• ×
الأربعاء 4 أغسطس 2021 | 08-03-2021
بابكر سلك

الله يجازيك يا الركشه

بابكر سلك

 9  0  2363
بابكر سلك
*اكتب وانا بين ضغط الجبص وألم الضلوع
*لمت ليك فيني ركشه ورتني الطفي النور منو
*اول مره في حياتي اشوف شارع العرضه من فوق
*ياخ الشارع ده جميل جدا
*لو محافظ ام ردرمان اهتم بالشارع ده شويه
*لو علي الاقل اعتبرو جزء من مكاتب المحافظه التي تطل علي نفس الشارع
*كان اصبح شارع سياحي هام
*بالذات وهو شارع سياسي
*كان الخليفه عبدالله يستعرض فيه جيش الانصار
*وحضر بنفس الشارع المرتزقه
*وخليل ابراهيم
*وحتي نميري تحرك من خور عمر لكن جا بالعرضه في طريقه للاذاعه
*شارع سياسي قدر ده
*مفروض يبقي شارع سياحي عشان مايرجع سياسي يا محافظنا
*المهم
*الركشه بالغت
*لاقالت الزول ده كبير
*و لا قالت الزول ده كان وقع علي صلعتو دي بتتفقش
*بس تووووش جاتني ليك
*لكن ماحرقتني
*ولا حاره
*اكلتها ليك في حناني
*ومشيت حوادث السلاح الطبي
*ايها الناس
*حوادث السلاح الطبي الله يسترها من العين
*نظافه وقيافه وكوادر مؤهله كلو زول عارف شغلو شنو
*وجوه تقابلك باسمه
*تمشي عليك قبل تصلها
*الكرسي ده بجيبوهوا ليك قبل تطلبو عشان ما تمشي بي رجلينك
*مستشفي لا يشبه مستشفياتنا
*السلاح الطبي ده تبع حميده ؟؟؟
*سؤال برئ جدا
*المهم
*عافي للركشه
*لانها كانت سببا جمعني بالاحبه
*من وصل ومن اتصل
*وصدقا قال من قال
*اكنز الرجال ما تكنز المال
*شكرا لكل الاحبه
*من وصل ومن اتصل
*شكرا لكل من سأل
*وشكرا للركشه التي جمعتني بالاحبه
*المهم
*الركشه ما عشان دقشتني
*لكن بصراحه ضاره جدا
*وهي احد اهم الاسباب الضاره بالبيئه
*سرطانات سااااي بتطلع من عوادمها
*وعلي الرغم من ذلك
*استيرادها فاااااتح
*وسمعنا تحت تحت عن اذونات تعطي لاصحاب الحظوه لاستيرادها
*وصاحب الحظوه ولا بستوردها
*ببيع الاذن ويقبض حقو والشعب يقبض في مستشفي الذره قوي
*الركشه من ناحية ضاره ضاره
*ومن ناحية نافعه فيها منافع للناس
*فهي ولي نعمة سيدها
*وسواقها
*ومكنيكيها
*وصاحب دكان اسبيراتها
*فوق علي ذلك تناسب حالة المواطن التي لاتسمح له بامتطاء الامجاد
*يمتطي الخطوب مجبرا
*ياقوم
*الركشه تحتاج لمؤتمر حوار كبير
*عشان نعرف كيف نتفادي شرورها
*بدون ان نحرم من تعولهم من فوائدها
*ايها الناس
*الركشه مامعاها امان
*لا للسايق ولا للماشي جمبها ولا للراكب فيها
*بل ماليها امان بالنسبه للرايق المابركبها
*لانو الرايق ده بتنفس وين عاد ؟؟؟
*موش من عوادمها ؟؟؟؟
*المهم
*مباراة جاده ورائعه اديناها ضد سانت جورج
*تجربة حقيقيه خضناها
*اربعين الف متفرج حضروا
*موش في ميدان بلدية تونس
*التيحا والفضيحه متباريات
*ولكن التجارب القويه هي التي خضناها
*ومعسكر قطر لسه
*طالما في رابطة قطر يبقي المريخ مافي خطر
*وقالوا راجع
*الا تطيروا
*بدل شيبوب حايكون التمن كلو يوم تمشوا بالمقلوب
*وجع وجع
*الزول ايام ونلقاهو رجع
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*الركشه دي يوم بتودينا
*يا بي حادث يا بي قلبه يا من عادمها البنفخ الدخان فينا
*مشكلة الركشه حلوها لينا
*ولي سيدها والسايقها والبصلحها يا والينا
*ركشه واحد بتدعم سته بيوت لينا
*وبتكتل كلو يوم مليون فينا
*انتوا بتدعموا كم بيت يا والينا
سلك كهربا
ننساك كيف والكلب لو سمع زول قال ركشه بقرب يجري
والي لقاء
سلك

امسح للحصول على الرابط
بواسطة : بابكر سلك
 9  0
التعليقات ( 9 )
الترتيب بـ
الأحدث
الأقدم
الملائم
  • #1
    M.HUSSEIN 01-12-2016 03:0
    الف لا بأس عليك استاذ سلك أجر وعافية انشاء الله ,لك منا كل الشكر وانت تزرع البسمة فى شفاهنا بكتابات حتى وانت فى هذه الحالة لله درك اخى سلك,لا ارانا الله يوما نفقد فيه اسلوبك الممتع الذى يجعلنى ابتسم قبل ان اقرأ المقال يشهد الله على ذلك.
       الرد على زائر
    • 1 - 1
      .shankoo 01-13-2016 09:0
      أولا حمدا لله على سلامتك. ثانيا استعدل وراجع نفسك وبطل تريقة على الاسياد والا المرة الجاية تريللا. الجاتك في ركششششتتتك سامحتتتتك.لك التحية وأجر وعافية وماتشوف شر.
    • 1 - 2
      .shankoo 01-13-2016 09:0
      أولا حمدا لله على سلامتك. ثانيا استعدل وراجع نفسك وبطل تريقة على الاسياد والا المرة الجاية تريللا. الجاتك في ركششششتتتك سامحتتتتك.لك التحية وأجر وعافية وماتشوف شر.
    • 1 - 3
      .shankoo 01-13-2016 09:0
      أولا حمدا لله على سلامتك. ثانيا استعدل وراجع نفسك وبطل تريقة على الاسياد والا المرة الجاية تريللا. الجاتك في ركششششتتتك سامحتتتتك.لك التحية وأجر وعافية وماتشوف شر.
    • 1 - 4
      .shankoo 01-13-2016 09:0
      أولا حمدا لله على سلامتك. ثانيا استعدل وراجع نفسك وبطل تريقة على الاسياد والا المرة الجاية تريللا. الجاتك في ركششششتتتك سامحتتتتك.لك التحية وأجر وعافية وماتشوف شر.
    • 1 - 5
      .shankoo 01-13-2016 09:0
      أولا حمدا لله على سلامتك. ثانيا استعدل وراجع نفسك وبطل تريقة على الاسياد والا المرة الجاية تريللا. الجاتك في ركششششتتتك سامحتتتتك.لك التحية وأجر وعافية وماتشوف شر.
  • #2
    حسن ميرغني 01-12-2016 09:0
    ههههههههههه انتو وصيفكم ده ما عنده غير الرئيس طوالي يستقيل تجرو تجيبوة يهرب تجرو تجيبوة يقول ما عايزكم تجرو تجيبوة وين حواء المريخ الفالقننا بيها (مريخ الوالي )والرئيس طوالي والهروووووب الكبير وعافي منو دايس علي رقابكم ومافي راجل فيكم بقدر يقول تلت التلاتة كم
  • #3
    اللدر 01-12-2016 09:0
    حمدا لله على السلامة ، رغما عن إني لا أحب كتاباتك ولا مريخك.

    أكتب لينا عن الركشات وأضرارها البيئية ، لكن الكورة دي أختاها ما بتعرف ليها.

    شن جاب لجاب ناس مجمعينهم على عجل وتموهم بالجلالة 19 نفر ( لاحظ نفر وليس لاعب) التسعطاشر ديل فيهم قول 11 لاعب والباقي ناس المدرب وطاقمه وناس ابوجريشة ..... ههههههه هايلو ، قال سان جورج آآآل
  • #4
    نصرالله 01-12-2016 09:0
    الف لا باس عليك اجر وعافيه وكفارة وربنا اكتب ليك السلامة بس تاني حازر
  • #5
    نصرالله 01-12-2016 09:0
    الف لا باس عليك اجر وعافيه وكفارة وربنا اكتب ليك السلامة بس تاني حازر
  • #6
    ابو مروان احمد الرياض 01-12-2016 07:0
    الف سلامه عليك وربنا يواليك بالعافية لكن ضربة الركشة ما زى ضربة شيبوب
    هلالابى والدم البجرى فى عروقى هلالابى لك الف تحية الكاتب الرائع
  • #7
    حسن الامين 01-12-2016 01:0
    سلامنك يا زعيم اجر وعافية وكفارة
    جات سليمة وما تشوف شر
  • #8
    ابو عبدالله / جده 01-11-2016 08:0
    لاول مره في حياتي استمتع بعمود سلك والله من أمس أنا منتظر عمود الركشه دا - وبعدين بيني وبينك يا سلك انت تنفع كاتب مسرحي وليس كاتب رياضي جرب الكتابه في الدراما والمسرح حتنفع شديد - سؤال الطلع غلطان منو انت ولا الركشه - نقترح على شعب الهلال تسمية أخونا سلك ( الركشه ) لانه بالجد هناك ملامح شبه كبير بين سلك والركشه حتى في طريقة المشي
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019