• ×
الجمعة 25 يونيو 2021 | 06-25-2021
معاذ ابو مؤيد

مجلس يعشق الاعلام وكثره الكلام

معاذ ابو مؤيد

 2  0  1053
معاذ ابو مؤيد


حاولنا نبعد عن مجلسنا لكن مجلسنا يرجعنا لمخاطبتو ويرفع ضغط الجمهور معاه
معقوله شخص في مجلس المريخ من اكبر الانديه الافريقيه محتاج للشو ومحتاج للاعلام
نحن مامحتاجين تصريحات وحوارات
قضيتنا ماقضيه حوارات
محتاجين معرفه الحقيقه وعايزين نلاقي الطاسه الضائعه
تابعناكم في التلفزيون وفي الاذاعه وفي الصحف والمحصله صفر
اتحدى لو الجمهور فاهم حاجه الجمهور الصفوه دا مامحتاج تصريحات ومامحتاج اعلام محتاج عمل ومحتاج شكر واهتمام العملو معاكم الجمهورالان طيله المجالس السابقه لم تشهد نفرات ذي الان وواحمدو الله واشكروه انكم جيتو في زمن العولمه ووسائل التواصل الاجتماعيه قروبات ساهمت في ثبات مجلسكم بالمال وفي العضويه
لكن بقدر من الناس التفت حول المريخ الكيان عبر هذه القروبات الا نفس القروبات دي متفقه تماما علي فشلكم الزريع في اداره الملفات في منظومه المريخ
كل الناس بقت فاهمه كوره وفن اداره الكوره والمجتمع الكروي عندنا مابرحم يعني اصغر مشجع ممكن يقيم عملكم
والظاهر والواصل للجميع فشل وفشل زريع
كل الملفات مازالت معلقه مافي شي ملموس
حتي القروبات الدعمت الكيان وصلتو ليها احساس انكم بايعين القضيه والمريخ اخر اهتمامتكم والاعلام اول اولوياتكم
مجالسنا السابقه كلها برغم طول المده الزمنيه لهم الا انهم كانو خجولين من الاعلام الواحد لو شفتو في التلفزيون تتخلع
لكن الخمسه شهور القضيتوها بينا مشيتولاجهزه الاعلام اكتر من النادي
معقوله بس ياريس
رئيس نادي المريخ واعضاء مجلسه كل يوم في الاعلام
وفي النهايه ياريت الجمهور فاهمه حاجه
الجمهور من كل حلقه ليكم يطلع خايف من بكره وخاتي يدو في قلبو
والاسئله المكرره والثابته في كل لقاء عن ترشحك وعن قضيه شيبوب وعن قضيه الوك والمال
اسئله ثابته اجابات مبهمه وعائمه
والطاسه تكون لافه في مكانها
ياريس الاعلام مابقربكم من قلوب الجماهير عشان الجماهير مامتعوده انو مجالسها تظهر في الاعلام كتير
الظاهر للعيان انو الناس تنتظر حوارك في الاجهزه عشان تلاقي الطاسه الضائعه لكن يطلعو من المولد من غير حمص
ياريس وجودكم اصبح هم للجماهير واثقل كاهل الجماهير بالاسئله
اريحو الجماهير باستقالاتكم وتقديم الجمعيه العموميه تكونو عملتو حسنه واحده في فترتكم التي تمثل اكبر كابوس في عالم المريخ الجميل
عالم الصفوه واضح ومافيه تشويش
وطبق الدش بتاع مجلسكم لو ظبتوه علي قمر الاستقالات وتعجيل الجمعيه العموميه احسن ليكم ولينا
خلونا نشوف المريخ من غير تشكيك وبصوره واضحه

ختاما
ارحمونا يرحمكم الله
اريحونا باستقالاتكم المركب ماشه تغرق وانتو فرحانين بصور السلفي واللقاءت الاعلاميه
الرساله الاخيره
الجمهور فقد الثقه فيكم وفي شخصيات باسمها في مجلسكم
وخوفنا الجهاز الفني واللاعبين يفقدو الثقه زينا
يبقي علي المريخ السلام وحيكون سلام ملك لانو حيكون مقصود

نحن علي المدرج ومافي نفس نتفرج وكل واحد فينا مادي بوزو شبرين وعاصر ليه ليمونه علي جرحكم وجرحكم غرييييق وماظنيت يتعالج سريع
امسح للحصول على الرابط
بواسطة : معاذ ابو مؤيد
 2  0
التعليقات ( 2 )
الترتيب بـ
الأحدث
الأقدم
الملائم
  • #1
    كرباج 02-20-2016 06:0
    علي فشلكم الزريع
    --------
    الذريع يا ابو الاساتذه وليس الزريع
    كاتب لا يفرق بين الزين والذال
    بجيبوكم من وين ؟؟؟
  • #2
    جلابي الدوحة قطر 02-19-2016 02:0
    بس فهمني كده برواقه ...انت عاوز منو يمسك المريخ ؟
       الرد على زائر
    • 2 - 1
      سامي 02-20-2016 01:0
      عايزك تدق سدرك انت وتمسكوا يا جلابي - أصلو إنت اكتر واحد قلبو حار في المريخ
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019