زمان كان للمسلسلات العربية سطوة
زمن السلطة بالدكوة
ولوزان ما جاتها اي شكوي
الحلقة الاخيرة كانت الشوارع زي استاد الخرطوم امس
اخر مسلسل تابعته باهتمام كان مسلسل الضوء الشارد
بطولة مني زكي وممدوح عبد العليم وثلة من النجوم
البطلة كان اسمها زي حالة جمهور المريخ.. فرحة
مسلسل الضو الشارد اتذكرته امس والوصيف كالعادة شارد
و
من غيره تم المراد ونال المريخ الدوري
صاحبي قال لي الكورة انتهت كم
قلت ليه ما لعبت
قال لي ليه
قلت ليه الفريق التاني ما جاء
قال لي والحكام
قلت ليه جو
قال لي اذن الدماعة جو
من غير حكام ماقاعدين يلعبوا
وبرضو فهم
صاحبي وريتو صور الاستاد فاضي
قال لي دي خزانة الدماعة واللا شنو
مافيها كاس خارجي
صاحبي ده السخرية معاه من زمن التصاق الصفر بالهلال
قال لي انت صحيح مساوي عمل بلنت امس رغم انو ما جاء
قلت ليه والله مع الكاردينال ده كل شي جائز
غايتو الكاردينال ده مريخابي
ادانا بكري المدينة وكاسين
كاسين لم نستلم أحدهما حتي الان
لكن شهادة البحث عندنا
القسيمة معانا
نستلم علي راحتنا
علي اقل من مهلنا
ورانا ايه
انتهي الموسم طبيعي
اخر مباراة امس و تمت بصافرتين
بداية ونهاية
واستاد الخرطوم الجواه شامبيون
الغريب المباراة كانت يوم 22/11
مفروض يجو 22 جوا 11
طبيعي
كانت مباراة صامتة
من طرف واحد
لطرف واحد
اول مباراة مافيها بلنت للهلال والهلال طرفها
استغفر اللهفي دنقلا برضو زاغو
يا عبدو زوق
مسلسل الوصيف الشارد شيق جدا
وصيف جريهو نضيف
واحتفلت جماهير المريخ
اول مرة اشوف لي كاس خبر
زمان العزاء كان حار
راجي امس كان خرمان لدرجة قالوا جمال سالم خلاه يجيب فيه قون وهو لابس فنيلة الهلال
راجي زي الحاجة الرامياها الجبنة امس
وليهنا المريخ بموسم استثنائي
ثالث افريقيا وبطل الدوري والكاس
مافي احلي من كده
قالوا الدماعة حا يشتكوا
الحكم صفر في الدقيقة 14
الباقي دقيقة
سيحة ورضا الجمعة الجاية شغلتهم الدقيقة دي
و
مبروووك
المريخ بمن حضر
المريخ حضر
وندهو التانيين غياب
لانهم ارادوا قانون الغاب