*طبعا في بلدنا دي تكريم الزول ماببقي الا بعد موتو
*وما كل من يستحق التكريم بنكرموا
*ناس تستحق التكريم شبعت موت
*مافي زول اتذكرها ساي
*التكريم عندنا زي التابين
*بتم بعد الموت
*عشان كده الناس المفتحين بكرموا انفسهم برااااهم قبل الموت
*وقبل ما يقلب عليهم المقربون
*الناس دي ما مضمونه
*الليله يقولوا عليك سبع البرمبا
*وباكر يطلعوك جهلول ساي
*الناس المفتحين بكرموا انفسهم بانفسهم
*يعملوا التكريم ويصرفوا عليهو
*اللافتات المرفوعه في التكريم دي بدفعوا حقها ويقروها اول حتي تتعلق
*اشراف كامل علي كل فقرات التكريم
*سداد كامل لكل منصرفات التكريم
*ويبقي الزول فلته
*حضر تكريمو قبل يموت
*وبمناسبة التكريم دي
*كردنه
*كرم نفسو ولا كرمتو عطبره ولا كرموهوا ناس الامل ولا هو الكرم عطبره ؟؟؟
*في لافتات التكريم ما ورونا (ميد ان وين )
*ولا نملك الا ان نقول
*رحم الله امرئ عرف تكريم نفسه
*لكن في زول قال لي
*لما كردنه نزل من الطياره في عطبره
*جماهير عطبره كانت قايلاهو نازل بي كاس
*قلت ليهو ما اي طيارة بتجيب كاس يا ناس
*المهم
*في الواتس انتشرت صورة بالمطار لشيبوب
*قالوا مسافر مع رديف الهلال
*ويظهر في الصورة الجواز الاخضر
*الرشيم الاخضر في الخديد الانضر
*الشتله خربها الجواز الاخضر
*ولمحنا في الشتله رسم مخرج مهرجان تكريم كردنه
*لم نتعب في البحث عن فضولي
*المهم
*قالوا الهلال يواجه امل سوسه
*انتوا غير المسوسين ديل الهلال ما لاقي زول يلعب ضدو ؟؟
*قبل كم يوم موش لعبوا ضد امل سوسه ده برضك ؟؟
*ولا داك حسن سوسه ؟؟؟
*تقابلوا كلو يوم سوسه والعافيه مدسوسه
*والشفوت علي موعد للقاء دورتموند
*اسماء زي دي ناس روشا طبعا قايلنها دواء قحه
*بايرن وشالكا ودورتموند
*ما علاج ملاريا يا فطومه يا اختي
*دي فرق بتاعت كورة المانيه
*سوسه !!!!
*ايها الناس
*نبارك للزعيم تعيين امير دامر
*ونبارك لامير المنصب
*فالمنصب يشرف امير ويتشرف به
*ولي قدام يا تمساح
*قشه ما تعتر ليك
*ارتحنا
*لاننا رشحناك في هذه الزاويه
*ونامل ان نجد منك ما نصبو اليه من عمل جاد
*يجب عليك الافاده والاستفاده من خبرات الخاجه
*فنحن نصبو لتقطيع فاتورة الخواجات
*ولا يتأتي ذلك الا بتاهيل اولادنا
*شد حليك يا امير
*المهم
*قامت الدوله بدعم لجنة التسيير بالمليارات
*ولكنها لم تصل بعد لثلث المليارات التي دعمت بها لجنة تسيير الهلال
*لسه باقي ليك تلتين من المليارات يا ونسي
*ماتفرط فيهما
*عطا المنان في عهده الدولة غير تكب ليهو ماكان عندها شغله
*ايها الناس
*ندخل علي نهاية السنه القديمه
*ونستعد لاستقبال سنه جديده
*ودعواتنا لسه ياها دعواتنا
*ما اتغير فيها شئ
*لانو ما اتحقق منها شئ
*حيدر اب سته اتأخر في الزواج
*قام فجأه اتزوج
*قلت ليهو الهداك منو ؟؟
*قال لي عشان اشوف الناس دي في العيد تاني بتقول شنو ؟؟؟
*شابكني القابله عريس القابله عريس
*اها عرست
*ونحن كشعب نريد ان تصبح البلد زي اب سته
*تحقق امانينا
*عشان تقول النشوف الناس دي تاني في الاعياد بتقول شنو ؟؟؟
*ولكن دعواتي في هذه الايام
*الله يخلي لينا الوطن
*ان شاء الله ما نعدموا
*السنه الجايه اذا كان نفس الدعاء ببقاء الوطن لم يتغير
*يبقي مكسب كبير
*فعازه في هواها نحنا نشقي
*وعازه لي هواها نحنا نبقي
*وعازه من هواها نحنا نروي
*وعازه بي هواها نحنا نقوي
*وعازه يكون هواها فينا تقوي
*وفي مخيلتي شفعنا لسه بلعبوا
*عندهم طاقه ونفس للعب
*عاملين دايره متشابكه اياديهم
*وما اجمل ان تتشابك الايادي في وطني
*وموقفين عازه في وسطهم
*ويرردوا
*عازه يا عازه مالك بتبكي عايزه ايه
*عازه : دايره حكومه تكون مهمومه بهم الناس
*تجيب المويه تجيب الكهربا والكراس
*المجموعه : عازه يا عازه مالك بتبكي عايزه ايه
*عايزه زمن لافيهو اختلاس لافيهو افلاس لا بضيع حق الناس
*عايزه مسؤل همام يخاف الله في المال العام ويودينا لي قدام
*مجموعه : عازه يا عازه مالك بتبكي عايزه ايه
*عايزه امه دوام تتلمه في فرد احساس
* تخت بندقيه تشيل طوريه تحفر الساس
*مجموعه : عازه يا عازه مالك بتبكي عايزه ايه
*عازه : الماببكي شنو يا ناااااااااااااس
*ايها الناس
*كلو سنه والوطن والمواطن والوطنيه في خير ويمن وبركات
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*السرطانات كترت علينا
*نسأل الله يشفي ويحمينا
*لكن مكنات العلاج معظمها وقف علينا
*والمرض منتشر ومتزايد فينا
*نقول للسرطان انتظر لمن يصلحوا المكنات لينا
*ولا نسكت نخلي السرطان يودينا ؟؟؟
*افتينا يا والينا
سلك كهربا
ننساك كيف والكلب قال لو الجوده والمواصفات شايفه شغلها ما كانت انتشرت السرطاناتالوقف المكنات يشغل مكنات المواصفات
والي لقاء
سلك