* كورتنا طبيعى..تشبه عيشتنا
* والما لقى شبهو الله قبحو
* وبالرغم من إنو كورتنا لقت شبهها
* إلا أنها برضو ربك رب الخير قبحهها
* لأن شبهها قبيح جداً
* كفرنا لقى شبهو والله قبحو
* هذا الشبه وذاك الشكل وتلك الخِلقه
* أفقدت كورتنا شريحه هامه جداً من المشجعين
* أولاد الطاشرات وبدايات العشرينيات
* معظمهم إنتمى تشجيعياً لبرشلونه والريال والإنتر والبايرن
وشيلسى والمان وغيرهم
* الواحد منهم حافظ لاعبى تلك الأندية فرداً فرداً
* ويعرف عنهم كل التفاصيل
* سيستمو كيف ودقاهو متين
* والماركه شنو..ومجكس منو
* وإختلف معاها ليه
* عارفنها..وود هيثم مصطفى زول منهمعارف اسمو مافى
* اسى الله يسألكم فيكم زول عارف بله جابر متزوج ولا ما
متزوج؟
* قول بله عرفتوهوا
* موسى الزومه كيف؟
* ياخ انا ما عرفت مساوى عزابى إلا بعد سمعت بى عرسو
الأسبوع الفات
* المهم الشباب ديل متابعين الكوره العالميه ولاعبيها
* عارفين كل تفاصيل الأنديه ديك
* وبعضهم لا يعرف رئيس الهلال أبوكسكته إسمو منو
* والسبب إنو كورتنا شينه
* ولانستطيع ان نجبر إنساناً على عشق حاجه شينه
* ما تقول لى أخلاقها فاضله
* ممكن تكون اخلاقها فاضله وجميله
* الأخلاق الفاضلة لاتتعارض مع الجمال
* خاص صفحة الأحمر الوهاج
* المهم
* قارنوا تلك الشنه بتلك السماحه
* الديجيتلات ما بتقصر
* تجيب ليك الشمار وإنت فى سريرك
* وعشان كده سرقت تلك الأجهزة أولادنا من مدرجات إستاداتنا
* وقعدتهم أمام البلازمات مبوزين مبهورين
* الكريمات والمساحيق والفسخ والجلخ ما عادت تستطيع ان
تخدع الناس
* لذا مهما جملنا كورتنا بتلك المساحيق
* فإن لونها الحقيقى وكدوبها حايظهر عند مفاصل الأصابع وما
خفى أعظم
* وحينها لن تعجب إنساناً ولن تجذب شاباً جمال العالم بين يديه
* ضغطة على زر فى ريموت ولا حد يموت
* معقوله يتابع دورينا على أرضيه النقعهوالقناة الناقله النيلين
* مره الصورة تتكسر
* ومره الصوت يروح
* ومرات يجينا شعار القناه بدون مقدمات
* ومرات فى الشريط التحت نقرا خبر ليهو شهر..وفى طرف
الشاشه جمب الشريط الإعلانى يجيك رجل الخط جارى بى
ساقين قادات عربى
* عربى ساى
* قادات عربى ودين وجغرافيا
* أى شى شين فى كورتنا
* عشان كده القنوات سرقت أولادنا وودتهم لدوريات تستحق
المتابعه
* فقل الإنتماء الشبابى لأنديتنا وإنعدم الولاء
* بل وصار عندهم ذلك الإنتماء غباء
* أيها الناس
* الحته دى دايره وقفه
* عندنا الكثير من الفضائيات حقتنا
* مام هتمة إطلاقاً بالجيل الذى أتحدث عنه والأجيال التى تليه
* ولا تستهدف ذلك الجيل إطلاقاً
* فالتلفزيون القومى ليس إلا بوق للحكومه تخرج من خلاله
خطابها
* والنيل الأزرق مع إحترامنا لها تركز على الترفيه أكثر من
إستراتيجية إعادة بث الثقافه السودانيه من جديد فى سماوات
أجيال لم يسمعوا بعلى عبدالفضيل ولا بعرفوا أب كريق
وبضحكوا لما يسمعوا زول قال (ترلى)
* أجيال لات عرف التقاليد السودانيه وبعضها لم يسمع بتلك
التقاليد
* خاص صفحة الأحمر الوهاج
* أجيال لم يعيشوا زمن حرم تدخل وعلى الطلاق أضبح ليك
* أجيال لم تعرف ان هذا السودان كان من أظم وأجمل وأغنى
الشعوب العربيه والأفريقيه
* أجيال تعتقد أن هذا السودان ياهو زى ما شافوهوا
* المهم
* فى تجربه خاصه جداً
* بتى الصغيره بتحب تركب معاى فى العربيه بى شغلة وبدون
شغلة
* يوم ركبت معاى وقالت لى
* يا بابا غناك البايخ ده ما تشغلوا لينا
* خلى المسجل مقفول
* الغنا البايخ البتتكلم عنو البت هو شريط الراحل ابراهيم عوض
وفيهو (يا زمن)
* مع العلم بإنها حافظه أغانى نانسى عجرم ونجوى كرم
وشيرين
* متوفرين لديها على قنوات سرقت جيلها
* وقنواتنا تتحدث عن الخمسه سنين الفاتن والعشرة سنين الجايه
وهضربة الحكومه
* تلت الهضربة التى تهضرب بها أى حكومه فى العالم التالت
* المهم
* بعد فتره من كلامها داك
* غنت نانسى عجرم يا زمن
* يا زمن ابراهيم عوض
* إندهشت لما شفت إهتمام بتى بتلك الأغنيه
* ثم حفظها
* ثم ترديدها لتلك الأغنيه بطرب شديد
* أنا فرحت لأنو بتى إتعلمت كلمات رائعه مثل كلمة يازمن
* وسمعت لحن رائع كلحنها
* وإستمتعت بأداء جميل لنانسى ذكرنا بالذرى ابراهيم عوض
* أعنيه اتلاقت فيها قمم
* الدسوقى والحاوى والذرى
* الداير أقولوا
* الأجيال الجديدة دى خلونا نتعامل معاها بلغتها
* أدوها فرصه تستمتع بزمنا
* وأدوها حقها فى صياغة ماضينا على طريقتها..فالذى يرفض
يا زمن عند ابراهيم عوض
* ويعجب بها عند نانسى عجاج
* بالتأكيد لم يرفض ثقافتنا ولم يرفض سلمنا الخماسى
* فقط يعرفها ويعجب بها عندما يخاطبه بها من جيله أحد
* عشان كده
* خاص صفحة الأحمر الوهاج
* حقو ندى الفنانين الشباب فرصه أن يشدوا بذلك الإرث
* منها يصل الخطاب الثقافى والعرف القديم
* ومنها نضمن أن الأغنية الجديده ستخجل إذا لم تكن فى قامة
ذلك الإرث
* من ناحية كلمات وموضوع ولحن وإحترام مغنى لنفسه
* ونضمن أجيالنا الحديثه لسه مرتبطه بثقافتنا
* وعشان ننشر الكلام ده
* حقو نعمل على دخول قنواتنا لديارنا
* ولن يحصل ذلك إلا إذا راجعت تلك القنوات نفسها
* ووضعت الثقافة السودانيه والتربية ديدنا لها وهدفاً مشروعاً
تستهدف به شرائح هامه جداً من أجيالنا القادمه
* الولاء والإنتماء للوطن لن يأتى من فارغه
* ولكن بجى بنشر الثقافات وسط الناس ديل
* بإتاحة الفرصه لتلك الأجيال
* بتوصيل قاماتنا وقممنا البطوليه والقياديه والعلميه والتعليميه
* عشان يفخروا بأجدادهم
* ويسيروا على الدرب
* فكورتنا بتشبه عيشتنا
* وعيشتنا بتشبه قنواتنا
* وقنواتنا بتشبه عملتنا
* وعملتنا بتشبه روحها
* اللهم هل بلغت؟
* المهم
* الكرت ده إلا تبلو وتشرب مويتو
* أو تعملوهو قرقريبه تعوسوا بيهو
* بس الحطب غااااااااااالى
* أيها الناس
* ن تنصروا الله ينصركم
* أها
* نجى لى شمارات والى الخرتوم
* أكان شفت يا والينا
* زمان علمونا وقالوا لينا
* البخاف من الله ما بخاف من الناس يا والينا
* والبخاف من الناس ما بخاف من الله هكذا قالوا لينا
* لمن يا والينا
* الما بخاف الله خاف منو هكذا إتعلمنا يا والينا
* خاص صفحة الأحمر الوهاج
ﺳﻠﻚ ﻛﻬﺮﺑﺎﺀ
** ﻧﻨﺴﺎﻙ ﻛﻴﻒ ﻭﺍﻟﻜﻠﺐ مستغرب الناس دى بقت ما بتخاف
ليييييه؟؟!!
ﺳﻠللللللك
قال: علي عبد الفضيل
ياخي اختشي