* تلب
* ﺑﻔﺘﺢ ﺍﻟﺘﺎﺀ
* ﻣﺎﻓﻲ ﺯﻭﻝ ﻳﻘﺮﺍﻫﺎ ﺑﻲ ﺗﺎﺀ ﻣﻜﺴﻮﺭﻩ
* ﺗﻠﺐ
* ﺗﺨﺘﻠﻒ ﻋﻦ ﻧﻄﻪ
* ﻻﻥ ﺗﻠﺐ ﺑﻜﻮﻥ ﻣﺘﻠﺐ ﻣﻦ ﻓﻮﻕ ﻟﻲ ﺗﺤﺖ
* ﻭﻧﻄﻪ ﺑﻜﻮﻥ ﻧﺎﻃﻲ ﻣﻦ ﺗﺤﺖ ﻟﻲ ﻓﻮﻕ
* ﻳﻌﻨﻲ ﺍﻻﺗﺠﺎﻩ ﺑﻮﺭﻳﻨﺎ ﺍﻟﺰﻭﻝ ﺗﻠﺐ ﻭﻻ ﻧﻄﻪ
* ﺷﻴﺒﻮﺏ ﺗﻠﺐ
* ﻟﻜﻦ ﺑﻜﺮﻱ ﻧﻄﻪ
* ﺑﻜﺮﻱ ﻭﻗﻊ ﻋﻠﻲ ﺍﻟﻌﻘﺪ ﻭﻧﻄﻪ
* ﻭﺷﻴﺒﻮﺏ ﻭﻗﻊ ﻋﻠﻲ ﺍﻟﻮﺭﻗﻪ ﻭﺗﻠﺐ
* ﻭﺍﻟﻮﻙ ﺍﻟﺠﺎﺑﻮ ﻛﺮﺗﻮ ﻻﻭﻗﻊ ﻋﻠﻲ ﺍﻟﻌﻘﺪ ﻭﻻ ﻋﻠﻲ ﺍﻟﻮﺭﻗﻪ ﻭﻃﺎﺭ
* ﻳﺒﻘﻲ ﻭﺭﻗﺔ ﻭﺭﻗﺔ ﻛﺮﺩﻧﻪ ﻻﺑﺘﻤﻨﻊ ﺍﻟﺘﻠﻴﺐ ﻭﻻ ﺑﺘﻤﻨﻊ ﺍﻟﻨﻂ ﻭﻻ ﺑﺘﻤﻨﻊ ﺍﻟﻄﻴﺮﺍﻥ
* ﻭﺻﺪﻕ ﻣﻦ ﻗﺎﻝ ﺍﻥ ﺑﻴﺖ ﻛﺮﺩﻧﻪ ﻫﻮ ﺍﺿﻤﻦ ﻏﺮﻓﺔ ﻟﺘﺴﺠﻴﻼﺕ ﺍﻟﻤﺮﻳﺦ
* ﺷﻴﺒﻮﺏ ﺣﺮﺍﻣﻲ ﺍﻟﻘﻠﻮﺏ
* ﺗﻠﺐ
* ﺗﻮﻟﻮﺑﻮﺕ
* ﺗﻠﺐ ﻓﻲ ﻭﺍﻃﺎﺕ ﺍﻟﻠﻪ ﺩﻱ
* ﺗﻠﺐ ﻗﺎﻝ ﺍﻧﻜﺴﺮ ﻭﻻ ﺍﻧﺠﺒﺮ
* ﺍﻟﺒﺠﺒﺮﻧﻲ ﺷﻨﻮ
* ﺍﻟﻤﻬﻢ
* ﺍﻋﺠﺒﺘﻨﻲ ﺗﺸﻜﻴﻠﺔ ﺍﻟﻬﻼﻝ ﻟﻠﻤﻮﺳﻢ ﺍﻟﺠﺪﻳﺪ
* ﺭﺳﻠﻬﺎ ﻟﻲ ﺍﻻﺳﺘﺎﺫ ﺍﺑﺮﺍﻫﻴﻢ ﺍﻟﻤﺤﺎﻣﻲ
* ﻗﺎﻝ ﺍﻟﺘﺸﻜﻴﻠﻪ ﺍﻟﻬﻼﻟﻴﻪ ﻟﻠﻤﻮﺳﻢ ﺍﻟﺠﺪﻳﺪ ﺗﺘﻜﻮﻥ ﻣﻦ
* ﻣﻜﺴﻴﻢ ﻓﻲ ﺣﺮﺍﺳﺔ ﺍﻟﻤﺮﻣﻲ
* ﺑﻮﻳﺎ ﻭﺍﺗﻴﺮ ﻭﻣﺴﺎﻭﻱ ( ﺑﻌﺪ ﺍﻻﻳﻘﺎﻑ ) ﻭﺳﻴﺴﻴﻪ ﻓﻲ ﺍﻟﺪﻓﺎﻉ
* ﺍﻟﺸﻐﻴﻞ ﺑﺸﻪ ( ﻛﺮﺕ ﺍﻟﻮﻙ ) ( ﺟﻮﺍﺯ ﺷﻴﺒﻮﻥ ) ﻓﻲ ﺍﻟﻮﺳﻂ
* ﻛﺎﺭﻳﻜﺎ ﻭ ( ﻋﻘﺪ ﺑﻜﺮﻱ ﺍﻟﻤﺪﻳﻨﻪ ) ﻓﻲ ﺍﻟﻬﺠﻮﻡ
* ﺍﺟﻤﻞ ﺗﺸﻜﻴﻠﻪ
* ﺍﻟﻤﻌﺴﻜﺮ ﺍﻻﻋﺪﺍﺩﻱ ﻓﻲ ﺻﺎﻟﻮﻥ ﻛﺮﺩﻧﻪ
* ﻣﺤﻨﺘﻮﻧﺎ ﻳﺎ ﻓﻄﻮﻣﻪ
* ﺍﻟﻤﻬﻢ
* ﺣﺮﺍﻣﻲ ﺍﻟﻘﻠﻮﺏ ﺗﻠﺐ
* ﻭﻛﺮﺩﻧﻪ ﺍﺗﻤﻘﻠﺐ
* ﻣﺤﻤﺪ ﻋﺒﺪﺍﻟﻤﺎﺟﺪ ﻟﻤﺎ ﻳﺤﺘﺠﺐ
* ﺗﺎﻧﻲ ﻣﺎﺑﻜﺘﺐ ﻟﻴﻨﺎ ﻋﻦ ﻋﺜﻤﺎﻥ ﺣﺴﻴﻦ
* ﺣﺎﻳﻜﺘﺐ ﻟﻴﻨﺎ ﻋﻦ ﺍﻟﻨﻮﺭ ﺍﻟﺠﻴﻼﻧﻲ
* ﻳﺎﻣﺴﺎﻓﺮ ﺟﻮﺑﺎ
* ﻻﺯﻡ ﺗﺒﺪﺃ ﺑﻴﻬﺎ ﻳﺎ ﺣﻤﻮﺩﻱ
* ﺟﻨﺎ ﺍﻟﺒﺎﺑﺎﻱ ﺍﻧﺖ ﻗﺎﻳﻠﻮ ﻣﻨﻮ ؟؟؟
* ﺷﻴﺒﻮﺏ ﻳﺎ ﻓﺮﺩﻩ
* ﺍﻳﻬﺎ ﺍﻟﻨﺎﺱ
* ﻛﺮﺩﻧﻪ ﺩﺍﻳﺮ ﻳﺒﻴﻊ ﺍﻟﻤﻮﻳﻪ ﻓﻲ ﺣﺎﺭﺓ ﺍﻟﺴﻘﺎﻳﻴﻦ
* ﻣﻌﻘﻮﻟﻪ ﺗﻮﺩﻱ ﺣﺮﺍﻣﻲ ﺍﻟﻘﻠﻮﺏ ﺟﻮﺑﺎ ؟؟؟
* ﻳﺎﺥ ﺍﻟﺠﻨﻮﺏ ﺩﻩ ﻛﻠﻮ ﺍﺭﺿﺎ ﻭﺷﻌﺒﺎ ﻣﺮﻳﺨﺎﺏ
* ﻳﺎﺥ ﺟﻮﻥ ﻗﺮﻧﻖ ﻳﻮﻡ ﺍﻭﻗﻒ ﺍﻃﻼﻕ ﺍﻟﻨﺎﺭ ﻋﺸﺎﻥ ﺍﻟﻤﺮﻳﺦ ﻻﻋﺐ ﻓﻲ ﻛﻤﺒﺎﻻ
* ﺳﺎﻕ ﺟﻴﺸﻮ ﻭﻣﺸﻮﺍ ﺍﻟﻜﻮﺭﺓ ﺷﺠﻌﻮﺍ ﺍﻟﻤﺮﻳﺦ
* ﻳﺎﺥ ﺭﻳﺎﻙ ﻣﺸﺎﺭ ﻗﺎﻝ ﺍﻭﻝ ﻳﻮﻡ ﻳﻘﺎﺑﻞ ﻓﻴﻬﻮ ﺳﻔﻴﺮ ﺍﻟﺴﻮﺩﺍﻥ ﻛﺎﻥ ﻓﻲ ﻛﻮﺭﺓ ﺍﻟﻤﺮﻳﺦ ﻓﻲ ﻛﻴﻨﻴﺎ
* ﺗﺒﻴﻊ ﺍﻟﻤﻮﻳﻪ ﻓﻲ ﺣﺎﺭﺓ ﺍﻟﺴﻘﺎﻳﻴﻦ ﻳﺎ ﻛﺮﺩﻧﻪ
* ﻣﻌﻘﻮﻟﻪ
* ﻟﻜﻦ ﻓﻲ ﺍﻻﻣﺮ ﺩﺭﺱ ﻛﺒﻴﺮ ﻭﺧﻄﻴﺮ
* ﻋﺸﺎﻥ ﺍﻟﻨﺎﺱ ﺗﻔﻬﻢ
* ﻟﻮ ﺩﺍﻳﺮﻳﻦ ﻛﺴﻜﺘﺔ ﻛﺮﺩﻧﻪ ﺑﻨﺸﻴﻠﻬﺎ ﻣﻦ ﺭﺍﺳﻮ ﺑﺪﻭﻥ ﻳﺸﻌﺮ
* ﻧﺨﻠﻴﻬﻮ ﻣﺎﺷﻲ ﻭﻗﺎﻳﻞ ﺭﻭﺣﻮ ﻻﺑﺲ ﻛﺴﻜﺘﻪ
* ﻋﻤﻚ ﻓﺮﻋﻮﻥ ﺑﺮﺿﻚ ﻛﺎﻥ ﻗﺎﻳﻞ ﺭﻭﺣﻮ ﻻﺑﺲ
* ﻧﺎﺱ ﻫﺎﻣﺎﻥ ﺩﻳﻞ ﺧﻄﺮﻳﻦ ﻳﺎ ﻓﺮﻋﻮﻥ ﺍﻗﺼﺪ ﻳﺎ ﻛﺮﺩﻭﻥ
* ﻋﻠﻲ ﻫﺎﻣﺎﻥ ﻳﺎ ﻓﺮﻋﻮﻥ !!!!
* ﻋﻠﻲ ﻫﺎﻣﺎﻥ ﻳﺎ ﻣﺎﻥ ؟؟؟؟؟
* ﺍﻟﻤﻬﻢ
* ﺭﺑﻴﻜﺎ ﻗﺮﻧﻖ ﻗﺎﻟﻮﺍ ﻗﺎﻣﺖ ﺑﻲ ﺩﻭﺭ ﻛﺒﻴﺮ ﻓﻲ ﻋﻤﻠﻴﺔ ( ﻳﺘﻠﺒﻮﻥ )
* ﻭﺗﻜﺮﻳﻤﺎ ﻟﻬﺎ ﺍﺩﻳﻨﺎﻫﺎ ﻋﻀﻮﻳﻪ ﻓﻲ ﺣﻔﻴﺪﺍﺕ ﺳﻴﺪﻩ ﻓﺮﺡ
* ﺍﻟﻤﻬﻢ
* ﺍﻟﻔﻴﺲ ﻣﻠﻴﺎﻥ ﺗﻌﺒﻴﺮﺍﺕ ﻟﻼﻫﻠﻪ ﺍﻟﺸﺮﻓﺎﺀ
* ﻓﻲ ﺍﺣﺪ ﺍﻟﺘﻌﺎﺑﻴﺮ ﻣﻜﺘﻮﺏ
* ﻓﻮﺕ ﻣﻨﻨﺎ ﻭﺳﻮﻕ ﺍﻟﻨﺎﻃﻘﻪ ﺻﻮﺭﻙ ﻛﻠﻬﺎ ﻓﻮﺗﻮﺷﻮﺏ ﻣﺎ ﺻﺎﺩﻗﻪ
* ﻣﺎﺩﺍﻳﺮﻳﻦ ﺟﻮﻫﺮﺓ ﻓﻮﺕ ﺍﺧﻴﺮ ﻟﻴﻨﺎ ﺍﻟﻤﻘﺒﺮﻩ
* ﺍﻟﺸﻔﻮﺕ ﺟﻬﺠﻬﻮﻙ ﻣﺴﻜﻮﻙ ﻛﺮﺕ ﺍﻟﻮﻙ
* ﻭﻫﺘﺎﻓﺎﺕ ﻭﺷﻌﺎﺭﺍﺕ ﻛﺘﻴﻴﻴﻴﺮﻩ
* ﺯﻱ
* ﻣﺎﺩﺍﻳﺮﻳﻦ ﻋﻘﻮﺩ ﻣﻐﺸﻮﺷﻪ ﻓﻮﺕ ﻭﻣﻌﺎﻙ ﻓﻄﻮﻣﻪ ﻭﺭﻭﺷﺎ
* ﻟﻜﻦ ﻓﻄﻮﻣﻪ ﺍﺩﻭﻫﺎ ﺍﻟﺤﺒﻮﺏ ﻳﺎﺭﻭﺷﺎ
* ﻣﺎﺗﻨﺴﻮﺍ
* ﻛﺎﻥ ﻓﻮﺗﻮﺍ ﺣﺒﻪ
* ﺍﻻ ﺗﻌﻴﺪﻭﺍ ﻟﻴﻬﺎ ﺍﻟﻜﻮﺭﺱ ﻣﻦ ﺟﺪﻳﺪ
* ﻭﺍﺗﺒﻠﻌﻲ
* ﺍﻳﻬﺎ ﺍﻟﻨﺎﺱ
21* ﺩﻳﺴﻤﺒﺮ
* ﻳﻮﻡ ﺍﻟﻤﻬﺮﺟﺎﻥ
* ﻣﻬﺮﺟﺎﻥ ﺯﻱ ﺍﻟﻤﻬﺮﺟﺎﻥ
* ﺍﺳﺘﻘﺒﺎﻝ ﺍﻟﺠﺪﺩ ﻭﺍﻋﻼﻥ ﺿﺮﺑﺔ ﺍﻟﺒﺪﺍﻳﻪ
* ﺍﻟﻔﻘﺮﺍﺕ ﺷﻴﻘﻪ
* ﻣﻨﺘﺨﺐ ﺷﻴﺒﻮﺏ ﺗﻠﻮﺏ
* ﺿﺪ ﻣﻨﺘﺨﺐ ﺑﻜﺮﻱ ﺷﻘﻠﻮﺏ
* ﺍﻧﺎ ﻏﺎﻳﺘﻮ ﺑﺸﺠﻊ ﺣﺮﺍﻣﻲ ﺍﻟﻘﻠﻮﺏ
* ﻭﻏﻨﺎﺀ ﻭﺗﻜﺮﻳﻢ ﻭﺍﺑﺪﺍﻋﺎﺕ
* ﺍﻟﻤﻬﺮﺟﺎﻥ ﺑﻲ ﺗﺬﺍﻛﺮ
* ﺩﺍﻳﺮﻳﻦ ﻳﺎﺷﻔﻮﺕ ﻧﺪﻓﻊ ﺣﻖ ﺍﻟﻤﻌﺴﻜﺮ ﻣﻦ ﺩﺧﻞ ﺍﻟﻤﻬﺮﺟﺎﻥ
* ﻭﺩﺍﻳﺮﻳﻦ ﻧﺴﺪﺩ ﺣﻘﻮﻕ ﺍﻟﺠﻬﺎﺯ ﺍﻟﻔﻨﻲ ﻭﺍﻻﺟﺎﻧﺐ
* ﻣﻦ ﺩﺍﺧﻞ ﺍﻟﻤﻬﺮﺟﺎﻥ
* ﻋﻨﺪﻧﺎ ﻓﻘﺮﻩ ﺍﺳﻤﻬﺎ ﺳﺎﻋﺔ ﺍﻟﺼﻔﺮ
* ﻓﻲ ﺯﻣﻦ ﻣﺤﺪﺩ
* ﻋﻠﻲ ﻛﻞ ﺍﻟﺸﻔﻮﺕ
* ﻓﻲ ﺍﻻﺳﺘﺎﺩ ﻭﺧﺎﺭﺝ ﺍﻻﺳﺘﺎﺩ
* ﻓﻲ ﻛﻞ ﺍﻟﺸﺒﻜﺎﺕ
* ﺍﻥ ﻳﺤﻮﻟﻮﺍ ﻋﻠﻲ 2870
* ﺍﻟﺒﺠﻲ ﻧﺤﻮﻟﻮﺍ ﺩﻭﻻﺭ ﻧﺤﺎﺳﺐ ﺑﻴﻬﻮ ﺍﻻﺟﺎﻧﺐ
* ﻭﺩﺧﻞ ﺍﻟﻤﻬﺮﺟﺎﻥ ﺯﻱ ﻣﺎﻗﻠﺖ ﻟﻴﻜﻢ ﻟﻠﻤﻌﺴﻜﺮ ﺍﻻﻋﺪﺍﺩﻱ
* ﺳﺎﻫﻤﻮﺍ ﻳﺎ ﺷﻔﻮﺕ
* ﺭﺑﻴﻜﺎ ﺍﺩﺗﻨﺎ ﻋﺮﺑﻴﺘﻴﻦ ﻋﺸﺎﻥ ﻧﺰﻭﻍ ﺑﻴﻬﺎ ﺷﻴﺒﻮﺏ ﺣﺮﺍﻣﻲ ﺍﻟﻘﻠﻮﺏ
* ﻳﺒﻘﻲ ﻧﺴﺎﻫﻢ ﺯﻱ ﺭﺑﻴﻜﺎ
* ﻭﻧﺴﺠﻞ ﺭﻗﻢ ﻗﻴﺎﺳﻲ ﺟﺪﻳﺪ ﻓﻲ ﺍﻟﺪﺧﻞ
* ﺍﺻﻠﻨﺎ ﺑﺮﺍﻧﺎ ﻣﻦ ﻳﺴﺠﻞ ﺍﻻﺭﻗﺎﻡ ﺍﻟﻘﻴﺎﺳﻴﻪ
* ﻭﺑﺮﺍﻧﺎ ﻣﻦ ﻳﺤﻄﻢ ﺍﻻﺭﻗﺎﻡ ﺍﻟﻘﻴﺎﺳﻴﻪ ﺍﻟﺴﺠﻠﻨﺎﻫﺎ
* ﻋﺸﺎﻥ ﺑﺮﺍﻧﺎ ﺑﻨﺴﺠﻞ ﺍﻻﺭﻗﺎﻡ ﺍﻟﻘﻴﺎﺳﻴﻪ ﺍﻟﺠﺪﻳﺪﻩ
* ﻣﺎﺑﻮﺻﻮﻛﻢ ﻳﺎ ﺷﻔﻮﺕ
* ﻓﻄﻮﻣﻪ
* ﺍﻟﺤﺒﻪ ﻣﺎ ﺗﻨﺴﻴﻬﺎ
* ﺻﺤﺘﻚ ﺑﺘﻬﻤﻨﺎ ﺷﺪﻳﻴﻴﻴﻴﻴﻴﻴﻴﻴﺪ
* ﻟﻜﻦ ﻣﺎﺗﺒﻠﻌﻴﻬﺎ ﺟﻌﺎﻧﻪ
* ﻗﺒﻞ ﺗﺒﻠﻌﻴﻬﺎ ﺍﻟﺒﻌﻲ ﻟﻴﻚ ﻟﻘﻴﻤﺎﺗﻪ ﻟﻘﻴﻤﺎﺗﻴﻦ
* ﻟﻜﻦ ﺑﺼﺮﺍﺣﻪ ﺍﻻﻫﻠﻪ ﺣﻴﺮﻭﻧﺎ
* ﺷﺎﻟﻮﺍ ﻛﺮﺕ ﺍﻟﻮﻙ ﻭﺧﻠﻮ ﺍﻟﻮﻙ ﺣﺎﻳﻢ
* ﻭﻣﺎ ﺍﺳﺘﻔﺎﺩﻭﺍ
* ﻗﺎﻣﻮﺍ ﺧﺘﻮﺍ ﺷﻴﺒﻮﺏ ﻓﻲ ﺍﻟﻄﺎﺑﻖ ﺍﻟﺘﺎﻟﺖ ﻭﻗﻌﺪﻭﺍ ﻣﻊ ﺳﺖ ﺍﻟﺸﺎﻱ ﺟﻤﺐ ﺍﻟﻔﻨﺪﻕ
* ﺑﻘﺖ ﻋﻠﻴﻬﻢ ﺍﺗﻨﻴﻦ
* ﻫﺮﻭﺏ ﺷﻴﺒﻮﺏ ﻭﺣﺴﺎﺏ ﺍﻟﻔﻨﺪﻕ ﻭﻛﺒﺎﺑﻲ ﻣﻴﺮﻱ ﺳﺖ ﺍﻟﺸﺎﻱ ﻓﻲ ﺍﻟﺠﻨﻮﺏ
* ﺍﻟﺤﺒﻮﺏ ﻳﺎ ﻓﻄﻮﻣﻪ
* ﻣﺎﺗﻨﺴﻲ
* ﺍﻳﻬﺎ ﺍﻟﻨﺎﺱ
* ﺍﻥ ﺗﻨﺼﺮﻭﺍ ﺍﻟﻠﻪ ﻳﻨﺼﺮﻛﻢ
* ﺍﻫﺎ
* ﻧﺠﻲ ﻟﻲ ﺷﻤﺎﺭﺍﺕ ﻭﺍﻟﻲ ﺍﻟﺨﺮﺗﻮﻡ
* ﺍﻣﺲ ﺣﻠﻤﺎﻥ ﻳﺎ ﻭﻟﻴﻨﺎ
* ﺭﻓﻌﺘﻮﺍ ﺍﻟﻤﻌﺎﻧﺎﻩ ﻣﻦ ﻋﻠﻴﻨﺎ
* ﺭﻓﻌﺘﻮﻫﺎ ﻓﻮﻭﻭﻭﻭﻭﻕ ﻭﺗﺎﻧﻲ ﺭﻣﻴﺘﻮﻫﺎ ﻋﻠﻴﻨﺎ
* ﻭﻧﺤﻨﺎ ﺳﺎﻛﺘﻴﻦ ﻣﻦ ﺍﻟﻔﻴﻨﺎ
* ﺍﻟﻤﻬﻢ ﻟﻤﺎ ﺗﺎﻧﻲ ﺭﻣﻴﺘﻮﻫﺎ ﻋﻠﻴﻨﺎ
* ﺍﺣﺘﺠﺖ ﺍﻟﻤﻌﺎﻧﺎﻩ ﻳﺎ ﻭﺍﻟﻴﻨﺎ
* ﻣﺎ ﻧﺤﻨﺎ ﺍﻻﺣﺘﺠﻴﻨﺎ
ﺳﻠﻚ ﻛﻬﺮﺑﺎ
ﻧﻨﺴﺎﻙ ﻛﻴﻒ ﻭﺍﻟﻜﻠﺐ ﻏﻠﺒﻮ ﻳﻀﺮﺑﻬﺎ ﻛﻠﻮ ﻛﻠﻮ ,, ﺑﺮﻣﻴﻞ ﺑﻲ ﺗﻠﺘﻴﻦ ﻭﺟﺎﻟﻮﻥ ﺑﻲ ﻛﻢ ﻭﻋﺸﺮﻳﻦ ,,, ﻫﺰﻫﺰ ﺿﻨﺒﻮ ﻭﺷﻤﺸﻢ ﺍﻟﺤﺠﺮ ﻭﻗﺎﻡ ﺟﺎﺍﺍﺍﺭﻱ !!!!!!
ﻭﺍﻟﻲ ﻟﻘﺎﺀ
ﺳﻠﻚ