# هوي انتو .. (نعسانكم) دا نام قبل (الموسم )
انتو عطرون ما قدرتو ليهو تعسكرو في تلاتة دول كيف ..
# والله وما طالبني (خليفة ) في حاجات كدا الواحد لمن يتذكرها بموت من الضحك وفي رواية اخرى ممكن يتوفى
# وانا في راي الشخصي تيم المريخ دا يقلبوا فكرتو لبتاعين نكات ....
# المريخ بالنسبة لينا مصدر ضحكة ....
# لو ما المريخ دا بسمة حتكون مافي ...
# لا بسمة ولا تسابيح .....
# المهم .. ناس المريخ ديل بعملوا حاجات كدا بتحير وبضحك في نفس الوقت ...
# جابو ليهم زول حي وقالوا عايزين يدفنو. .
# تشخيص خأطي ....
# عملوا العملية ونسوا المقص جوه بطن المريض ....
# جابو حمدي الاتحاد وهو عقدو ما انتهي اصلا ....
# حاجات زي دي والله في النهضة ربك ما بتحصل .
# النهضة شنو دي في سكر عسلاية ما بتحصل ....
# العملية العملوها ناس المريخ دي في روابط ما بتحصل ...
# خجلنا ليكم والله ....
# المصيبة انو المكتب التنفيذي بتاع المريخ كلو في الاتحاد
# نظام بودي قاردات وكدا ...
# ناقصين الطباخ بس .....
# همت قاطع ليهو نص ويكبر تحلف تقول اللاعب وقع اربعة سنوات ....
# غايتو الهلال دا عظيم والله ...
# حاجات زي دي مشجع من الهلال ما بعملها ....
# حتي انت يا همد ....
# همد طلع زول تكبير ساي ...
# موهبتو كلها في (الشكة) .....
# انتو الاداريين ديل بتجيبوهم من وين ....
# غايتو المريخ دا فيهو حاجات بس الحمد لله دا طرفنا منها ...
# اجمل ما قرءت المريخ يقيم معسكره التحضيري في ثلاثة دول .....
# تل ... تل ... تل....
# انتو عطرون ما قدرتو ليهو تعسكرو في تلاتة دول كيف
# بلجنة تسيركم دي الا تعسكرو في ارض المعسكرات بسوبا...
# قال ليك لجنة تسير المريخ حق الاورنيك ما قادرين ليهو
# زول عندو قروش مافي ....
# همد طلع بتاع (شكة) ساي ومحي الدين داك منتج اخر من محمد سيد احمد .....
# البسمع تصريحاتك يفتكر القبة تحتها الكاردينال .....
# دا كسكتة ما عندو ....
# القبة الخضراء .....
# لكن اقول ليكم الكسكتة عاملة شغل تقيل .....
# المحترف قال ليك من يشوف الكسكتة ... بقول للكاردينال دايرين كم سنة... بنتفق علي التفاصيل المالية .....
# اعجابو بالكسكتة بخلي الجوانب المالية اخر اهتماماتو
# هسي يا همد انت شوف ليك كسكتة ..... احتمال تقنع عطرون .....
# وو .. بتكتل وتضحك بنفس (الشكة) .....
# قبل الطبع : النعسان ... ما يكون ناااااااام ......