• ×
الجمعة 29 مارس 2024 | 03-27-2024
عمر الطيب

ياهو (منتخبنا) ودا (اتحادنا) .. كريمة راس حربة .....!!!!!

عمر الطيب

 0  0  10281
عمر الطيب


حبيبي مفلس في زامبيا يا الديبة عشان كدا ......
عمر الطيب الامين
# كل ما حاولنا نرفع الاتحاد العام في نظرنا يسقط من النظر زي سقوط المنتخب....
# بعد كل سقطة بنقول عفاء الله عن ما سلف ...
# شئ مساوي قيت وشئ لقيمات وشئ وشئ ....
# يسقط مية درجة ويرفض الوقفة ....
# ديل الوقفة غالبهم .....
# الوقفة في تلتلة .......
# اتحاد كورة لكن مهمتو الاساسية اللقيمات ....
# اللقيمات اهم ليهم من المستندات .....
# كما توقعنا خسر المنتخب السوداني امام الاتحاد العام
# الاتحاد امس انتصر على السودان واحد صفر بامضاء معتصم جعفر ...
# هو المنتخب في الخرطوم محل الطيارة بتقوم والرئيس بنوم انضرب دايرنوا في كريمة يغلب ....
# اقول ليكم حاجة نتيجة المنتخب الزامبي دي خيبة امالنا امبارح ....
# حسب ناس الارصاد الجوي كنا متوقعين النتيجة ٧ وفي اسوا الفروض قلنا ٥ لكن نقول شنو سوء الطالع .......!
# ناس الارصاد ديل بالجد كذابين ....
# انا امس وعلى خلفية نتيجة المنتخب اتاكدت من الحاجة دي ....
# السحاب شايلة وريحة المطر قريبة وبعد دا المطرة ما جات على قدر طموحاتنا ....
# عليك الله بعد المهزلة الامس دي تاني عندكم نفس تتكلموا عن ازمة الموسم ....
# ياخي اخجلوا يا الما بتعرفوا الخجل .....
# قضية الموسم دي بعد فضحية كريمة دي مفروض تحولوها لوزارة الثقافة والاعلام .....
# دا ما اختصاصكم ....
# الفيكم اتعرفت .....
# في كريمة ولا بخيلة قلنا ليكم منتخبكم دا مغلوب ..
# منتخبكم دا لو لعبتوا بيهو في بيت محمد سيد احمد مغلوب ....
# البشوف كوتة المدربين يحلف يقول في الشاشة فوق مكتوب خمسة صفر للسودان
# مدربنكم ديل افضل منهم ملعب كريمة ...
# قلت لي يا الديبة الارضية سبب خسارة المنتخب....
# صاح ... زامبيا مافيها (حبيبي مفلس) عشان كدا الارضية ما اثرت على اداء المنتخب الزامبي ....
# متعودين معناها حسب كلام الديبة .....
# الديبة ظريف والله ....
# اقنعتنا يا كوتش والله ...
# معقولة قائمة المدربين اكتر من اللاعبين ......
# اقول ليكم حاجة افضل مازدا
# على الاقل مازدا كان بتغلب في الخرطوم .....
# بتغلب في الخرطوم وبره الخرطوم ....
# بس مازدا ما كان بحرجنا لمن نلعب خارج العاصمة ...
# بقدر الامكان بحاول يرفع راسنا ...
# هسي انتو شرطتو مصرانا قدام ناس كريمة .....
# تاني الواحد فينا كريمة دي لو بقت ليهو علاج ما بقدر يمشي ..
# هسي ما بتخجلوا في لاعب اسمو كوكو .....
# وو.. ما شاف حاجة لسه ...دي الهزائم الاولى .....
# قبل الطبع : قلوكوما يبارك الانتصار لصقور الجديان ....
# المطرة صابة وين .....
# قطع شك الوزير بكون مفتكر اللابس اخضر منتخب السودان
امسح للحصول على الرابط
بواسطة : عمر الطيب
 0  0
التعليقات ( 0 )
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019