• ×
الجمعة 7 مايو 2021 | 05-06-2021
حسن فاروق

الكاردينال يبيع الهلال ويشتريه

حسن فاروق

 15  0  3144
حسن فاروق

قرر الرئيس التحفة بيع وشراء نادي الهلال بتحويله كما قال الي شركة مساهمة عامة وفقا لقانون الاتحاد الدولي لكرة القدم، وقال لافض فوه انهم شرعوا في اجراءات تسجيله كشركة مساهمة عامة ، واشار الى مخاطبة الهلال لوزير الشباب والرياضة مرفقا معه المسودة وكل المطلوبات، وقال فيما يري النائم ان كل هلالي سيكون له سهم في الشركة المذكورة، هكذا في المطلق كل هلالي سيكون له سهم ، مع انه رئيس لنادي كبير وبحكم عمره الصغير في الادارة وجهله المفجع بكثير من التفاصيل الادارية، يفترض ان يحدد من هؤلاء الاهلة ، هلالاب الداخل ام هلالاب الخارج؟، هلالاب الولايات ام هلالاب العاصمة؟ الغريب انه لم يذكر الجمعية العمومية، احتمال ماعارف ، ماهو لسه مابعرف حاجة عن الهلال، ولابعرف حاجة عن الكورة، ولا بعرف عن القوانين التي تدير الكورة، عشان كده ممكن يكون ماعارف واكيد ماعارف انه ملف الهلال كنادي محترف موجود وليهو سنين والهلال بشارك بيهو في المنافسات الافريقية ، وهذا وفقا لقوانين الفيفا ، المصيبة انك ماعارف ، وماعارف انه الهلال والمريخ والخرطوم الوطني واهلي شندي بشاركوا افريقيا بهذه الملفات.
ولانه ماعارف وبضحك الناس عليهو ماعارف انه موضوع الاندية المحترفة ماعندو علاقة بتحويل الاندية الي شركات نهائيا، وبالتالي لاعلاقة له بالوزير عشان يرفع ليهو توصية ويطالب وفقا للفيفا، ده جهل اداري الا اذا كان يرغب في شراء النادي بهذه التمثيلية الساذجة، ويكون المشهد كالآتي ( هو رئيس مجلس ادارة النادي يبيع النادي ويشتريهو كده) ، ولانه مستعجل والفي قلبو علي لسانو ناسي انه في قانون بحكم الرياضة في السودان وبه تعريف لوضع الاندية كهيئات رياضية ، ولانه ماعارف ماشي للحكومة يقول ليها الفيفا قالت الاندية تتحول لشركات عشان تبقي محترفة، مع انه الفيفا ماقالت ولافي اي تجربة لتطبيق نظام الرخصة عندو علاقة بتحويل الاندية لشركات ، حتى في انجلترا الاندية المحترفة (من كل الدرجات عندها منافسة براها) بس عشان تعرف حتى الخليج بدورياته المحترفة ماحول الاندية لشركات، معقولة ياكاردينال عايز تبيع النادي وتشتريهو بالغت، وخاشي بانه الفيفا قالت، وعشان تعرف اكتر لانك ماعارف وبتقول (نكات) نظام الرخصة او الاحتراف في اقوال اخرى لايغير اي شيء من وضع النادي ، قول لي كيف؟ اقول ليك واديك مثال ، شايف نادي النسور مش تبع الشرطة ؟ والشرطة مؤسسة؟ هذا النادي لاتنطبق عليه مواصفات النادي المحترف او الذي يستحق الرخصة، قول لي كيف؟ اقول ليك، لانه اهم شرط في موضوع النادي المحترف فصل المال الخاص بادارة فريق الكرة عن المؤسسة ، بمعني ان تفصل مؤسسة الشرطة ميزانية واضحة تخصص لفريق وهو مبلغ يوضع كسقف لكل الاندية من الاتحاد السوداني الذي يخطر به الاتحاد الافريقي المسؤول الاول عن المتابعة، وهي تفاصيل كثيرة عايزه قعدة وعشان تفهما وتستوعبها قصة طويلة، المهم ان هذا المبلغ يوضع في بنك بحساب معروف عند الاتحاد تتم مراجعته كل فترة، وهذا المبلغ لاعلاقة بميزانية الشرطة التي تصرفها علي مؤسستها ، اظن واضح ، مش كده وبس حتي الادارة المسؤولة عن الكرة بمافيها الجانب المالي جسم اداري منفصل تماما عن الشرطة والطريقة التي تدير بها الشرطة مؤسستها.
وماينطبق علي نادي النسور المنتمي لمؤسسة، ينطبق علي الهلال النادي الجماهيري الكبير، تفصل ميزانية الفريق تماما عن ميزانية النادي بتفاصيلها المختلفة وتوضع في بنك ويعين جسم اداري للاشراف عليها ، هذا الجسم له جسم مسؤول عنه في الاتحاد السوداني لكرة القدم ، وجسم اعلي في الاتحاد الافريقي، ببساطة الموضوع ماعندو اي علاقة بتغيير هوية النادي، وهو كده بوضعو الحالي ممكن يبقي نادي محترف. فهمت ولا لسه؟ بالغت لكن عايز تبيع النادي وتشتري، قلت لي كل هلالي يكون عندو سهم؟ وانت عندك كم سهم ؟ ده رئيس مجلس ادارة نادي الهلال .. تخيلوا ؟

امسح للحصول على الرابط
بواسطة : حسن فاروق
 15  0
التعليقات ( 15 )
الترتيب بـ
الأحدث
الأقدم
الملائم
  • #1
    ود امبدة 02-17-2016 06:0
    رئيس الهلال سيبقى تاج على رؤسنا ..ويجب علينا ان نساعده وان لم نستطع !!ان نتركه يعمل.
  • #2
    Fathi Farah 02-16-2016 07:0
    انت زول فاضي وماعندك موضوع وبتاع فتن والله احسن تشوف السياسه وتترك الرياضه لان الفتن في الرياضه مشكله بس في السياسه بتمشي حالها وابعد عن الكاردينال وعن جمهور الهلال يحولها شركه خاصه شركه عامه نحن معاهو طالما في مصلحة الهلال نحن معاهو لاخر رمق .....وانت والزيك من الصحفيييين بتاعين المصالح ابعدو من الرياضه لكي تتطور الرياضه السودانيه
  • #3
    الميرغني 02-16-2016 03:0
    ههههههه ههههههه والله يا حسن لو فهم حاجة لا حول ولا قوة إلا بالله العلي العظيم. إنا لله وإنا إليه راجعون. حسبي الله ونعم الوكيل. دي بقت ليهو أصعب من الاول تضرب مثل بالنسور. كان تضرب مثل باللقيمات. استغفر الله العظيم.
  • #5
    جلابي الدوحة قطر 02-16-2016 12:0
    زمان قلنا كردنه يخطط للخلود في الهلال واعتقد بعض الشخصيات التي لا تفهم تساعده ايضا وكله للمكسب والفايده ..الراجل قدم وعود ومشاريع للهلال تفوق ميزانية انديه اوربيه واستفاد من اشم الاهلال بادخال كل ما يريد للبلد باسم الجوهره وبرسوم جمركيه مخفضه وعمله صعبه غير مراقبه . وستظل الجوهره وغيرها محلك سر حتي يرتفع رصيده من الارباح الي مليارات المليارات وحبايبنا المطبلاتيه والمستفيدين يهللون وينحنو امام الكسكته ولم يبق لهم سوي كلمة كردنه رضي الله عنه
  • #6
    جلابي الدوحة قطر 02-16-2016 12:0
    زمان قلنا كردنه يخطط للخلود في الهلال واعتقد بعض الشخصيات التي لا تفهم تساعده ايضا وكله للمكسب والفايده ..الراجل قدم وعود ومشاريع للهلال تفوق ميزانية انديه اوربيه واستفاد من اشم الاهلال بادخال كل ما يريد للبلد باسم الجوهره وبرسوم جمركيه مخفضه وعمله صعبه غير مراقبه . وستظل الجوهره وغيرها محلك سر حتي يرتفع رصيده من الارباح الي مليارات المليارات وحبايبنا المطبلاتيه والمستفيدين يهللون وينحنو امام الكسكته ولم يبق لهم سوي كلمة كردنه رضي الله عنه
  • #8
    سودانى 02-16-2016 10:0
    يا حسن فاروق هذا الرجل يملك فى جعبتة مفاجات ياما
    انت اصبر عليه يخلص الجوهرة ولكل حادث حديث
  • #9
    أبوسامي 02-16-2016 10:0
    الغريبة كردنة ده جاهل وفصيح ، لعن الله المال الذي في يد الجهلاء .
  • #10
    أبو ناهد 02-16-2016 10:0
    أنا لا أدافع عن الكاردنيال، على الرغم من قناعتي به كرئيس مفيد لهلال الامة السودانية. ولكن أرى ان موضوعك فارع ليس جدير بالقرأة كما انك جانبت الادب والاحترام واستعملت لغة أقرب إلى لغة السفهاء في مخاطبة رئيس نادي الهلال العظيم.

    حتى ان كنت تريد إيصال بعض المعلومات أو تصحيحها، كان الاحرى بك ان تتأدب وتحترم الراجل الذي ينفق من قوت عياله على هلال الملايين. كيف لك ان تسئ له بهذا العباراة النابئة؟

    هنالك مثل يقول كل إناء بما فيه ينضح فهل انت من من ينطبق علهيم هذا المثل؟ لكن الدكتور/ أشرف سيد أحمد الكاردينال، لا أطن له وقت حتى يرد على أمثالك.

    وكفى.
  • #11
    بهاءالدين سعدالله محمد 02-16-2016 10:0
    الاندية المحترفة كلها شركات والامراء العرب والاثرياء امثال ابرهيموفتش مالك نادى شيلسى وملاك اندية باريس سان جيرمان ومانشيستر سيتى باعتبارها شركات
  • #12
    تاج السرعبداللطيف عثمان 02-16-2016 10:0
    أستاذ حسن فاروق كلنا نعشق الأزرق الدفاق مثلك تماماً
    ونتابع أخبار العشق الكبير مثلك تماماً وبالأمس تابعتك على قناة
    أمدرمان ومعك الكوتش النقر بن الهلالالالال العظيم وتابعت أسئلة مقدمة
    البرنامج ولكن كل إجاباتك كانت تؤكد أنك دخلت الإستديو ( ومبيت النية)
    لإدانة رئيس نادى الهلالالال العظيم الدكتور الأشرف بن سيدأحمد كأنى بك تريد إعادة شريط عداءك للرئيس الأسبق صلاح إدريس !!!!!
    ماذا سنجنا نحن عشاق الأزرق من أحاديثك المكررة على الأعمدة وعالتلفاز؟؟؟
    يجب أن تقتنع أن الكاردينال هو رئيس نادى الهلالالال العظيم أتى بإنتخابات ( نضييييفة ) بغض النظر عن عمره والذى لن يكون مقياساً لنجاحه أو فشله فقط المطلوب تهيئة الجو النقى للإدارة الزرقاءءءء لتعمل
    والنصح والإرشاد مطلوب دون الدخول الأمور الشخصية للإدارى لنه يعمل من
    أجل الهلالالال العظيم وما الذى يجمعنا كلنا بل جميعنا غير الهلالال العظيم
    وحتى الكوتش النقر لم يك موفقاً فى إنتقاده لتغيير المدرب وكأنه يريد
    من مجلس الهلالال العظيم إستشارته فى أمر المدرب !! الهلالالالال العظيم ملك لكل الهلالالاب والكاردينال سخره الله لعشقنا الأبدى
  • #13
    صلاح محمد حسن الشيخ 02-16-2016 06:0
    الجهل يهدم بيت العز والشرف الزول ده ما عندو مستشارين وله المستشارين زاتم تمامة جيرتق زمان قنا الزول كيسو فاضى فالح لينا فى لبس الكسكته وزمان قال الفول فولى وليه رجع عن كلامو خلاص يا جماعه قرب يقول الروب سنه اولى اعدادى والجايات كوارث ويا مطبلاتيه اعوام الرماد قادمه لا محاله ولو كمل الزمن المحدد للرئاسه يكون تب ما قصر قال ايه شركه مساهمه لو كان ما تثق فى الكتاب الزرق كان تستشير مزمل وما خب من استشار
  • #14
    Ali M. Ali 02-16-2016 06:0
    الكاش يقلل النقاش ويطوع القوانين ولو (الزول ريالته جارية)... أليس كذلك أستاذ فاروق ؟؟!!..سيب الراجل في حالو يبيع ويشتري زي ما عايز ..وفي الشعر العربي :
    خلا لك الجو فبيضي وافرخي قد عد كلب الصيد في الأبطال

    فيا صحافة رياضية سيبوا الناس في حالهم مرة جمال الوالي ومرة الكاردينال ..الواحد يقرأ لكم يقول عندكم حل الأزمات المالية للأندية ...التنظير سهل جدا لكن الواقع شيء آخر..
  • #15
    عبدالعاطى 02-16-2016 05:0
    لو الجمهور م اشترى الأسهم من وين يودع مبلغ فى البنك زى م قلت يدعو أشرف أو انت أودع المبلغ مافى شى تكون شركة مساهمة انت وانا وأشرف وغيرنا يكونو مساهمين كل حسب
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019