• ×
الخميس 28 مارس 2024 | 03-27-2024
صحيفة كفر و وتر

جوهرة في كسكتة

صحيفة كفر و وتر

 3  0  2292
صحيفة كفر و وتر
> في المريخ نبجل الكيان ولا نعبد الأشخاص
> مهما قدموا نقدر لهم ونحترمهم ولكن لا نبجلهم اذا كان في تبجيلهم اهدار لقدسية الكيان
> ولا نسلبهم حقهم الادبي في الاحتفاظ لهم بما قدموه
> والدليل آلولو
> الجميع يتفق على ما قدمه جمال للكيان
> غير البنيه التحتيه للاستاد حتى اصبح مضرب الامثال ولافت الانظار
> جلب واستجلب مدربين عالميين معروفين
> اوتوفيستر مثلاً
> افضل المحترفين امثال ايداهور وجمال سالم والعالمي ابالو
> دفع بسخاء للمعسكرات ذات المستوى
> جاب لينا كليتشي وطمبل وبكري من الجنينه
> جيمي ما قصر
> وبرغم ما قدمه لم يسلم من النقد عندما تختلف وجهات النظر
> كل إعلام المريخ انتقد جمال عندما رأى ذلك هو الأنسب
> وتقبل جمال النقد بصدر رحب
> لا كشر في وش زول
> ولا حفر لي زول
> امثلة النقد كثيره
> شخصياً كتبت له
> لو انت قروشك ما هاماك نحنا مريخنا هامينا
> وروشا يشهد
> وعندما قرر جمال استجلاب دائرة كرة من الاجانب
> كتبت له
> جيب ليك عليك الله.. جيب ليك بنغاله يشجعوهو ليك
> لأني رأيت أن من ابناء المريخ من يستطيع ان يقوم بالدور على اكمل وجه
> وضربت مثلاً بالحاج زيدان
> مسؤول الكرة لما جبنا مانديلا
> جمال وللحقيقه
> اعجب بالفكره
> لم يغضبه النقد
> فعين الحاج زيدان رئيساً لدائرة الكره
> والغريبه ما كتبته من نقد كان في صحيفة الصدى
> ومن بعدها السوبر
> والاتنين يملكهما الحبيب مزمل
> ومزمل هو من اشد المؤيدين للوالي
> وبرغم ذلك لم يتدخل
> بل ولم يعلق
> بل وترك النقد ينزل على صفحات صحيفته كاملاً لا شق ولا طق
> ده حالنا في المريخ
> حتى الشغيل لما اختار الرحيل
> لم يقابله الاعلام الاحمر الا بكل احترام
> لا نبزناهو
> لا قلنا خائن
> لا قلنا ما بيشبه المريخ
> ده حالنا في المريخ
> ولما اكمل جمال الوالي تشييد الاستاد بالصورة الزاهيه
> لم يرد بخاطرنا ان نسميه استاد جمال
> لأننا لا نرضى
> ولا جمال كان حا يرضي
> فجمال ابن المريخ
> لا يمكن ان يمسح اسم الاب من على لافتة المنزل ليكتب اسمه
> فكانت اللافته بالخط العريض
> استاد المريخ.. القلعة الحمراء
> شفت يا روشا !!!!
> تجوا تطرحوا فكرة تسمية استاد الهلال باسم جوهرة الكاردينال؟
> وهل كردنه عندكم اكبر من الكيان؟
> متين يا روشا حا تنقدوا كردنه؟
> حتى عندما حاول مسح تاريخ النقر اخوان وطارق احمد
> وجد منكم المسانده وكتابة عباراته فيهم
> انهم لا يشبهون الهلال
> فاذا كان طارق احمد آدم لا يشبه الهلال
> ومصطفى النقر لا يشبه الهلال
> والفاتح النقر لا يشبه الهلال
> وقبلهم طمبل لا يشبه الهلال
> وكلتشي لا يشبه الهلال
> وهيثم خائن لا يشبه الهلال
> والساده لا يشبه الهلال
> وصلاح ادريس لا يشبه الهلال
> والحكيم طه لا يشبه الهلال
> يبقى البشبه الهلال منو يا روشا؟
> كردنه؟؟؟؟
> غايتو البعرفو انا المالقي شبهو الله قبحو
> متين يا روشا حا نقرا ليك نقد لكردنه؟
> متين يا فطومه حا يكون استاد الهلال هو استاد الهلال
> ويكون اشرف الكاردينال ليس الا ابن من ابناء الهلال لا مالكاً للهلال!!
> بالمناسبة
> شايف كردنه معاهو معتصم جعفر ورئيس الهلال السعودي مستمتعين بصحبة الوالي
> اللقيمات رقد يا أخوي؟
> لو لا ناس دخري الزمان كان اللقيمات ملأ الخور يا فطومه
> اها
> لو العم شبشه طالب بحقوقو من الهلال
> برضك حا يبقى شين وما بشبه الهلال يا فطومة يا اختي؟
> ايها الناس
> مهما كان اداء مجلسنا
> يجب علينا مناصرته ومناصحته
> مناصرته ظالماً او مظلوماً
> برده عن ظلمه اذا ظلم
> وبرفع الظلم عنه اذا ظلموهو
> فمساندة المجلس فرض عين علينا جميعاً
> وكلما ساء وضع المجلس المادي
> يزداد التزامنا بالفرض العيني علينا
> لأن الأمر يتعلق بالكيان
> ايها الناس
> يا ناس المجلس بالذات
> التاجر لو فلس بفتش دفاترو
> ومازال الشفوت يشكون من عدم خصم الرصيد منهم من بعض الشركات
> شوفوا الموضوع ده بدعكم كويس
> يا قوم
> يا مريخاب الامارات
> ود الشايقي طرفكم مستشفياً
> وهو بينكم الآن
> ما بنوصيكم عليهو
> ولا انتو بتتوصوا
> الزول زولنا
> قدم مليون سبت لينا
> يبقى الاحد ميعادو جا
> ايها الناس
> إن تنصروا الله ينصركم
> أها نجي لي شمارات والي الخرتوم
> كان شفت يا والينا
> برلماننا قال لينا
> أمن السعودية خط احمر يا والينا
> والأمن الغذائي لينا !!!!
> خط شنو يا برلمانيينا؟
> خط شين ولا ما مقروء بالنسبه لينا؟
> ولا خط بارليف يستحيل عبورو لينا؟!!
> اسي دي يا ها الجابتكم ليها الانتخابات نواب لينا؟
سلك كهربا
ننساك كيف والكلب لما سمع تصريح البرلمان حكَّ أضانو بي رجلو الورا وحلف لو الحرامي كتلنا ما يهوهو لينا
والى لقاء
سلك
امسح للحصول على الرابط
 3  0
التعليقات ( 3 )
الترتيب بـ
الأحدث
الأقدم
الملائم
  • #1
    ابومحمدين 01-09-2016 12:0
    طوابق الكاردينال سمت نفسها مافى هلالابى سماها استاد الاردينال الراجل دخل التاريخ بى حقو ياخى انت المزعلك شنو
  • #2
    ابومحمدين 01-08-2016 05:0
    والله مافيكم ود مقنعة غير محمد كامل سعيد قدر اقول للوالى ثلث الثلاثة كم . وطوابق الكاردينال سمت نفسها مافى هلالابى ضبح ليها قالوا طوابق ما قالوا استاد الكاردينال ده تاريخ والراجل دخلو بى حقو انت داير تكضب التاريخ .
  • #3
    محمد ابراهيم 01-08-2016 01:0
    طيب الوالي رئس طوالي دي تسميها شنوا بقي جمال الوالي هو المريخ والمريخ هو جمال الوالي وبعدما قرف منكم برضوا تعملوا وفد وراء وفد وتحنيس وجرسة عشان ترجعوه المشكلة نادي كبير عندوا شخص واحد بدفع ما تقارنوا نفسكم بالهلال والجوهره غايتو عاملة ليكم وجع فشفاش.
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019