*الجهات الامنيه عندنا تفخر بتأمين الموقف والمريخ يلعب ضد الهضاب الزيمبابوي. والخرطوم تطارد في فلول التمرد
*وتفخر باستتباب الامن والسودان يستضيف فاصلة مصر والجزائر في اجواء متوتره في البلدين وفي بلدنا المستضيفه للفاصله
*وتفخر باستتباب الامن في المهرجان القاطعو كردنه من راسو يوم الانسحاب بالتعاون مع الامل
*وتفخر بان الامن مستتب والاهله لم يذوقوا طعم الفوز علي المريخ منذ قدوم كردنه
*وتفخر باستتباب الامن عندما اعلنت الحكومه عن زيادة في سعر الوقود ورفع الدعم التدريجي
*وتفخر باستتباب الامن فخرا شديدا
*والبرلمان يصفق لقرارات رفع الدعم عن الجماهير
*الامن عندنا مستتب
*لاننا شعب منضبط لسنا بالدمويين
*وجهات امنيه بتلك القوة لا اعتقد ان امر تامين مباراه طرفها غائب صعبه عليها
*لا اعتقد
*لدرجة اني اشك في صدور القرار رغم انو اصبح واقع
*واعاد القرار لذاكرتي ايام السكر زاد
*الناس اتضجرت شديد
*لكن الامن كان مستتب
*ولما الموضوع ( قلقل ) الناس
*كل المسئولين في الدوله قالوا ماعارفين قرار زيادة سعر السكر صدر من منو
*ولا عارفين صدر لصالح منو
*ولاعارفين الاصدرو منو
*ولا عارفين صدر لي شنو
*لكن الامن كان مستتب وظل مستتب
*لذا تجدوني مستغرب عن الالغاء للمباراه
*بس نحمد الله ان الامر تأجيل وليس الغاء كما ورد في القرار
*ايها الناس
*عندنا كاس نشيلو ونفوت
*لسنا طرفا في القضيه طالما نقاطنا في جيبنا وكاسنا في دولابنا
*وكتير قلنا ياخد مجراهو
*لو اخد مجراهو ما كان في زول دفع التمن معاهو
*قول اسي بالقانون تم استثناء الهلال من العقوبات
*امل عطبره موقفو كيف ؟؟؟
*قول استثنينا امل عطبره
*نيل شندي دخلو شنو ؟؟؟
*قول استثنينا نيل شندي
*الضمان شنو نهضة ربك ما تجينا ناطه ؟؟؟
*قول استثنينا نهضة ربك
*الميرغني البخليهو يقبل بالهبوط شنو ؟؟؟
*قول استثنينا الميرغني
*امير بحري ذنبو شنو ؟؟؟
*قول استثنينا الامير البحراوي
*رابطة كوستي تنزل ليه ؟؟؟
*طيب مريخ نيالا الدخلو شنو ؟؟؟؟
*ايها الناس
*بدل الجوطه دي كلها
*كان ياخد مجراهو ويتكوك براهو
*المهم
*صاحبي هلالابي لذيذ جدا
*قلت ليهو عازمنك احتفال الممتاز
*قال لي تشيلوا كاسكم وتمشوا بدون احتفال
*قلت ليهو ليه بدون احتفال ليه ؟؟
*قال لي نحنا ما جايين
*قلت ليهو وانتو الفنان !!!!!
*ايها الناس
*حكمه قالها الشيخ فرح ود تكتوك
*اذا الصدق مانجاك الكذب ما بنجيك
*ياخد مجراهو بشفافيه متناهيه
*ومشكله مافي
*لكن بيني وبينكم
*يجب علي القانون ان ينص علي شروط واجبة التوافر لدي من يريد ان يقود ناديا رياضيا
*ضروري الحته دي
*المهم
*امر التسجيلات عندنا بدأ يشككنا في قدرة المجلس الماليه
*افصح يا ونسي
*فجماهير المريخ اعتادت علي ان هم التسجيلات ينزل منها في اليوم الاول للتسجيل
*ما اتعودنا علي جهجهة لسه وبعدين واحتمال دي
*انه الامتحان الاول يا سيدي رئيس المريخ
*المرحله حرجه
*ودايره ليها زول صنديد
*ونذكر ان لجنة تسيير الهلال
*في ظروف زي دي
*واصعب من دي
*حلت ديون بمليارات
*وسجلت لاعبين بمليارات اخري
*الحاصل شنو يا ونسي ؟؟؟
*كومك هناك ما كبير ولا شنو ؟؟؟؟؟
*ايها الناس
*الي الآن الحكاية ما بتخصنا
*ولا تمسنا
*عندنا كاس وحق بالتتويج بالكاس علي عاتق الاتحاد والشركه الراعيه
*نشيل كاسنا متوجين
*ونقفل دي بي طينه ودي بي عجينه
*عجينه دقيق فيني دبل زيرو
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*الشتا داخل علينا
*والعيش الخفيف ده ما بدفينا
*والقراصه دايره دقيق قمح او فينا
*العصيده لو بي فتريتا ما بتحوق لينا
*والقراصه دايره دمعة ضان او زقني او سمنة بهيمه سمينه
*اها يا والينا
*تأجلوا الشتا شويه ولا يا حكومة تدعمينا ؟؟؟؟
سلك كهربا
ننساك كيف والكلب نااااايم عافصو مالك ؟؟؟
والي لقاء
سلك