• ×
الأربعاء 3 مارس 2021 | 03-02-2021
هيثم صديق

كريستوفر كوفي وكريستوفر كلومبس

هيثم صديق

 0  0  11088
هيثم صديق

ان كان كولومبس قد اكتشف الارض الجديدة فان كوفي قد اكتشف طرقا جديدة في المحاورة واحراز الاهداف
الغاني الضئيل ابدي ثقلا فنيا جليا وهو يتوهج مع الاحمر الوهاج
*قيامجلود
قلنا ليكم لغة الاضحية هي السائدة هذه الايام
خصوصا ان المريخ سيواصل الضبائح حتي العاشرة من ليل السبت القادم
فلقد وصل الخروف الكنغولي منذ الامس..اتربط لكي يفرح به العيال بس ما يبقي لينا زي الخروف الطول مع ناس البيت حتي صار يخرج مع الاطفال لي الشارع ويترسل معاهم الدكان فلما اقترب العيد وجدوه يبكي..ظنوه خائف من الذبح او متجرس من الفراق حتي قال لهم(الناس كلهم جابوا ليهم ضحية الا نحن)
*امس الاول قدم المريخ والخرطوم الوطني مباراة كبيرة جدا استمتع بها كل عشاق الكرة واوضحت بجلا ان الخرطوم الوطني في طريقه لمزاحمة المريخ علي الريادة والصدارة في الدوري والكاس
لم تخلو المباراة من اخطا تحكيميمة معتادة ضد المريخ خصوصا فلقد تمت عرقلة ديديه مرتين ولم يجد الحكم مهربا من احتساب ركلة في الزمن بدل الضائع..هجوم المريخ مرعب بلا شك واحتساب الركلات له دليلا علي ارعابه
*امس الاول اطمأننا علي جمال سالم لما عاد الي مستواه السابق وردة فعله المدهشة وانقذ المريخ من هدفين محققين جمال سالم هو خط الدفاع الاول للزعيم ولعل مستواه المدهش هو ما اغري غيره بالبحث عن حارس اجنبي واللا شنو؟
لا ادري سبب اعتقاد البعض بان العيد سيؤثر في مستوي الدخل لمباراة مازيمبي..لقد لعبت مباريات كثيرة يوم الوقفة حتي ولم نلمس تخلف..معظم الناس سكنت الخرطوم والذين يخرجون الي الولايات لا يمثبون ربع القاعدين لذلك اتوقع ان يكون الدخل كالمعتاد وان يكون العدد في محله قياسيا كما يليقبالقياسي ..فالمريخ قياسي وقاسي..وقسوته ستبين ثالث عيد الاضحي بحول الله لما يصبح كد(يابا) كد(يقبل) وسيكد الدومة في لوية يده
*حليلو الشايل هموم الناس
وهمو العندو غالبو يشيلو
لا راضي بالحرمان
ولا راضي الحنان يمشيلو
وده حال ناس بطولتي راحت
يخوفون المريخ بمازيمبي ويغفلون عن اتحاد الجزائر
الفريق الشفناه قدام شندي ده ما بمشي الجزائر
البلايلي اخطر من عماري..البلايلي يشبه الازهر الحاج عيسي ..في ناس بيقولوا اخوان اخوان مسلمين
علي كل حال تمني غارزتو مازيمبي ويرتعش الكوكي من الاتحاد وهنا يكمن الفرق
*تجلجل الاتحاد العام من قرارات لجنة الاستئنافات وتجلجل غيره لان الحق قد عاد لاصحابه.. المريخ عاد متصدرا للدوري بالقانون وعلي المتضرر هزيمته في الملعب
*اخطر مافي مازيمبي هو اطرافهعلي غارزيتو ان يؤمن هذه الجزئية..بمعني..لا تجازف لنا بعلي جعفر وان تالق
* عاد ديديه الي مستواه المعتاد فاعطي جماهير المريخ الاسعاد..باصه لكوفي يوم السبت امام الخرطوم حل ازمة المواصلات زاتو
* قالوا ان دفاع مازيمبي هذه الايام يدربونه علي اللحاق بموتر اتوقع ان يصبح بكري المدينة هدافا عشية السبت القادم
*يا احباب خليكم قراب علشان ننتف الغراب
*وسيكون هتافا تحميدا وتكبيرا وتهليلا
امسح للحصول على الرابط
بواسطة : هيثم صديق
 0  0
التعليقات ( 0 )
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019