* انهم ينتظرون تعثر الهلال .. من اجل اقامة الافراح والليالي الملاح .. والبهجة والرقص على انقاض الهلال .. والشماتة على هزائمه..
* ظلوا يطلقون الشائعات ويروجون لها بأن عهد المجلس الى زوال .. وان الخلافات والانشقاقات في المجلس وصلت لحد الاشتباك بين الاعضاء..
* وإن الكاردينال خلاص في البايباي .. وانه لم يستطيع التحكم في اعضاء مجلسه..
* بعد ان ظل الكاردينال يدفع لوحده خلال الفترة الماضية .. وكثر عليه الصرف لذلك فانه سيهرب فاراً من جحيم الدفع ..
*‬ وكلما يطلقون اشاعة يكون الرد عليها عمليا محبطا ومؤلماً لهم.
‫*‬ فقد ظلوا يراهنون على جواد خاسر..
‫*‬ قالوا ان الهلال سيخسر في الممتاز فكانت الانتصارات..
‫* وقالوا انه سيخرج بهزائم متلتلة من دوري الابطال فكان الصعود لنصف النهائي
* راهنت على القيام بثورة جماهيرية ضد المجلس فوقفت الجماهير مع المجلس واعلنت مساندتها له..
‫*‬ على الرغم من وجود بعض مدفوعي الاجر .. وفئة مندسة وسط جماهير الهلال الوفية..
‫* راهنت على استقالة بعض اعضاء المجلس فلم يجدي نفعاً..
‫*‬ راهنت على بعض الاعلاميين فكان الفشل ملازماً لها..
‫*‬ خدعت الموالين لها بانهم الاقرب للسلطة فخاب ظنهم..
‫* حاولوا احداث فتنة وسط الاعبين فلم يستطيعوا..
‫*‬ حاولوا تحريض بعض اعضاء المجلس لتقديم استقالاتهم فكان تماسكهم..
‫*‬ هاجموا بعض اللاعبين فكان التفاف الجماهير حولهم..
‫* هاجموا رئيس الهلال فكبر في نظر المحبين والعاشقين للهلال..
‫* قالوا انه لن يستطيع ان يدفع بعد الآن فكان الدفع الملياري والحوافز باليورو والدولار..
‫* فالمعارضون للهلال اشبه بدفاع المريخ الذي يلعب به على جعفر والريح على وامير كمال وعلاء الدين يوسف..‬
* ومباراة الامس كشفت المستخبئ في هذا الدفاع .. وكيف تلاعب لاعبو الخرطوم الوطني
* لولا مجاملة الحكم لهم لحسمت المباراة من دقائقها الاولى..‬
* وعلي جعفر بالامس كان حكاية ورواية .. زي قناة الخضراء التي نقلت المباراة مولع اخضر..‬
* ومكتوب على الفانلة يسمح للمهاجمين بالمرور..‬
* ولو لعب المريخ بنفس طريقة الامس مافي داعي تسافروا الكنغو‬
* وينطبق عليكم الكلام المتداول في المواقع الاسفيرية يوم الخميس خرفان .. والجمعة والسبت الغربان اكلت الحمام..‬
* مندوب مازيمبي الشاف مباراة المريخ والخرطوم الوطني امس ‬
ظل طيلة الشوط الاول ما عارف الحاصل شنو وما قادر يفرق وينو المريخ ووينو الخرطوم..‬
* الا لمن شاف غارزيتو بتكلم مع ايمن سعيد..‬
* واحد قاعد جنب مندوب مازيمبي قال شافوا بعينو البياكلا الدود .. كتب مبروك التأهل لمازيمبي من الخرطوم..‬
* وانحنا والله عاوزين المريخ ينستر مع مازيمبي ويغلبوا زي ما غلبناهو..‬
* عشان يصعدوا معانا لنهائي الكأس..‬
* نحن برضوا عندنا وطنية..‬
* وكما كتبت شاعرة الهلال سوهندا عبد الوهاب ..‬
ما بدرنا بالشين وانتو سويتوه..‬
كان خصم الهلال ومشيتو جبتوه‬
بلهفة وحفاوة بسرعة قابلتوه‬
من جنب المطار لاستادنا سيرتوه‬
ما بنمشي المطار .. نستقبل الغربان‬
ولا بندق الطبول ونزعج امدرمان‬
نحن وطنا في العينين تملي مصان‬
ونحن اسياد بلد يفخر بنا السودان‬
*هذا جزء من قصيدة طويلة لشاعرة متبتلة في محراب الهلال وعاشقة له .. وكتاباتها تجد القبول من كافة الاهلة الذين باتوا يدمنون كتاباتها الرائعة..‬
* اها نرجع لموضوعنا طبعا المعارضين والحاقدين على مجلس الهلال عاوزين يشمتوا في الهلال..‬
* وعندما شاهدوا كانوتيه في دفاع الهلال فرحوا شديد .. وقالوا خلاص الجماعة انضربوا .. ولكن كوناتيه وراهم ليك منو الطفا النور .. لعب بمسئولية رائعة .. واستطاع حبس انفاس لاعبي الاهلي شندي خاصة العم كلتشي ..‬
* فالمعارضة لمجلس الهلال لن يهدأ لها بال الا وهم يشاهدون الهلال منهزما منكسرا مشتتا .. واهله متفرقون سيعملون بكل قوة من اجل تحقيق هذا الحلم .. وسيعملون لاحداث فتنة داخل المجلس وبين اللاعبين ووسط الجماهير..‬
* لكن هل سيقدرون على ذلك !! ‬
*لا نعتقد .. لأن الهلال الآن كل اهله علي قلب رجل واحد..‬
* ولا زلت اقول واصر ان المواقع الاسفيرية ومنتديات الهلال هي الحامي الشرعي للهلال وجماهيره وهي التي تتحدث بنبض هذه الجماهير..‬
* با حاديث مليئة بالتفاؤل وفيها قوة الرأي السديد والشجاعة وعدم المهادنة من اجل الهلال..‬
* كل قلوبهم تنبض بحب الهلال وعشقه يدافعون عنه ويفندون الاكاذيب * يدافعون عنه بالحق دون مجاملة ويقاتلون ضد كل متلاعب يريد النيل من الهلال..‬
* فهؤلاء يستحقون التحية والتقدير..‬
*ويا سلام على حماة الهلال يدافعون عن الهلال ويدعمونه بالمال..‬
* ولكل القربات الهلالية..‬
*فهم يستحقون ان ترفع لهم القبعات علي ما يبذلونه من جهد وجهادهم من اجل من يحبونه ويعشقونه.. ‬
ونواصل‬
آخر المشاوير‬
* كل الأهلة على قلب رجل واحد الا من ابى ..‬
* ابو محمد التجاني قال ان همه الاول والأخير هو اسعاد الجماهير..‬
* اتحاد العاصمة حقق الفوز بالامس على شباب قسطنطينية بهدفين دون رد احرزهما اندريا وعوديه..‬
*تنافس محموم بين لاعبي الهلال من اجل الدخول للتشكيلة..‬
* كل لاعب يعمل من اجل اسعاد الجماهير ويكون سبباً في السعادة خلال مباراة الاتحاد..‬
* مجلس الهلال بلبس خمسة واعلن الطوارئ وكل اعضاء المجلس في حالة اجتماعات متواصلة..‬
* المريخاب شغالين بمباراة الهلال اكثر من مباراتهم امام مازيمبي..‬
* والهلالاب ما جايبين خبر وهمهم الفوز بالاحد على الاتحاد..‬
* وانتو يا المريخاب خليكم شغالين بالهلال لما تطيروا ..‬
*جماهير الهلال تعد العدة لتشجيع مثالي..‬
*وتجري البروفات لذلك .. وتعمل من اجل تحقيق انتصار يريح الاعصاب..‬
* جماهير الهلال همها فريقها بس..‬
* ديل بحبو الهلال حب شديد..‬
* والعجب لما يكون اللاعبين في قمة جاهزيتهم
* ويرددوا لهم
* خبر طازج: حبك زرعتوا في جواي..‬
‬
‬