*المقوله الشهيره
*دناقله يا رسول الله
*القالوا فيها انو الدناقله محبين الرسول الكريم
*في الروضه الشريفه
*شافوا الناس بدوا الرسول الكريم السلام
*ولما جا دورهم
*وبعد القوا التحيه
*سمعوا الحارس يسأل
*مين هناك
*قالوا ليهو دناقله يا رسول الله
*ولكن الرأي عندي
*انهم عرفوا انفسهم بالعباره الشهيره
*دناقله يا رسول الله
*تقربا للرسول الكريم وحبا فيه
*وكلنا دناقله يا رسول الله
*لنا الفخر بها وبالانتماء لها
*يا ربي امل دنقل مننا ؟؟؟؟
*المهم
*الجماعه كالعادة زايغين
*زي ما زاغوا من الدمازين
*الليله زايغين
*الروب الروب قايلين
*وما خجلانين
*المهم
*ماشين دنقلا الحبيبه نشيل كاسنا ونجي
*ومريخاب دنقلا يغطوا عين الشمس
*كيف لا يكونوا مريخاب وهم ملوك النيل من زمنا بدري
*اول مسجد بالسودان كان في دنقلا
*بوابة السلام والاسلام والاحترام
*دنقلا مدينه جميله وعريقه بي نيلها ونخيلها وناسها العزاز
*اليوم موعوده بعرس الختام
*موعوده بتشريف الزعيم لارضها
*ويتشرف الزعيم بحمل الكاس من دنقلا
*ومن غيرنا جاب كاس من جوبا
*وكاس من الدمازين
*وكاس من دبي
*وكاس من الشارقه
*وكاس من دار السلام
*وكاس من نيجيريا
*وكاس من كيجالي
*تاني نخت الاطلس
*ونشوف المدن
*المدينه الماجبنا منها كاس
*نعمل فيها نهائي ونمشي نجيب كاسنا ونعود
*المهم
*الجوديه لن تصل لشئ
*والجماعه الزايغين القالوا ما دايرين ما دايرن بي طريقتهم
*والبباري الكاردينال بوديهو الاولي
*ارجوعوا ورا شدييييييد
*وتعالوا جارين شديييييييييييييد
*يمكن تقدروا تنطوا صفركم الدولي المعتر ليكم تمنين سنه ده
*المهم
*الزول ممكن يقول الحق كل الحق ولا شئ غير الحق
*ده الزول الواثق من نفسو ومن شهادتو
*ومقتنع بانو الشهاده لله
*وانو ربنا الزمنا بها ولو علي انفسنا
*وفي ناس بقولوا الحق
*لكن ما كل الحق
*قد يسقط منهم باقي الحق سهوا
*وقد يسقطونه عمدا
*والله يعلم مابالصدور
*عشان كده زوغه من رب العباد مافي
*نشكر لرئيس اتحاد القضارف انو قال الحق كل الحق ولا شئ غير الحق
*واتحققي
*اتحققي قبل ما تفتحي موضوع
*ماتختفوا الكلام من نصو وتجوا جاريين بيهو
*ايها الناس
*هي سفريه
*يا للفاشر يا للاولي
*كل راكب يختار وجهتو
*والعفش داخل البص علي مسئولية صاحبه
*ايها الناس
*علي اولاد المريخ ان يمتعوا دنقلا ونخيلها
*فالدناقله يعشقون الكرة
*ويهتمون بفنونها
*ويشجعون اللعبه الحلوه
*عشان كده نكرمهم بعرض يحير العالم
*يستاهلوا
*المهم
*الحبيب الصادق ود ام در
*رزق ببنوته حلوه
*ونحنا في الدايات
*لاحظنا انو ابهات المواليد كلهم مريخاب
*وده جيل مريخي جديد شرف
*بالذات لما يكبروا شويه ويلقوا الهلال في دار الرياضه ام درمان
*مكتوب في السبوره
*الهلال ضد الحريه
*بدركوا النعمه الهم فيها بسبب مريخيتهم
*شكرا كردنه
*ايها الناس
*استقبال المريخ في طريقه لدنقلا يثبت مريخية اهل الشمال
*استقبال من امو
*استقبال فيهو عظمة الانتماء
*لفريق لايعرف الخرخره والانسحاب
*فكان الناس في مقاصر وكرمة البلد وكودي ورومي البكري وناس الترعه وناس ام عقال
*استقبال ضم ناس كورتي وناس ارتي وهمبكول وناس اشكان
اما ناس السكوت
*فكانوا حضورا ناس دويشات وناس صرصر وناس عبري
*وغيرهم كثر
*كل الحضاره النوبيه خرجت في استقبال المريخ
*مافضل الا بعانخي وتهراقا
*لكن اولادهم كانوا حضورا مميزا ومشرفا
*عرب نحن حملناها ونوبه
*انه المجد
*المجد الذي حققناهو ولم نشتريهو
*فالمجد يتحقق ولا يشتري
*انه الكأس الاول في عهد ونسي
*قول واحد يا ونسي
*المهم
*امس ليفربول ضرب اللون
*انسحبوا يا ناس شيلسي
*ولبسوا ابراهيموفيتش الكسكته
*ويا ملكتنا تعالي لمي عيالك
*ناس الاتحاد الانجليزي ديل ما بتفاهموا
*بتكلموا انجليزي يا مرسي
*وقالوا الملكه شلساويه
*من ناس شلسي المدينه
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*النسوان ديل عالملاتنها فينا
*المستشفيات كلها نسوان يا والينا
*يسمعن بي دكتور في الواغ الواغ يقولن ودينا
*يسمعن بي دكتور جا من بلغاريا يساهرن بينا
*راجل راقد مستشفي مافينا
*والغريبه يا والينا
*الموت كلو رجال وحولينا
*مافي واحده دفناها ورجعنا عليها بكينا
*وهن زاتهن يا والينا
*يشوفن خيمة عرس
*عرس مني يقولن لينا !!!
*يشوفن صيوان بكا
*المات منو يقولنها لينا
*عارفين روحن بودننا وما بنوديهم يا والينا
سلك كهربا
ننساك كيف والكلب كلو ما يشوف جنازه يقول ليها الوداك تعرس شنو !!!!!
والي لقاء
سلك