• ×
الخميس 28 مارس 2024 | 03-27-2024
عمر الطيب

٥٠٠ مليون كاش .. وابو القنفد متاخرات.. ولا تتردد يا امير كمال !!!!!

عمر الطيب

 0  0  11471
عمر الطيب
في ناس في الدنيا دي متطلعين جدا .
# انا مرات بشوف الناس ديل في عمارة ونحنا في الارض
# الواحد تلقاهو حق المسكول ما عندو ويقنعك انو هو شريحتو خط .
# والنوع دا دائما بتلقى كضبتو ما بتشبه حجم طموحاتو .
# طموحو صغير وكضبتو كبيرة
# زول من شدة ما بحب البوبار ممكن يقنعك طة سليمان ود خالتو .
# ياخي عندنا جارنا في الحلة قبل كدا اقنعنا انو الولد الصنع الساعة ولد خالت
# طبعا انتو عارفين الصنع الساعة منو الضيع الزمن منو
# انا ما بفسر وانت ما تقصر
# المهم ناس المريخ هسي رئيس نادي ما عندعم وجايبن ليهم مدرب بلغاري للشباب ..
# انتو لو اصلا جايبن مدرب جيبوا للكبار .
# مش ياهو رئيسنا الشدة دا # الرئيس ورئيسنا عادي ممكن نشيلوا منكم زي الما حصل شئ ..
# ونسي زول هلالابي وحاليا هو في مهمة وطنية ما اكتر من كدا
# نتمنى لونسي التوفيق في مهمته الوطنية وهو يمثل الهلال .
# ما بتخجلوا يا الما بتعرفوا الخجل رئيس ناديكم هلالابي ..
# داير تعرف عظمة الهلال شوف فريق الهلال (ب) اقصد المريخ . لو لا الهلال لما كان هناك فريق اسمو المريخ ..
# اللاعبين اولادنا .. ومدرب الفريق ولدنا .. ومساعد المدرب ولدنا .. ورئيس النادي ولدنا .. #عظمة يا هلال والله .
# فلس تسير المريخ ظهر في تسجيلاتهم .
# في ذمتكم دي تسجيلات ناس عندهم قروش .
# من اسماء اللاعبين انا عرفت تسجيلات المريخ فشنك .
# لو منتظرين من نعسان وعطرون بطولة الترابة في خشمكم
# قال ليك ناس لجنة التسير قالوا ليهم اسبوع بعقدو في اجتماعات
# اجتماعاتهم اكتر من قروشهم
# الاجتماعات دي كلها قال ليك بقنعوا في امير كمال عشان يجدد
# ياخي ما تقدر ظروفنا .. وما تشمت فينا الهلالاب زولكم وقف الف احمر قروشي بس
# في واحد من الناس الما عارفة المطرة صابة وين ( اقصد) من لجنة التسير قال ليهم طيب انا عندي ليكم اقتراح .
# اتفضل يا حلال المشاكل طيب .
# قال ليهم انا عندي حل برضي الطرفين ..
# قول يا جلكوما طيب .
# قال ليهم انا بقترح يتم تسليم اللاعب نص مليار كاش على ان يتم تمليكه ابوالقنفد ونص عبارة عن متاخرات
# التسجيلات يا كدا يا بلاش
# تسجيلات ابوالقنفد .
# اخر البليلة حصحاص يا امير
# عقدك دا ما ينتهى الا بعد رحيل الوالي
# طلعت مواطن ساي .
# زيك وزي محمد شمس الفلاح
# الشقي في ..الظلط بلقى. دقداق .
# وو .. قالوا علي شقي ومفلس
# قبل الطبع : امير الجفل خلوهو اقرعو غارزيتو .

امسح للحصول على الرابط
بواسطة : عمر الطيب
 0  0
التعليقات ( 0 )
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019