# افضل ليكم تطلبو بطاقة سمير فضل الدولية قبل اعياد رأس السنة ....
# سمير فضل اهم ليكم من بكري بشير ...
# انتو اسماء اللاعبين ديل بتجيبوهم من وين ...
# قبل السيستم يقفل يا همد افضل تحسمو موضوع سمير ...
# العملو ليكم سمير في الموسم دا بكري المدينة ما عملوا ...
# هو همد لو بعرف السيستم بجيب ليهو لاعب عقدو ما انتهى بقول داير يسجلو.....
# والله كل ما اتذكر همد ( قاطع ليهو نص ) ويكبر الدنيا دي بتمسخ لي ....
# لجنة تسير المريخ دي افضل منها (اللجان الشعبية) ...
# والله العملية العملها همد دي ناس (اللجان الشعبية) ما يعملوها
# غايتو المريخ دا فيهو حاجات بس الحمد لله دا طرفنا منها ...
# عدم الشغلة وحده جعل قناة قوون تنقل ( قيدومة) لاعب الهلال سيف مساوي على الهوا مباشر ....
# عاملين ليهم تيم كامل لنقل حنة ...
# بس اتخيل .....
# تشوف اسماء الناس تحلف تقول الناس ديل كأنوا ناقلين الكلاسيكو ....
# طبعا نحنا مساكين فاتحين التلفزيون ومنتظرين ..قلنا الناس ديل احتمال يستضيفو معتصم جعفر ولا مجدي شمس الدين للحديث حول الازمة
# مساكين كنا مفتكرين كدا ..
# كل ما يجي فاصل أعلاني قبل (الحنة ) اقصد الحوار .. بنقول .. الناس ديل ليهم حق لانو الضيف بكون دبلوماسي
# على حس دبلوماسي دي بالميت كدا حاضرين لينا زي ١٥ اعلان ...
# بتفتكرو اعلانات زي دي ساااااي ....
# بعد الاعلانات دي قلنا في اسوء الفروض الضيف بكون محمد سيد احمد.
# بعد انتظارنا دا كلو في النهاية طلعت حنة....
# لا معتصم ولا سمير ولا محمد سيد احمد طلعت (حنة عريس)
# بما انو قوون نجحت في نقل حنة مساوي اعتقد انها الاحق بنقل ( السماية ) على الهوا مباشر ...
# قناة قوون لتصوير المناسبات والقيدومات ....
# من حق القناة ان توثق للنجوم ولكن ان تنقل (حنة عريس ) اعتقد انها فشلت فشلا زريعا ... كان من الافضل ان توثق القناة ليلة الزفاف باعتبارها اخف قدرا .....
# في الوقت الذي كنا ننتظر فيه مناقشة قضية الموسم من قناة صلاح ادريس(مريخابي) تفأجنا بنقل كامل(لحنة مساوي)
# الفيكم اتعرفت ...
# طلعتو ناس قيدوومات ساي
# غايتو خجلنا ليكم يا الما بتعرفوا الخجل ....
# بكره عندنا (طهور) ود عمنا عجبين برنامجكم شنو يا شمس الدين ...
# تجوا ولا نجي .....
# ديل عيد ميلاد بغطي معاهم خلي (الطهور) ....
# غايتو وريتونا ....
# ضعف البرامج وافتقاد المذيعين والمذيعات بالقناة من شانه ان يجعل من قناة قوون (قناة مجاملات ومناسبات) ..
# بالله المذيعات عندهم زي (البدرة) يومي شكل جديد...
# عندهم مذيعة قدر ما اشوف وشها بتذكر نشرة الوفيات ...
# مذيعة عاملة زي جدول سبعة
# اخشى ان تعيد القناة يوميا حنة مساوي من باب عدم الشغلة ..
# ديل الاخبار بعيدوها...
# وو تعالوا شوفوا ....الكنت .. راجيهو طلع .......بتاع قيدومات ساي
# قبل الطبع : الحنة الجاية وين .....