*قابلني هلالابي عسل
*قال لي شنو يا استاذ شيبت كده بقيت شيبون ؟؟؟
*قلت ليهو داير ابقي شيخ
*ده قعاد ديم المشايخه
*من سمع ديم المشيخه لي اسي ما شفتو
*زول عسل
*ولا دساها زي كردنه
*ماقال بكري ما حارقني
*مازي ناس خالدونا
*زول صريح وقال النصيحه
*روشا طبعا اعترف
*لما كتب
*جرح بكري لسه فينا
*تبروا متين يا روشا ؟؟؟
*جرح بكري ده جرح سكري
*ما ببرا
*البتر بس
*الضقلمه يا حبيب حمانا الله
*المهم
*الاهله بحبوا قصة اول او ل
*الغريبه في السمحه اصلهم ما كانوا اول
*خالدونا قال انتقال شيبوب هو اول انتقال للاعب هاوي من جوه الكشف بعقد احتراف داخلي
*الهاوي يا الهاوي
*الهاوي يا ملاوي
*اول بالتبادي
*نسي خالدونا انو طمبل اول لاعب محترف يطلع بره بعقد احتراف ويجي المريخ بي كرتو
*اول وأول
*نسي خالدونا انو ابو الهل هو اول نادي بدل اتنين بي اطناشر
*ونسي انو ابو الهل هو اول نادي سوداني يتقبض بالمنشاطات بالثابته
*ونسي انو ابو الهل هو اول نادي اخد خمسه في استادو
*كلها اول واول
*ونسي انو ابو الهل هو اول نادي اشرك في مباراه عاكف مطرود من الكورة القبلها
*ونسي دي ماتقروها ونسي رئيسنا
*الواو حرف عطف ونسي بمعني خانتو الذاكرة
*نسايين يا خالدونا
*اجيب ليكم ذاكرة ضفر ؟؟؟
*ونسي انو
*اول نادي سكن تمنيه وتمنين سنه في الصفر
*واول صفر
*وآخر حب واول مع البطوله المحببه
*ايها الناس
*اكتب وانا ماناسي مهرجان مراحل المريخ السنيه
*مشيت عليهو
*احتفال نادي الحركة الوطنيه الجدجد بالاستقلال
*ماناسي زي ناس خالد
*شاهدت مستوي ومحتوي يشرفنا
*كان في المنتخب كان في اولادنا
*وتم تكريم العديد من الشخصيات
*فرق كبير
*حتي العبارات التي اختاروها لتكتب علي الشهادات التقديريه
*كانت عبارات رائعه وبليغه ومعبره
*وده في حد ذاتو بوري الفرق بين وبين
*المهم
*دحين التي شيرت اللابسها شيبوب في اللقاء التلفزيوني التونسي
*مي ياها الجابها ابو جريشه يوم شيبوب تلب ؟؟؟
*شهر لابسها ؟؟؟؟
*كسوة الكعبه يا كابتن !!!
*غيرها ياخ
*المهم
*ادلة المريخ التي تصلح لان تقدم للفيفا
*كلها اتي بها اعلام الهلال
*من دقنو وفتلو
*كان صور او اعمدة راي
*او تصريح علني بالصورة والصوت لكردنه
*ابقوا معنا
*ايها الناس
*ان تنصروا الله ينصركم
*اها نجي لي شمارات والي الخرتوم
*كان شفت يا والينا
*واحد منينا
*قابلنو في الشارع من بنات جمع اشتراكات النفايات تلاته واحدات
*زاغ منهن قابلنو بنات العوائد شايلات وصولاتن ماشيات تلاته اتنينات
*ركب عربيتو وجري وقطع الاستوب الاحمر الكاتب تلاته اربعات
*شافوهوا وفتحوا وراهو ناس تلاته سبعات
*دق الرصيد تلاته تمنيات
*دقش تلاتة ستات في الشارع كانن ماشات
*قرضن خلي دموع اهلن خمسات خمسات
*سكوهوا ناس تلاته تسعات
*قلب العربيه شالوهوافي تلاتة تلاتات
*قال حرم لو مامته ادق في جوازي تلاته اقامات
*ومات يا والينا
سلك كهربا
ننساك كيف والكلب قاعد في الشارع يعد تلاتة تسعات وتلاته سبعات وتلاته تلاتات جن تلاته كلبات قال ديلك جن تلاته اعرفوا تومتي ياتا
والي لقاء
سلك