الليله يوم الجمال يوم حضور الشفوت للمدرجات يوم تختفي كل السلبيات
جلطات اللاعبين مع هدير الجماهير ممكن تفوت
جلطات اداره التسيير ممكن تتبلع
كل شي في حضره الشفوت يبقى جميل
نستحضر مباراه عزام وكل مباريات الابطال
ملامح حقيقه للشفتنه التملا العين
شفوت ونار حمراء تخليك تشوف الشفوت شفت شفت تقول الدنيا نهار
كم مباراه كسبها الزعيم بفضل الشفوت
حضور وجمال تشجيع واثاره
كمان الشفوت لم يجو الاستاد عينك ماتشوف الا الجمال يسود القلعه الحمراء
شفوتنا مامحتاجين وصيه لانو المريخ عشق والعاشق مابوصوه
الناس تجي من عصرا بدري تتشاور في مستقبل المريخ وتتشاور
اكيد كل القروبات المريخيه حضور ياريت لو اجتمعو فيما بينهم قبل المباراه وطلعو لينا بمخرجات حوار تساعد الزعيم في المستقبل القريب
مشرفي القروبات المريخيه اجتمعو قبل المباره واتفاكرو في مستقبل الزعيم قلعه الزعيم تسع من القروبات ميه
استغلو اللمه الجميله في اكتر من جانب
ياريت مشرفي القروبات يشكلو مجلس الجمهور المريخي عشان البطوله الافريقيه محتاجه الاستنفار ومحتاجه اللمه ومحتاجه ابتكار طرق تشجيع
لم يكون هناك في مجلس جمهور مريخي من شفوت المريخ كل شي حيكون هيين
تعال عشان تقابل ناس قروبك تعال عشان تشوف الشفوت الخلف الكواليس
تعال عشان مريخ جميل مريخ زعيم مريخ رائع
المهم الحضور ثم الحضور
خليك قريب خليك حبيب للمعشوق الاول المريخ
حضورك دعم مالي للنادي
حضورك دعم معنوي للاعب
حضورك مزيد من المعرفه والعلاقات بالشفوت الاخرين
حضورك يعني الزعيم في امان
تعال ومعاك اخرون
ختاما
نحن علي المدرج ونتفرج ونجتمع ونشرب شاي ونشجع ونتعارف
مجتمع المريخ مجتمع جمييييل
نحن علي المدرج والشفوت كلهم جنبك وتتفرج وتشجع
تعاين شمال التراس تعاين يمين شفوت تعاين جنبك ناس قروبك
شفوت قروبك وكل القروبات المجاوره
شفوت الفيس شفوت الواتس كلهم هناك
تعال عشان في مبادرات حتكون وحتقوم من المدرج
مبادره لنظافه الاستاد
ومبادره لتحسين بيئه النادي
مبادره لدعم خزينه النادي
اخيرا
الزعيم فريق الجمهور والشفوت وانت واحد منهم