماذا لماذا تلك الصحف تخاف الدخول في قضايانا بشكل مباشر
جماهير المريخ تنتظر منكم الكثير الوقوف في نفس المحطه طال كثيرا
والمريخ يعاني ودفاعكم ضعيف ياصحافه المريخ
الجماهير حاسه بالضعف منكم تجاه قضاياها
حصلو الركب وصحصحو معانا حبه
عايزين عناوين واعلام يكون مصادم ومحافظ علي حقوقنا
خلو الرومانسيه والصفويه
الناس لبست ثوب الشفتنه منتظراكم ومعاها لبس
خمسه عشان الوقت الان وقت الاعلام وقت الصوت المسموع
التحيه لبعض الكتاب لكن لاعزاء للبقيه
زمنا دا زمن صوتك عالي تاخد حقك صوتك واطي ومحترم تضيع وسط الزحام وتضيع زي ضياع الطاسه الضائعه
ماتخلو الجماهير ترمي طوبتكم وبدل الاشاده تنالو الامتعاض وصدقوني لو جماهير المريخ زعلت من زول مابترحم
عشان كده ايد علي ايد تجدع بعيد
ماتغردو خارج السرب
والاخبار متناوله للجميع في القروبات يعني قصه نقل الاخبار في الصحف مابتخدم قضيه
وصحف التحليل الفني وصحف الصفوه وصحف خاليه من قضايانا ماعايزنها
عايزين صحف مصحصه وصحف شفوووت
الكتابه الناعمه عمرها ماخدمت قضيه

ختاما
ارحمونا يرحمكم الله

ونحن علي المدرج ونتفرج عايزين نمسك الجريده ونحن شايفين عناوين تسر العين وتخدم الكيان
الواحد يمسك الجريده ويحس انو الصحفي جنبو في المدرج بقلمو
ويقرا العنوان وهو حاسي نفسو كاتب العنوان
امسح للحصول على الرابط
بواسطة : معاذ ابو مؤيد
 0  0
التعليقات ( 0 )
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019