*فاز علينا اهلي مدني فوزا كبيرا مستحقا
*ولو كانت الكرة منصفه لانتهت المباراه بخماسية لي ناس مدني
*مباراة صانع العابنا فيها مصعب عمر
*حانعمل فيها شنو ؟؟؟
*مباراه غياب علاء الدين يجبرنا علي اشراك الريحعلي فيها
*مانتغلب كيف ؟؟ظ
*مباراة تغيب ايمن سعيد منها يجعل عمر بخيت اساسيا ومشاركا في تسعين دقيقه
*مباراة اصابة عبدو جابر تجعلنا نعلب اكثر من ثلثيها بدون مهاجم
*الاعار عنكبه منو ؟؟؟
*مباراة كشفت الكتير
*كشفت الغرور الذي اصابنا
*وتكشف البدائل الاوهام الذين يقبعون بكشوفاتنا
*الكلام دخل الحوش يا ونسي
*وعشان ما يبقي ونسه
*كبر جيبك
*المريخ يحتاج لكميه من اللاعبين
*بدائلنا ديل الفيهم اتعرفت
*امسك شديد في بخيت
*والباقين اعمل شخيت
*واشطب من طرف
*سيلا بركه الكملت اعارتو
*اما مجدي الفنان
*فيلعب ببطء شديد وتقله وتمليس لاينتج عنه الا التراجع
*ايها الناس
*احباط لجماهير الجزيره ولي ناس المناقل علي وجه الخصوص
*لهم جميعا الاعتذار
*ياهو ده الحال
*البدائل اوهام
*عشان كده غلبنا سيد الاتيام
*ونحمد الله كثيرا لكردنه انه اخفي ولاء الدين
*الزول ده لو لعب امس
*كان ادونا عشره
*دائما كردنه يقدم لنا الخدمات
*المهم
*خانات الاحلال رااااقده بالكوم
*كبر الكوم يا ونسي
*والكاش بقلل النقاش
*ايها الناس
*ليه نخسر اي مباراة تتلعب نهاريه ؟؟؟
*حتي لو ما خسرناها نتعادل فيها
*واذا ما اتعادلنا فيها
*نؤدي اداء باهت
*راجعوا مباراة هلال الابي بالابيض
*ومباراة مريخ وهلال الفاشر بالفاشر
*ومباراة كادوقلي بكادوقلي
*ومباراة امس بالمناقل
*ومباراة عزام بدار السلام
*ومباراة كابواسكورب بانجولا
*مافي كورة نهاريه فزنا فيها مرتاحين الا مباراة الميرغني
*ويمكن جو كسلا الوكت داك وسوء الميرغني ساعدانا علي الانتصار العريض
*القصه دي عيب برنامج فني يا غرزه وعدم تمرين بالنهار ولا شنو ؟؟؟؟
*ايها الناس
*ياخذ مجراهو عشان اهلي مدني يغلب عادي
*عشان مريخ كوستي يتصدر
*عشان مريخ الفاشر يمثلنا افريقيا
*لازم ياخد مجراهو عشان بلنتيات النسور تتحسب
*ياخد مجراهو عشان نتطور
*المهم
*حتي الكبار ناس جابسون
*كانوا امس زي الواطه دي
*وامير تلاته مليار اقصد امير كمال كان لاحقهم
*الحاصل شنو يا ونسي ؟؟؟
*ايها الناس
*اهلي مدني استحق النصر
*قدم مباراة كبيره ورائعه
*بتكتيك رائع واصرار كبير
*استحق النصر
*واستحق اكتر من ذلك
*واذا كانت هناك جائزه لمدرب الموسم
*يستحقها حداثه لو قعد علي كورة امس دي بس
*ايها الناس
*العبرة فجرة حلاقيم مريخاب الجزيره
*واهل المناقل علي وجه الخصوص
*ويحتاج المريخ لمسح الصورة السيئه التي رسمها باستاد المناقل امس
*امس مافي عذر لي سوء ارضية الملعب
*الملعب زي الورد
*مافي كلام الا الحق
*اهلي مدني للنصر استحق
*وبدائلنا ديل بلحقونا ناس كردنه في دار الرياضه ام درمان
*القانون ياخد مجراهو
*وقلم الشطب ياخد مجراهو
*معقوله فريق مهاجمين في كشفو مافي ؟؟؟
*منو الاعار عنكبه
*وماذا استفاد المريخ من تلك الاعاره
*ومن المستفيد من اعارة عنكبه ؟؟؟
*اسي لو في امس برطعه ساي ماكان قلل من ضغط ناس مدني علينا ؟؟؟
*ونسي
*النضافه مافي في الكشف بس
*في المكتب التنفيذي
*في بعض القطاعات لبعض الشخصيات
*القصه دايره قعده
*ايها الناس
*منو الفوت احمد نصر الدين من كشوفاتنا السنه الفاتت ؟؟؟
*وليه فوتو ؟؟؟
*كدي كان راجل اليجي راجع يعرضوا علينا
*عملها واضحه جدا الزول ده
*بكلمك بيهو يا ونسي
*المهم
*خلونا مع المنتخب
*نقدم للوطن
*نسد بعض الثغرات
*مادايرين نكون غايبين عن النهائيات يا ناس
*شكرا اهلي مدني الكشفت لينا حاجات كتيره
*برغم انو عندنا شكوي مضمونه
*لكن ما محتاجين ليها
*مادايرين نشغل لجنة الاستئنافات العليا
*قرارها صدر بالقانون
*ويسري علي الجميع بالقانون
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*حتي المكنات البربطوها لينا
*مابغيروها يا ولينا
*او قنفت شنو يا والينا
*وجقور شنو البياكلوا كبرينا
*وليه نوع الاشاعات دي بفكوها فينا ؟؟؟
سلك كهربا
ننساك كيف والكلب بضك من سذاجتنا لمن يتقلب في الواطه
والي لقاء
سلك
ياحليل البكبر جيبو راح وخلانى فى حسرة
وغارزيتو نفسه فقد مشورة محسن سيد فصار يجلط على كيفو ظانا انه مدرب زمانه
وما خفى أعظم!
لكن الخسارة بشرف أفضل من الفوز بركلات الجزاء من التحكيم كما يفعل الوصيف
هذا هو حصاد التطبيل والضلال ياسلوكة.
لأن خفافيش الظلام ما بتظهر إلا في الليل
واللصوص بالنهار ما عندهم حيل.
ادمنتو الحرام..بديتو بى مال الشعب السودانى..ما شبعكم..لميتو فى نقاط الحرام..بدون خجلة..
والله صحيح مﻻمح البطل فيكم..اقصد الباء طالعة..
وصحيح فى ريحة مطار..اقصد ريحة فطيس..
في أسوأ من كلمة عواليق دي
وبرضوا قال شروط التعليق ....أتحداكم ياوضيعين تنزلو التعليق