• ×
الجمعة 29 مارس 2024 | 03-28-2024
بابكر سلك

ألوك للمريخ وغيرنا يلوك الصبر

بابكر سلك

 10  0  3353
بابكر سلك
* برنامج رضا بالقومى
* أنا رميت طوبتو من بدرى
* ماقاعد أحضروا
* بحب أستفيد من الزمن
* أمس واحد قال لى خالد عزالدين فى برنامج رضا الرمينا طوبتو
* قال أنو ما مع الإنسحاب ولا بحبو
*طبعاً كلام زى ده ما بعجب رضا من وجهة نظرى
* لكن كلام خالد عجبنى
* يعنى خالدونا كان حقانى لما قال الكلام ده
* وده دليل على ان الوعى فى الهلال يرفض التصرفات الهمجيه
* والعقل والمنطق يرفضان أيضاً الهمجيه والفوضى
* المهم
* برنامج رضا ما براهو الرميت طوبتو
* فى إذاعه كاملة أنا رامى طوبتها من زمان
* قدر ما نقول تكبر وتعقل
* تكبر وتخرف أكتر
* رامين طوبتا من بدرى
* فالحيادية نعمه وعظمه وقيمه
* وهذا لاينقص من الولاء والإنتماء
* بشرط ان يكون الولاء ظاهر وواضح ولايدعى مصاحبة الحياديه
* الشفوت كشفو المستور
* وتانى الإذاعه الأنا صاصدها دى
* إلا يسمعها سيدا
* المهم
* قطاع الشباب عندنا ماشى صاح
* ومفاجآت طارق مستمرة
* وضربة المعلم بتاعت تسجيل عباس
* يجب ان نثبتها بضربة المعلم القادمه
* المهم
*قالوا خالد بعد إعترف بإنو ضد الإنسحاب
* قال إنو فى طبخه
* قول فى طبخه يا خالدونا
* منو الإستفاد من الطبخه؟
* ومنو العمل الطبخه؟
* وهل معقول أحد الطباخين العملوا الطبخه
* بعد تنجض يقول الطبخه ملحها كتير؟
* الملح ده
* الكباهو منو؟
* وكت كباهو طباخ براهو
* معقوله يرجع يقول لينا ما بياكل الطبخه الشارك فيها وكب ملحها
* عشان ملحها كتير وهو عندو الضغط؟
* وكت عارف عندك الضغط
* كابى الملح مالك؟
* المهم
* مجلس التسيير
* برغم الفلس العايش فيهو
* برغم النقد الموجه ليهو
* ماشى كويس فى إعادة قيد أولادنا
* بل وكمان ماشى كويس فى التسجيلات الجديدة
* الصبر
* الصبر مفتاح الفرج
* والإلتفاف حول المجلس
* والتفانى من أجل المريخ
* فى الأفق مفاجأة
* إذا وفق مجلس التسيير ستضيف اليه الكثير
* أمسكوا الخشب
* أيها الناس
* لما بعض أولاد شبابنا مشوا مننا
* قلنا لى طارق المعتصم الجفلن خلهن
* فقرع طارق الواقفات وجاب كمان أحلى الثمرات من الجنينه
* وإتجننى
* أيها الناس
* فاتنا أن نهنئ الرائعه ميرفت بالحلقه خمسميه
* وعقبال تطفى خمسه آلاف شمعه يا أستاذه ميرفت
* أصلو الإبداع دوماً أحمر
* المهم
* ألوك مريخ كوستى بقى حقنا
* وغيرنا يلوك الصبر
* الظاهره ألوك كما يحلو للإخوة الأهله تسميته
* ظاهرة مدهشه
* والأهلة راجنو يوم الأربعاء يجى
* أربعا وعقاب شهر
* ألوك ابن أبيى
* السودانى الأصيل
* ماتقليد زى ناس جمعه جينارو
* من أبيى
* من أولاد قلبا هناك
* والأهلة كانوا جايبنو على هذا الأساس
* بكره بينسحبوا تانى
* بقولوا الوك ما وطنى
* قول شعبى يا كردنه
* برضو ما مشى بعيد
* ما وطنى بالما؟
* ألوك ولدنا وغيرنا يلوك الصبر
* أيها الناس
* 2870
* فعلوا الموضوع
* محتاجين الكاش شديد اليومين دى
* عشان تشوفوا البدع
* أيها الناس
* إن تنصروا الله ينصركم
* أها
* نجى لى شمارات والى الخرتوم
* أكان شفت يا والينا
* اليومين دى الباعوض مدور فينا
* قلنا نبيدو يا والينا
* حق المبيد ما متوفر لدينا
* والطلح غالى علينا
* واحد قال لينا
* الباعوض ده مربياهو الحكومة لينا
* ما تهبشوهوا
* باعوض بطرى قالو يا والينا
* العضه ما تعرفها ضربة شاكوش أم أجنه أم تخريم دربكين
* نشرب الشاى بيد يا والينا
* واليد التانيه تحكحك فينا
* نخت الشاى يا والينا
* نلقى الباعوض شربوا علينا
* نرجع للشاى يا والينا
* يرجع باعوض الحكومة يعضعض فينا
* ترم وقرم وخرم رجلينا
* ورم عينينا وإضنينا
* ووشوش بناتنا ديل صارفات عليهن كل اللينا
* شى فسخ وشى نايرات وشى دايرات ينورن لينا
* وماعارفات البينا ولا داريات بالعلينا
* ماينوم يا والينا
* شعار مرفوع لينا ولا علينا؟
سلك كهربا
** ننساك كيف والكلب شدة ما زعل مسك الباعوضه وقال ليها ننى ننى ننى
نننننننن وبعد داك طلع سنونو وعضاها؟؟!
سلك
امسح للحصول على الرابط
بواسطة : بابكر سلك
 10  0
التعليقات ( 10 )
الترتيب بـ
الأحدث
الأقدم
الملائم
  • #1
    Hajjam 11-29-2015 01:0
    منقووووول.....هدية لاخوان ابو الاحقاد....

    هذا سؤال برئ براءة الذئب من دم ابن يعقوب نوجهه للصحفي المريخي المناكف هيثم كابو ونقول له بانك ومن منبر اعلامي كبير قلت بان الفريق الهلالي سيحط رحاله بين اندية الدرجة الثانية وسيحرم من التنافس القاري في الموسم الجديد ومن حديث الكابتن كابو في تلك الليلة اتضح لنا بانه مالي يده من تلك القرارات ويبدو ان احد الضباط الكبار في لجنة الاسئينافات او قي الاتحاد العام قد اسر له بان عقوبة الفريق الهلالي ستكون بهذا الحجم ومن هنا اطلق كابو للسانه العنان وهو يتحدث في اللقاء التلفزيوني بكل صلف وغرور وتسلط وفي سخرية مقيتة لايحسده عليها احد وبما ان ايا من العقوبتين اللتين اشار اليهما المستر كابو لم تتحقق ايا منهما فهل يمتلك الكابتن كابو شجاعة الأعتذار لشعب الهلال ويعلن عن اسفه وندامته للتطاول وفرد العضلات ام انه سيكتفي بالخجل ومواوارة الانكسار الذي الحقته به الجمعية العمومية الطارئة والتي قطعت قول كل خطيب والغت حتى العقوبات الكيدية التي اعلنها قادة اتحاد الفشل معتصم واسامه ومجدي والجاكومي على الهلال ورئيسه حيث الفمتهم الجمعية حجرا كما القمت كابو ومن هم على سجيته ناس مزمل وابو شيبه والسلك العريان وبسبوسه وبقية الشلة المناوئة ولكابو نقول لاتتطاول على سيد البلد واسيادها واصدقك القول بانك لو جلست قرن كامل تسب الهلال وتنقص من قيمته فانك لن تحرك فيه ساكن وستبقى محاولاتك يائيسه وبلا معنى بل مثل البعوضه في اضان الفيل
  • #2
    خالد عبدالماجد العليابي 11-29-2015 11:0
    القالو خالد في برنامج عالم الرياضة مفروض كل صحفي رياضي يسجلو في شريط ويسمعو ويراجعو كل يوم .
  • #4
    لاجئ رياضي 11-29-2015 08:0
    كفرووتر / الخرطوم /
    حدثت ملاسنات داخل مكاتب الاتحاد العام لكرة القدم امس بين مندوبي المريخ والهلال بعد خطف الهلال لنجمي المريخ اباذر وباسل والذين سجلهما الهلال امس في كشوفات وحسب قوون فان الامر كاد ان يتطور للاشتباك لولا تدخل بعض العقلاء خاصة بعد مشاحنات بين جماهير القمة ويجدر ذكره ان الهلال قام بتسجيل اكثر من خمسة لاعبين من رديف المريخ خلال الموسم الحالي بسبب عدم قدرة المريخ على توفير المال للاعبيه ليتجهو نحو الهلال.
    ــــــــــــــــــــــــــــــــــــــــــــــــــــــــــــــــــــــ
    اها يا تنقو مين فينا لازم يلوك الصبر ؟؟؟
       الرد على زائر
    • 4 - 1
      Hajjam 11-29-2015 01:0
      السنة دي عجفاء علي تنقو ولو شبعوا بوش يكونوا محظوظين..........
    • 4 - 2
      وليد النوش 11-29-2015 12:0
      تلوك الصبر انت يا لاجئ لانو كلما تربى كتكوت يكبر ويفوت هههههههههههه
    • 4 - 3
      طارق 11-29-2015 10:0
      ماقلتو حواء الزعيم عقيمه وطبعا انت التلوك الصبر لدعه العقرب خلتك تسجل اباذر المقدره لكن ماعندكم
  • #5
    ابو مازن 11-29-2015 07:0
    والله كلام شفع بس يا عم تنقو متين تكبر وتكبر عقلك ابو صلعه الفارغ ده .
  • #6
    اسيياد 11-28-2015 08:0
    عمك تنقو شخابيتك دي خلتك تبقى صحفي كيف دا المحيرني ، خالد عز الدين رجل فكرة وحجة انتا ومرشدك ماقدرو، سمعت يا عمك تنقو
  • #7
    Hjjam 11-28-2015 07:0
    خسران الوك ياعم تنقو بذهابه الي حفرة الدخان مقبرة المواهب....حواء الهلال والدة وحواء وصيفنا عقيم ودايما عايشة علي التبني وكتاباتك تثبت ذلك.....
  • #8
    طارق 11-28-2015 04:0
    غيرنا لايكين الصبر 85 سنه لايكنو بالصفر الدولي عبر الاجيال ولايكنو محليا من الزعيم المابتذكروا انتصروا عليه وين ومتين ولايكنو من الرد كاسيل قلعه الشموخ في مواجهه الزريبه ولايكنو من مواسيرهم المستورده والمحليه و لايكن القرضه في رئيسهم كردادكير كمان جابت ليها الوك تاااااااااااااااااااااااااااااااااااااني
  • #9
    طارق 11-28-2015 04:0
    غيرنا لايكين الصبر 85 سنه لايكنو بالصفر الدولي عبر الاجيال ولايكنو محليا من الزعيم المابتذكروا انتصروا عليه وين ومتين ولايكنو من الرد كاسيل قلعه الشموخ في مواجهه الزريبه ولايكنو من مواسيرهم المستورده والمحليه و لايكن القرضه في رئيسهم كردادكير كمان جابت ليها الوك تاااااااااااااااااااااااااااااااااااااني
       الرد على زائر
    • 9 - 1
      Hajjam 11-29-2015 10:0
      ياناس كفر ووتر ليه تتجاهلوا ردودي علي الدلاقين؟. شكيتكم لله.
    • 9 - 2
      Hajjam 11-29-2015 10:0
      الحيلة قليلة والخشم بليلة ياأبطال المكاتب. تسعين سنة وصعود واحد لدوري الأربعة الكبار. ماشاء الله بسحروكم علي إنجازاتكم ياأبطال أندية العالم!!!
    • 9 - 3
      Hjjam 11-28-2015 07:0
      انتو تسعين سنة وصعود واحد لدوري الاربعة الكبار......ماشاء الله تبارك الله بسحروكم ياابطال العالم....ربنا يشفيكم من وهم الغسالين سلك وابوالاحقاد فقد برعوا في غسيل امخاخكم.....
  • #10
    Ali yas 11-28-2015 04:0
    شوف يا سلك شخابيتك دي ما فاضي أقراها بس لوك الصبر أفضل شي وهي من صفة الأنباء وغير كدة أنتم معاكم أكبر مهاجم وهو اسامة عطاالمنان والمدافع سمير فضل ، ألوك غير مهم وللعلم اللاعب غير سوداني من مواليد جوبا ويجب تحري الصدق قبل الورطة من أجل النصيحة .
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019