* أول أمس الجماعه ما لقوا ليهم حشرة تأجل ليهم الكورة
* يا حليل النحل
* والعسل بدا ينقط
* نقطة نقطة
* نجيب قرعتنا ونلقط
* هو جنس عسل
* أسكت بس
* عسل فى كسكته
* وعسل انت وسمح انت يا وردة
* سمعنا بى عسل السدر وعسل الملكات وعسل الجبل وعسل العلب
* لكن عسل الكسكته ده جديد
* مافى احلى منو إلا قون أوكرا
* ياخ شدة ما أوكرا شربك كرعينو
* فى ناس قايلنو كوفى
* وفى ناس قايلنو فى الرابطه
* ديل خليهم
* فى حنانة إتيمنت إلا تحنن أوكرا
* حننت الرجل الما جاب بيها القون
* الكراع الجاب بيها القون تفتش فيها لى هسى
* يا ربى ختاها وين؟!
* وديعه إستثمارية؟!
* تكون ورا رجلو التانية؟!
* يا ربى قاعد فيها؟!
* يكون داسيها جوه الشراب؟!
* يا ربى ما جابها معاهو؟
* قال ليك الحنانه تفتش لما الحنه نشفت

* والهلال درن
* أول أمس حضرنا كورة برشلونه
* زى قون أوكرا ما لاقانى والله يا حبانى
* واحدين قالو كيفن شاته
* ما شفتوها يا حبانى
* واحدين قالو رجلو زايدة جرافه
* ما شفتوها يا حبانى
* وزى ناس روشا ما بشوفوها
* ما شفتوها يا حبانى
* الخالف كراعو وجابا
* ماشفتوها يا حبانى
* الحنانه
* البتفتش فى الرجل التانية
* قاعدة تغنى
* زى قون أوكرا ده شفتوا؟!
* الحنانات يرددن
* برى برى ما شفنا
* أيها الناس
* قون أوكرا نسانا الغاز والبوتوجاز والظلل القزاز
* خلوهوا الغاز
* النت مالو؟
* وهل السعر الذى أعلنته زين سعر غريب؟
* شوفوا كم قيقا وكم ميقا وضربوها بالدقيقة تعرفوا الطفا النور منو
* أيها الناس
* النت هين
* السواها مهند الطاهر فى الهلال ما حصلت

* غسل سته
* نص دسته
* معقولة يا معلم نص دسته فى طشت واحد؟
* وبعد الغسيل
* قبل ليك على أبوعاقلة
* نفضو وطبقو وكواهو
* النايلون ده يا ورده المكوة بتشيلو
* وقال كدى
* مره نشوف ابوعاقلة ومره نشوف أماسا
* ومره تقعد أمبدة
* ومره تقوم الثورة
* الثوره بالشنقيطى ما تخربوا بيتنا
* فطومة أختى زعلانه من وردة
* كييف يبشتن أبوعاقله بالشكل ده
* وقالت عمر مهند فى الملاعب أكبر من عمر ابوعاقله فى الدنيا
* وطيب هو وكت صغير بيتشوبر مالو يا فطومه؟
* فطومه لما محاورة أبوعاقله ووقعانو فى الواطه كتر
* قربت تقول لى مهند
* قدرك ولا لحم سدرك
* وهو إنتى شفتى حاجة؟!
* المدافع حسن السير والسلوك حايتبهدل
* لكن قون أوكرا مبالغة
* على اليمين يا روشا تتابع أوكرا ده
* إنت ذاتك تصلع وتلبس كسكته
* أيها الناس
* مفطوم اللبن ما بسكتو اللولاى

* لكن برضو ما برضعو النوناى
* مفروض يتعامل مع الواقع وياكل بى ايدو
* يحترم زمن الرضاعه ويحتفظ بالجميل
* أنو جميلٌ أن تحفظ الجميل لى زول جميل عمل جميل
* لكن البكاء على اللبن المسكوب نوناى ساى
* 2870 هو الحل
* يلا يا شفوت ما تبقو زيف
* أبقوا الصمود
* لكن قون أوكرا حير الحنانه
* المهم
* هلالابى قابلنى فى الشارع
* بهاظر معاى
* قال لى الركشه إنتقمت لينا حقنا
* قلت ليهو وقالوا الجبص السمح فى الأبيض
* لى أسى ما شفتوا تانى
* أيها الناس
* أكتب قبل مباراة الرابطه
* أتوقعها إعلان لصدارتنا لهذا الموسم من الليلة
* أيها الناس
* إن تنصروا الله ينصركم
* أها
* نجى لى شمارات واالى الخرتوم
* شفت كلام ناس البرلمان فى اليوم الأول يا والينا؟
* سمعت كلام ناس البرلمان فى اليوم الأول يا والينا؟
* طيب من أول يوم مالهم يا والينا؟
* ماقلتوا نووووووووووووووواب