*النقد لو فات حدو ببقي حرب
*ولا اظن ان فينا من يحارب المريخ في مجلسه
*او قل علي الاقل
*ليس فينا من يحارب لجنة التسير
*فلو اخذنا القصه من زاوية الخوف علي الكيان
*نعتبرها نقد
*دوافعه حب الكيان وليست الاستراتيجيه
*ولكن تكرار مطرقة النقد علي سندان لجنة التسيير بكسر راسها
*وهي راسنا
*واذا انكسر راس راسنا يا راستا في هذه المرحله
*ماتستغربوا لو لقيتونا دوريا نلاعب المورده
*المورده التي نتمني ان تعود مجددا للممتاز
*المورده التي اوصلها ابنائها لما وصلت اليه
*فمطرقة النقد كانت عند ابناء المورده تهشم سندان مجالسها المتعاقبه
*فهوت في دوري الشمس الحاره تستعر
*ايها الناس
*ناخد فريق الكرة بس
*الكشف نقص ولا اتزبط ؟؟؟؟
*الاعداد ماشي تمام ولا كعب ؟؟؟
*المدرب فشلوا في استجلابه ولا لأ ؟
*حتي الهارب تراوري اعادوه
*ولو انني غير مقتنع بذلك التراوري
*فكرة القدم الحديثه التي يسخر فيها اللاعب امكاناته للجماعه
*لاتعترف بملكة جانسي الذي يلعب بأنانيه واستهتار
*المهم
*اتمني ان اكون غلطان في حق تراوري
*لكن صدقوني
*تراوري الانا بعرفو
*لو قدم لينا
*ان شاء الله الركشه تدقشني تاني
*ايها الناس
*اتمني ان نحاول ولو مجرد محاولة
*ان ندعم لجنة التسيير
*حتي ولو بالراي
*وان نخفف من مطرقة النقد الثقيله علي رؤوسهم
*فالعيار المايصبش يدوش
*والمرحله ليست مرحله حساب ولا عقاب
*انها مرحلة تماسك واعداد
*اذا اضعناها اضعنا كل الموسم
*وبالتالي اضعنا التفاف الجماهير حول الكيان
*واضعفنا قوة المريخ
*فقوة المريخ في مدرجاته
*ودخل المدرجات هو مايدعم بسخاء
*المهم
*اقوان الهلال في اتحاد ليبيا لسه الواتس ماجابها
*ياربي يكونوا ناس الهلال جابوها بعد التصوير ؟؟؟
*يكون الموبايل قطع والهلال مغلوب تلاته صفر ولسه ما جاب اقوانو ؟؟؟
*افتونا يا روشا
*ايها الناس
*اعداد المراحل السنيه بدأ
*الاولاد ديل محتاجين دعم معنوي
*فطارق المعتصم ورفاقه وفروا لهم الدعم المادي
*يبقي معنويا دعمهم علي الجماهير فرض عين
*تعالوا احضروا التمارين وشجعوا الاولاد
*ايها الناس
*تعيين محمد موسي مديرا للكرة قرار صادف اهله
*فالمهندس رجل جادي وعملي ومجرب
*والاهم من ذلك صادق وصادق جدا بل واضح شديد
*ياناس
*قلت ليكم ادوا لجنة التسيير فرصه
*ولن نندم ان شاء الله
*المهم
*الركشه بارك الله فيها
*لسه جايبه لي الاحباب بي خشم الباب
*وبالمناسبه
*القصه فيها شق في عظم الشيطان ( هو سموهوا عظم الشيطان ليه )
*المهم
*الخوف الشيطان يمرق بالشق ده ويتمقلب
*البلد دي بدون شيطان ما بتنقعد
*بس لو شيطاني حريف
*بالشق ده يستدرج ليهو شيطانه شديييييده
*والغريبه لو عندها جواز شيطاني امريكي
*تمرقنا كلنا
*انا وشيطاني وعضم شيطاني زاتو
*ولو اصرت تقعد هنا
*أهو سكن مجاني في عضمي الشيطاني والاعاشه علي انا
*وبي سيقاني ديل اساسق ليك بيهم جنس مساسقه
*فسحه سااااااي ياعمك
*وجمب اي ست شاي اخلف ليك عظم شيطاني اليمين في عظم شيطانتي الشمال
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*الباعوض بقي يحمر لينا
*يكفتنا قبال يعضينا
*عدييل كده حاقر بينا
*لاسائل فيكم ولا سائل فينا
*ولما نجيب المبيد يا والينا
*الباعوضه ترفع لينا جنحينا
*تتعطر وتطير جوز فينا
*تبا لشعب بتكتلوا سنة الفين وسطاشر الملاريا يا والينا
سلك كهربا
ننساك كيف والكلب الباعوضه لمن عضتو ولا همتو .حزن علي الحال الفينا
والي لقاء
سلك