((())) مرحبا بسيدا في الهلال :
كنا ما بين مؤيد ومعارض حين انتقال سيدا الي المريخ
وكنا بين حزين وفرحان حين كان الفراق للاعب اثري الملاعب بفنه البديع
ومنا من هاجم سيدا ومنا من تعاطف معه
ومنا من ظل يهاجمه ومنا من تركه وحاله
وحين كان الانتقال حدث شرخ كبير في الجسد الهلالي
انقسم فيه الناس بمسميات لم نعهدها هيثماب وارباباب وبريراب
وقد تسبب هذا الانقسام الي تدني في مستوي الهلال وفقدانه للكثير من المنافسات
وعمت الاحزان والفرقه والاعتصامات كل الديار الهلاليه وبطريقه مخيفه
وقد كانت تلك الايام هي الاسوء في تاريخ الهلال
ولعل الكثيرون يذكرونها جيدا خاصه اولئك الذين ذرفوا الدموع السخينه امام مباني الاتحاد
وظلت احزانهم متواصلة وهم يرون لاعبهم التاريخي في نادي منافس
ومرت الايام السوداء وكان سيدا هو الآخر حزينا يتألم
بدرجة انه ظل جسديا مع المريخ واهلي شندي وقلبه وعقله معلق بالهلال
لم تعجبه الديار الحمراء بدولاراتها وجماهيرها
لم يعجبه طابق شاخور
ولم يعجبه باص المريخ القديم
ولم تعجبه الفانيله الحمراء
ولم تعجبه الفانيلة الصفراء
ولم تعجبه العرضه جنوب
ولا هوئها الملوث بالابخرة الحمراء والصفراء
لقد كان يتعذب كقيس بن الملوح الذي أحب ابنة عمه ليلى العامرية و التي حرموه الزواج منها فهام بها عشقا حتى فقد عقله
لقد تعب سيدا كثيرا والتزم مسيد الشيخ محمد خير
وكان كل ما مر بنادي ينشد كما انشد قيس :
أمرُّ على الديار ديارِ ليلى أقبِّلُ ذا الجدارَ وذا الجدارا
وما حبُّ الديارِ أهاج وجدي ولكنْ حبُّ من سكن الديارا
اليوم يعود قيس الي ليلي العامريه
يعود اليوم سيدا الي الهلال بعد طول اغتراب
يعود الي عشقه الابدي وقد كان غريبا في الديار الحمراء
يعود الي هلاله بعد ان كان في المريخ مخنوقا مقهورا
لقد لعب شهورا ثقيلة في المريخ وتركه وفضل البقاء في بيته
لم تستأثره تلك الطبول والمزامير الحمراء
ولم تعجبه المدائح المريخيه العقيمه
ولم تزغلل عينيه دولارات الوالي الخضراء
وكان صدره يضيق كثيرا في القلعة الحمراء
لم يحتمل النادي الاحمر فانتقل الي اهلي شندي
ولم تعجبه شندي ولا جناين شندي
ولم تعجبه اغاني حسين شندي ولا ود الباوقه
ولم يستسيغ اغنية ضرب السوط رغم انها اغنيه جميله
ضرب السوط بشح ان ما قدرو زح يا جناى
ماني دايره ولد يوح
ضرب السوط بشح ان ما قدرو زح يا جناي
مان دايره ولد يوح
ان كان جعلي حر ما بتخاف الضر يا جناي
ان كان جعلي حر ما بتخاف الضر يا جناي
ان كان لحظه خر على عدوك كر يا جناي ماني دايره ولد يوح
قوم أقيف صلب ما تخاف جلد يا جناي
قوم أقيف صلب ما تخاف جلد يا جناي
خونك الجلد يقول ابوي ولد يا جناي ماني دايره ولد يوح
صوتي ليك هرج زي سوط العنج يا جناي
صوتي ليك هرج زي سوط العنج ي اجناي
اثبت يا أب قرج العمرو ما انهرج يا جناي ماني دايره ولد يوح
حسي ليك هرج زي سوط العنج يا جناي
صوتي ليك هرج زي سوط العنج يا جناي
أثبت يا اب قرج العمرو ما انهرج
ماني دايره ولد يوح
ان كان صح جناي وصح ولد حشاي يا جناي
أمرق من وراي قول للجلدو جاي يا جناي ماني دايره ولد يوح
ظل يعاني في اهلي شندي وصبر كثيرا حتي عاد الي الهلال مدربا
عاد الي عشقه الابدي وعادت اليه الروح
وكيف لا وقد شهد علاء الدين انه كان مرتاحا في الهلال وتعلم الكثير في مدرسة الهلال
ولم لا فالهلال عالم جميل اذا فارقته تعود اليه مهما طال الزمن
عودة سيدا تنبأ ان الهلال مقدم علي حالة استقرار كل اهل الهلال في حوجة لها
كذلك يتشوق لعودة الارباب قطبا لتكتمل الفرحه
وبعودته سيكتمل الهلال بدرا
ولم لا فقد تشرق شمس يوم نجد فيه الارباب يعانق الكاردينال
وطه البشير يعانق الارباب
حينها سيكون الهلال قويا بابنائه واقطابه
نريد وحدة اهل الهلال
وحدة اهل الهلال هي قوة للهلال
مرحبا بسيدا في الهلال
والمريخ اثبت انه فريق طارد وليس بعالم جميل
لقد طوينا تلك الصفحة الحزينه والي الابد
وفرحتنا بيك كبيره يا سيدا
((())) القلعة الزرقاء تحرق اعصابهم :
عمل كبير يقوم به رئيس الهلال
سخروا منه حين بدأ العمل
وقالوا ان الشركة المنفذه هي شركة لمستلزمات الاطفال
وقال مزمل ابو القنابل :
نسأل فقط: هل يمكن بناء إستاد جديد، يسع ستين ألف متفرج، ويتمتع بمواصفات عالمية، ويضم قاعات لكبار الزوار، وفندق حديث، وصالة جيمانيزم وحوضاً للسباحة، وملاعب للرديف (ملاعب وليس ملعب)، ومسطحات خضراء ومواقف للسيارات وملاعب للمناشط، بأربعة ملايين دولار فقط؟
* لو كان بناء الملاعب الحديثة ذات المواصفات العالمية يكلف أربعة ملايين دولار فقط لأقدم القطريون على التعاقد مع شركة أبو الرخا الصينية لبناء مائة ملعب للمونديال، ليوفروا المليارات التي سينفقونها في تشييد ملاعب ضخمة (مثل الجوهرة الزرغاء) بالضبط!
ننتظر فتوى الحبيب كابو في الشركة السحرية!
* كابو قال الجوهرة الصينية زي التلفونات الصينية!
* صوتها عالي وأعطالها كثيرة.. وأسعارها أبو الرخا!!
* الجماعة ديل قول ليهو خلوا بالكم طويل معانا!
* زمان لما بدينا نبني في الرد كاسل تعبونا.. وكرهونا المظلة!!
* بضاعتكم ردت إليكم!
* نحن يا دوب ابتدينا اللعب!
* ولقينا لينا شركة ألعاب كمان!
* الحبيب سلك قال الوصيف تعاقد مع شركة غشاشات.. تصنع المشايات!
* وقال التقليد بدأ من مرحلة (الأساس)! * اسم رئيس النادي مكتوب في حجر الأساس غلط!
وبعد كل هذا الاستهزاء انصدم الثرثارون بالطابق الثالث وهو يعلو ويعلو ليعانق السماء
ولعل ما ينقص هذه القلعة العظيمه اعلام يبرز جماليات هذا العمل الذي يشهده السودان لاول مره
ولن تكفي كلماتنا الدنيا شكرا للكاردينال الذي يحمل هذه القلعة في حناياه
وياريت الاعلام الهلال يترك كل القضايا الرياضيه من تسجيلات واتحاد لقيمات وتزويرات وتلفيقات وسمكرات والتركيز علي هذه القلعة العظيمه وهي تقدم للعالم هلالا افريقيا رائعا
اتركوا ناس طابق شاخور المترهل
اتركوا ناس التزوير والسمكره
اتركوا ناس الكذب والزور
اتركوا المخادعين
اتركوا الحاقدين
اتركوا المتآمرين
تحدثوا كثيرا عن القلعة الزرقاء
تحدثوا عن الطابق الاول
تحدثوا عن الطابق الثاني
تحدثوا عن الطابق الثالث
تحدثوا عن الطابق الرابع
تحدثوا عن المهندسين الصينين
تحدثوا عن العمال السودانيين
تحدثوا عن السيخ والاسمنت
تحدثوا عن الكراكات والجرافات
تحدثوا عن القندرانات والكرينات
تحدثوا عن مستقبل الهلال المشرق
تحدثوا عن اللون الزرق في القلعه
شكرا كردنه عاشق الهلال
((())) الدخلاء هم من يغنون انا سوداني انا :
قال لي : لماذا لا يتغني الشعب الامريكي انا امريكي انا
ولماذا لا يتغني الشعب الصيني انا صيني انا
ولماذا لا يتغني الشعب البريطاني انا بريطاني انا
لماذا في السودان نتغني بأنا سوداني انا
قلت : لعله العشق الحقيقي او المصطنع لبعض الدخلاء
قال : وكأنهم غير واثقون بهويتهم السودانيه وهل ستقتلع منهم
قلت له : ربما فالذين يغنون هم الدخلاء فقط
اما اصحاب الارض الاصليين فغير مطلوب منهم اثبات وطنيتهم امام الاخرين
قال : لكن هؤلاء يحصلون بسهوله علي هويات سودانيه
قلت : حتي ولو حصلوا عليها فأنهم غير سودانيين وقد اتوا من بلدان اخري
قال : وهل سيعودون من حيث اتوا
قلت : اكيد ولم لا فالسودان للسودانيين
قال : اذن فمن هم اصحاب الارض الاصليون
قلت له : النوبه في شمال السودان وغربه والبجا في شرق السودان والزنوج في جنوب السودان وكلهم رطانه
قال : وما بال اهل وسط البلاد الذين يحكمونها
قلت : هم ضيوف مؤقتون وحتما سيعودون الي اوطانهم الاصليه
قال : ولكنهم يحكمون السودان منذ القدم
قلت : نعم انهم يحكمون السودان ولكن دون رضا اهلها الاصليون ومن يحكم امريكا الآن اليسوا دخلاء
قال : فعلا فلقد احتلوا وسط البلاد وتركوا اهل البلاد الاصليين في اطرافها مهمشين
قلت : بحوارك هذا سيقولون عنا اننا عنصريون وكلا والف كلا ولكنها الحقيقه المرة التي يجب ان يعرفها هؤلاء الدخلاء
((())) واليكم اشهر اقوال الإمام الشافعي رحمه الله :
يخاطبني السفيه بكل قبح .... فأكره أن أكون له مجيباً
يزيد سفاهة فأزيد حلمـاً .... كعودٍ زاده الإحراق طيباً
و قال أيضاً :
إذا نطق السفيه فلا تجبه .... فخير من إجابته السكوت
فإن كلمته فرجت عنـه .... وإن خليته كمداً يمـوت
وقال أيضاً :
إذا سبني نذلٌ تزايدت رفعةً .... وما العيب إلّا أن أكون مُساببه
ولو لم تكن نفسي عليّ عزيزةٌ .... لمكّنتها من كل نذل تحاربه
وقال ايضا :
يخاطبني السفيه بكل قبح .... فأكره أن أكون له مجيباً
يزيد سفاهة فأزيد حلماً .... كعود زاده الاحراق طيباً
محمد حسن شوربجي
كل يشجع لونو بدون عصبيه ،
هيثم ده ياهو هيثم ذاتو الكنت شايل سيفك عليهو واتهمتو بالخيانه .
هيثم لايحمل اي مؤهلات تدريب وحتي ولو كان مسي زمانو ما اي لاغب كوره بينفع يدرب .التدريب فكر وعلم قايم بي ذاتو.
واخير مبروك عليك الجوهره الله يتمو علي خير وعقبال البكاري .
ونتمني لي هيثم يكون سند للهلال لا محسوب عليه . والله يكضب الشينه .
والسودان اخي حق الكل ، سيبك من العنصريه ونوبيه وشرقيه وغربيه التف حول المصلحه فالحزبيه بغيضه اخي .
اخير اثبت بانك مجرد مشجع مهوس لا يفهم في اساسيات الكوره شي
وحقيقه انت ..تبع اللي تبعه
اجيب ليك مقالاتك عن هيثم .ما خليت ليه شي ...حقيقي فظيع ..منت قايلك هاوي ..طلعت محترف
فظيع ..حيرتني والله ..تبع اللي تبعه بجد تعرف انا بعد ده قررت اخليك ..والله ما تستاهل الوقت البنقضيه معاك هنا وهناك كتاب سودانين اصلين اولي باهتمامنا ..خلي الجراد يلحس الطواقي
لقد قلت في هيثم عقب توقيعه للمريخ ما لم يقله مالك في الخمر
الرجال مواقف يا شوربة ...
وجود هيثم ضمن الجهاز الفني مساعدا للمدرب أسوأ قرار يتخذه الكاردينال و وجوده يعني مشاكل لا تعد و لا تحصي تارة مع المدرب و مرات مع اللاعبين و ادارة الكرة ... أنسب مكان لهيثم هو بيته بعد أن أصبح غير قادر علي العطاء داخل الملعب ... الفهم قسم يا شوربه.
* وهل يتغنى المجريين بأنا سوداني أنا؟؟!!.
ما نناقشك يا ابو الطابق الاول والثانى والعاشر. فى موضوع هيثم لانوا أصلا من مصلحة الفرق السودانية كلها بسببوا اللعيبة القدام كلهم جاهزين للهروب من الهلال يعنى فى انسحاب جديد السنة الجديدة ما يهم ما أناقشك فى الرياضة لأنك ليس مؤهل فى مجال الرياضة. انت اختصاصك إساءة لآخرين وعنصري على اهل البلد الأصليين نصيحة ابعد من مقالاتك المسىء ما ممكن تكتب أربعة ساعات عشان تسى السودان والسودانيين وكلنا نوبيين وسودانيين ولكن نحترم اى جنس فى السودان لأنهم مواطنين وكلنا سواسية. أكرر. مليون مرة اسم شوربة فى السودان مافى
وأقوال الامام الشافعى بنطبق عليك انت.