* منذ اليوم يجب ان يعتزل نجوم الهلال (الواتس والفيس) لان المرحله القادمه لا شي يضرها بخلاف السهر ..
* السهر ينهك الجسد ويجعل الانسان باهتا ، ونجوم الهلال (عارفين كويس) إحنا لا عندنا (منشط) ولا عندنا (منبه) ..
* غيرنا يساهر ويتم (تنشيطه) ولكن نحن نبطل السهر والحوامه ونركز في كورتنا عشان إنتصاراتنا رأس مالها (العرق والضراع الاخدر) يا سيف مساوي ..
* إحنا المنشط حقنا هو (النوم البدري والانضباط) ..
* علاء الدين (بصمة) قال في تصريح له : (تمنيت مقابله الهلال في المربع) ..
* صاااااااااااااااااح ..
* صدقناك يا شاطر ..
* وكت داير الهلال في المربع كان تتصدر مش تتأهل صحبه راكب ..
* يا علاء في المربع ما إتلاقينا لانو مافي قسمة لكن بنلاقيك في الممتاز وكأس السودان ..
* وكان عندك فلاحه لما نقابلك في الممتاز اعملها ..
* يا جماعة في زول بيصدق إنو علاء الدين ده لعب للمريخ المسيخ اربعه سنوات واول كأس رفعو بيدو كان مع الهلال ؟؟
* في زول بصدق كلام زي ده ؟؟
* لعب في المريخ لما قلبو وقف وما ضاق طعم الكأسات إلا مع الهلال ..
* فعلا والله المريخ حنطور ..
* إذا إكتملت لياقة محمد عبد الرحمن الذهنية والبدينه فأن الهلال سيدخل المرحله القادمه بشكل مختلف (180) درجة ..
* محمد عبد الرحمن (قصير القامه) و(طوييييل الموهبه) ..
* فقط شد حيلك يا ابو حميد ..
* لو لعيبه المريخ فكرو يشربو (شربوت) في العيد انا بأكد ليك مازيمبي ممكن يشيل الكأس من دور الاربعه ..
* يشيل الكأس قبل يصل النهائي ..
* عشان كده احذرو (الشربوت) حتى لا نعود لعهد (السبعات) ..
* إنتو بدون شربوت كده الله يثبتكم ..
* لو لازم تشربو شربتو يا مصعب عمر يبقى اشربو بعد المباراة ..
* الشربوت بيقعد ما عندو مشكلة ..
* الشربوت بيقعد لحدى عيد الحب ما عندو مشكلة ..
* ولمعلوميتكم .. ناس مازيمبي ديل بيشربو شربوت السنة كلها ..
* طبيعى شاربين شربوت ..
* واظن انتو عارفين كوييييس الشربوت الكنغولى مازي الشربوت السوداني ..
* غايتو السنة دى يا متنا من الضحك يا كمان الضحك كتلنا ..
* ظاهريا .. (مويه المطر) تسببت في تأجيل لقاء هلال التبلدي ومريخ العرضه ، وباطنيا .. الخوف وحده هو سبب التأجيل ..
* المريخ خاف من هلال التبلدي وشخصيا لا استبعد ان يكون اهل المريخ قد (غرقو النجيله) ..
* في الصور المويه الراقده في الاستاد دى ما موية مطر ..
* مويه المطر إحنا بنعرفها والله ..
* دى شكلها مويه صحه عديل ..
* شغلكم ده خوف من هلال التلبدى عشان كده ما تكشحو (مويه بالجردل وتقول لينا دى مويه مطر) ..
* إحنا ما بنغلاديش ..
* ولا جينا البلد دى نقلع (ضرس) ..
* على بالنعمة إحنا عارفين اى حاجة ..
* وعارفين كمان طيارة المريخ الخاصه المشت الجزائر كان فيها شنو ؟؟
* نفس الزمن الكان فيهو استاد المريخ مليان مويه كان استاد الهلال ناشف ..
* السبب البخلى استاد الهلال ناشف واستادكم مليان مويه شنو ؟؟
* ااااى استادكم بتاع الحكومه ده (حفره) لكن برضو ما للدرجة دى ..
* بمناسبة المطر ..
* المريخ هو اول نادى في العالم يخسر نتيجة مباراة بسبب (البرد) ..
* والله صحى ..
* ما في نادى في العالم قبل كده خسر بسبب البرد ..
* لكن حنطور العرضه ده في الاردن خسر بالسبعه والسبب كان البرد ..
* وبما ان ذلك كذلك على ادارة المريخ ان تتقدم بطلب لـ(الكاف) تقترح فيه ان يلبس اللاعبين (سيوترات وفنايل برد) في مباراة الكنغو امام مازيمبي ..
* باقى الكنغو دى في الخريف بارده جدا ..
* غايتو المريخ ده اول نادى يخسر بسبب (البرد) وح يكون اول نادى يخسر بسبب (العيد) ..
* العيد سيكون هو احدث شماعة يعلق عليها المريخ المسيخ هزائمه المتوقعه ..
* السنة دى بالذات يا متنا من الضحك يا كمان الضحك كتلنا ..
* محاولات التقليل من نزار حامد مرفوضه لان نزار مقاتل هلالي خالص والحديث عن عيوبه في هذا التوقيت يعتبر اغتيال معنوى ..
* لو دايرين تحاسبو نزار حاسبوهو بعد البطوله تنهى ..
* لكن حاليا ده ما وكت حساب ..
* ونزار ده والله والله والله لاعب ما ساهل ..
* ولنزار حامد نصيب ودور مؤثر في بلوغ الهلال لهذه المرحله ..
* صحيح مرات (اناني) ومرات (رأسو بيقفل) بس نصبر عليهو وندعمو لانو هو واحد من المواهب الرفيعه في البلد ..
* نحترم رأى كل زول في نزار حامد لكن ده ما وكت حساب ولا وكت عتاب ..
* القادم صعب ونزار في الميدان خادما لجمهور الهلال فيجب دعمه ودعم جميع اللاعبين ..
* حبايبنا ناس دارفور عندهم اغنية بتقول : (يا خواني شوفو العجايب البنيه زوجوها لشايب كيف سوا) ؟؟
* قالو في بت في دارفور موقفه زالنجي بـ(راجل واحده) ..
* بت صغير ة وحلوة ..
* لكن لما جات تعرس عرست (شايب) ..
* الناس إتخلعو وإندهشو واستغربو من زواج البت دى بالشايب داك ..
* اتذكرت الاغنية دى بعد تأهل المريخ للمربع الذهبي ..
* المريخ إتأهل للمربع وانا اتذكرت الاغنية ..
* واى زول طبعا حر في (تذكاراتو) ..
* عجائب والله ..
* غايتو أكثر زول في السودان بيكون مستغرب في تأهل المريخ لدور الأربعه هو نجم الأمل عطبرة (رزاق) ..
* بحسابات (رزاق) تأهل المريخ للمربع (كاميرا خفيه) وبحسابات فريد محمد نجيب تأهل المريخ مجرد (نشاط زائد) ..
* وإحنا بنقول لرزاق الموضوع ما كاميرا خفيه لكن كلام فريد صاح ..
* المريخ في المربع الذهبي لدورى الابطال هذه من عجائب الدنيا السبعه ..
* زي الخواجى البيلبس (سروال وعراقي) ..
* نقله كبيره والله من سيكافا للابطال للمربع ..
* بس دى اول واخر مرة يا حناطير ..
* مازيمبي فريق كبير وزبون دائما لمربع الكبار ، الهلال فريق كبير وزبون دائما لمربع الكبار والاتحاد الجزائري كذلك بس المريخ ده الدخلو شنو ؟؟
* الدخلو شنو مع الكبار ؟؟
* هسه دخولكم ده ما غلط يا عزو ؟؟
* والله لما اشوف الانديه التلاته في المربع الذهبي واتذكر المريخ معاهم بحس إنو الابطال دى سيكافا سيكافا كده ..
* اصلو ما قادر احس إنو دى ابطال افريقيا ..
* المريخ في المربع زي الجنا المولود في (سته شهور) ..
* والجنا المولود ناقص عشان ينمو بساعدو بى العقاقير الطبيه والحبوب والادويه و(منشطات) النمو ..
* وانا ما بفسر وانت ما تقصر ..
* وده كلو كوم وامير كمال كوم تانى ..
* امير كمال السنة ما بيلعب كوره ..
* كوره كده ما بيلعب ليكم ..
* اتمنى من اعلام الهلال يتوحد في موضوع امير كمال ده ..
* الهلال سيتقدم بعرضه الرسمى لهذا اللاعب والعرض غالبا ح يكون (4) مليار ..
* والحشاش يملأ شبتكو ..
* امير ده نخلى ليكم يدخل الملعب ما مركز عديل ..
* لا بنعرف ابطال ولا مهمه وطنية ..
* الوطنية كانت وين لما اتخففتو وإتراشقتو ومشيتو استقبلت مازيمبي في المطار ؟؟
* كانت وين الوطنية ؟؟
* امير كمال ده لازم يطلع بره الشبكه يا كاردينال ..
* لازم يشوف الدولارات عشان يجلى الكوره واقفه ..
* ومطارده الهلال لامير كمال يجب ان تستمر حتى صباح يوم مباراة مازيمبي ..
* لاخر لحظة نفاوضو ونتكلم معاهو ..
* والوطنية في الطحنية ..
* عشان تانى جمال الوالى الشهير بـ(عزو) يعرف إنو الهلال ما بجدعو بالحجار ..
* انا والله مستغرب نادى من (قزاز) زي المريخ المسيخ ده وبيجدع الهلال بـ(الحجار) كيف ؟؟
* جد مستغرب والله ؟؟
* نفاوض امير كمال وكوفى ..
* والله ما عندكم حل إلا تسوقو امير كمال تودوهو الاتحاد بكره وتجددو ليهو بـ(6) مليار ..
* ده بس حلكم ..
* سيد الكون هو الله وسيد البلد دى هو الهلال وشعار الهلال : (الهلال الوطن الهلال) ..
* يعنى الوطنية حقتنا لكن الببدأ بالخيانه والغدر بنتمو معاهو ..
* بالمناسبة إنتو شعاركم شنو ؟؟
* شعار الهلال .. (الله الوطن الهلال) إنتو شعاركم شنو ؟؟
* ما عندكم شعار صاح ؟؟
* عشان كده انا قلت ليكم المريخ ده ما سمعنا بيهو إلا بعد بيقنا كبار ..
* المريخ وبيضه الديك ما سمعنا بيهم إلا بعد كبرنا ..
* غايتو جنس غايتو ؟؟
* وعلى فكره .. المريخاب البيشتمو فينا خليهم يأخدو راحتهم على الاخر وعمرو الحنطور ما ببقى حصان
* و..و..
* والقليب الراسمو حِنه يبدو من (قلب كالابا احنه) بيهو ديار تمتحنه وإحنا في (مازيمبي) محنه ..