# في الغالب البت البتركب في بص الوالي بباب الرجال بتكون بتسجر .
# عندي احساس انو البت العندها زيادة في الرجولة ممكن تسجر وتشرب شيشة ..
# وقطع شك الراجل البركب بباب (النسوان) بكون عندو مشكلة (عاطفية) ..
# اقسم بالله مش الهلال منسحب عاااااادي ممكن يفوز بالممتاز .
# مش الممتاز الفيهو ناس علي الريح دا ولا ممتاز تاني ..
# امبارح المريخ انضرب تلاتة حبات في المناقل .
# مازيمبي ظهر في المناقل امبارح .
# قال ليك مهاجم اهلي مدني شغال زي استاذ الجغرافيا
# خطط الميدان كلو .. وديل واقفين زي بتاعين المرور
# بشيل الكورة وبقول لعلى جعفر بوين السكة يا انت .
# على جعفر والريح علي ديل والله افك ليهم (شوال) مهاجمين ما يمسكو ولا واحد .
# الريح دا (بعكاز) ما يوقف مهاجم .
# شوال كامل يمر قدام علي جعفر والريح ديل يكؤنو قاعدين متل (الضب) ال في سيرة العروس ..
# غايتو السنة دي (البطيخ) بتشوفوا (عنب) ..
# هسي في ذمتكم ما بتخجلوا معاكم سمير ومعتصم جعفر وبودي قاردات وطباخ ومغلوبين تلاتة .
# مازيمبي ينقل عروضه القوية للمناقل . اللهم لا ساماتا بس.
# امبارح بي حليفتي لو ما طبلة الجنيد انا مفتكر الكورة دي اعادة لثلاثية ساماتا .
# لكن النعسان عندكم والله
# بمناسبة التسجيلات عندي سؤال
# هسي امبارح ممكن كان ولاء الدين يلعب امام المريخ ..
# داير اعرف يا معتصم جعفر ..؟
# في السودان الدوري شغال والتسجيلات شغالة و الكلام دا ما بحصل في العالم لكن مع اتحاد( اللقيمات) اكثر من ما تتوقع ..
# هسي ما بتخجلوا يا معتصم جعفر .
# بعد انتصار الاهلي مدني على المريخ بنقول للاتحاد العام وصلاح ادريس هارد لك .
# البشوف صلاح ادريس بتكلم ويشرح في الحلول لانهاء ازمة الموسم يحلف يقول الراجل مولانا جمال حسن سعيد .
# ياخي انت منسحب ..
# قصة صلاح ادريس دي ذكرتني بواحد في حلتنا
# الزول دا ما يشوف ليهو حاجة
# لو شاف ليهو سيرة بتمنى يكون (العريس) ولو شاف ليهو (توسان) بتمنى يكون هو (السواق)
# انسحاب ما عندك فيهو شجاعة ما تحدد مشاكلو يا الارباب البشوف كلامك يحلف يقول اهلي شندي في الدوري الايطالي
# بعدين انا داير اقول ليك حاجة يا صلاح ادريس انت زول مريخابي البدخلك في قضايا الهلال شنو ..
# دا شعر ما عندك ليهو رقبة ..
# بالامس تحدث صلاح عن الوسط الرياضي ووصفه بالعفن وهل نسى صلاح المجهودات الجبارة التي يبذلها ليلا ونهارا لمعاكسة الهلال الذي يدعي الانتماء اليه .
# على الارباب ان يتحدث عن هلال اخر خاصة وان الرجل عرف بدعمه الكبير لنادي المريخ
# حقيقة تجدني مندهش من رجل يدعي الانتماء لهلال الحركة الوطنية ولاكثر من خمس سنوات يوفر كافة امكانياته لتدمير الهلال
# اذا كان الارباب لديه مثقال ذرة من الاحساس لترك الهلال في حاله خاصة وان الرجل اصبح غير مرغوب في مجتمع الهلال
# وو .. اعذريني الحبسة دي بتبقى اخر حبسة لي .
# قبل الطبع : الغريب عن وطنو مهما طال غيابو .. ما بقدر يجي