# من المفارقات ان امير كمال الذي رفض ثلاث مليارات من عزو قبل اقل من عام الان وفي عهد الرجل الهلالابي اسامة ونسي وقع امير باقل من مليار
# اخشى ان يقيم المريخ معسكره الاعدادي بمدينة دنقلا
# بمناسبة التقشوف دا محترف مريخ كوستي ديكور طالب بانهاء خدماته بسبب الفول ...
# ديكور قال التلاتة وجبات في كوستي فول ...
# بما انو لو قعت في كوستي بتعتر ليك سمكة الا ان ادارة مريخ الفاشر اتلومت مع ديكور
# تلاتة وجبات فول دا اجبار على الرحيل ....
# دا فسخ عقد يا اخوي ....
# دي معناها بالعربي يا ديكور امشي ونص وخمسة .
# جاء في الاخبار الدفاع المدني يخمد حريق هائلا في مباني الاتحاد العام دون خسائر في الارواح والمستندات .....
# مستندات شنو .....
# هسي في ذمتكم ديل عندهم مستندات هم....
# اتحاد الكرة دا فيهو اي شئ الا المستندات والكورة ....
# ممكن تلقى خسائر في الارواح وممكن تلقى لقيمات وممكن تلقى رئيس الاتحاد بس الا المستندات والكورة ...
# هسي ادارتكم للكرة السودانية دي دايرة ليها مستندات .....
# اخجلوا يا الما بتعرفوا الخجل ....
# قرارات مجدي دي هسي دايرة ليها مستندات .....
# دي لقيمات كتيرة عليها ....
# باختصار الحصل امس في الاتحاد دا حق الهلال يا مجدي شمس الدين ....
# دا حق الهلال وحق الامل والميرغني لسه ما معروف ..
# حق الهلال حرق الاتحاد وانا اتوقع حق الامل يتسبب في رحيل الاتحاد العام ....
# اعملوا حسابكم من جوكر الامل
# هسي انا جبت سيرة ابو جريشة ....
# هوي يا هلالاب ماتلخبطوا الكيمان ساي ....
# حتى وقت قريب جدا كنت اظن ان الريح علي سواق البص بالنسبة لفريق المريخ ولكن علمت انه لاعب قائم بذاته ...
# غايتو لو علي جعفر والريح علي ديل الله كتب ليهم عمر جديد في المريخ الله اداكم يا ولاء الدين وابو عاقلة .......
# ممكن ولاء الدين يكون الهداف في مباراة القمة بس ..
# ٩٠ دقيقة قدام المريخ بتضمن لولاء الدين لقب الهداف .....
# وو .. الكنت قايلو فات .. شايفو واقف منتظر ....
# قبل الطبع : ابوالقنفد اغلى من تسجيلات المريخ .....
# نعسان وادوهو عطرون ياهو الموهبتو اتفجرت ....
# تل ... تل ... تل .....