*الليله دايرين نتلولو
*الناس دي كلها في اللولوه
*اخير مننا بي شنو
*نتلولو
*لو الحكم حسب قون شيبون في اتحاد الجزائر
*كان الليله نحنا بطل المجموعه
*لكن ما حسبها
*استغفر الله
*لو تفتح عمل الشيطان
*خلينا لو
*بطلنا لولوه
*ايها الناس
*اي زول في مجموعتنا ضاق يدنا
*ودي في حد ذاتها احصائيه
*اول فريق سوداني يتحصل علي طلطاشر نقطه في المجموعات
*اول فرق سوداني ينتهي من المجموعات بدون ان يلج شباكه هدف بارضه
*اول فريق سوداني يغلب تلاته فرق جزائريات في شهر
*اول فريق سوداني يطير فريقين جزائريات في مجموعه واحده
*في وكت كانت الفرق السودانيه بتهرب من لقاء الفريق الجزائريه وتنسحب
*خبر الشوم كان الانسحاب داك
*خبر الروم كانت الزوغه من وفاق سطيف
*ولكن المريخ غير المفاهيم واعاد ترتيب الاشياء
*الفريق السوداني الوحيد العدد نقاطو في مجموعتو بساوي نقاط الهلال وسموحه والتطواني
*دحين الهلال وسموحه والتطواني لو جمعنا نقاطهم بتمو تلطاشر ؟؟؟
*الهلال ونقاط سموحه حداشر
*المريخ اكتر منهم الاتنين
*التطواني وسموحه حداشر
*المريخ اكتر منهم الاتنين
*مازيمبي وسموحه حداشر
*المريخ اكتر منهم الاتنين
*يعني الهلال وسموحه لو في مجموعتنا الاتنين لو دخلوا صندوق و اتشاركوا نقاطهم مابتأهلهم
*استغفر الله
*لو بتفتح عمل الشيطان
*اي فريق في مجموعتنا غلبانهو
*الجماعه دحين غير سموحه غلبوا زول ؟؟؟
*المهم
*بكري لعب باص قون لي ديديه زي مابقول كتاب الكورة صفحة تسعه
*يعني بكري لو ماجاب قون
*بلعب باص القون
*والذين اعماهم الله
*يقولوا ليك بكري ما افاد المريخ
*مع العلم بان اهداف بكري زايد الاهداف اللعب باصاتها بكري زايد الاهداف الاتسبب فيها بكري
*اكتر من اهداف الهلال ومازيمبي وسموحه والتطواني
*وبرضو يقولوا ليك المريخ ما استفاد من بكري
*هي الفايده دي كيف ؟؟؟
*نضبحوا ناكلوا يعني !!!!
*المهم
*مافي جديد
*نحنا في دور الاربعه لينا شهر
*من الصيف نحنا في دور الاربعه
*اسي الخريف كمل
*الناس لي اسي في اللولوه
*دخلنا ؟؟ مرقنا
*مرقنا دخلنا
*وخبر الشوم خبر الروم لو الليله اتناقلنو الحروم
*تبقي دباره نهي كرتا باجا
*تبقي الدباره ان يتفرغ البعض للممتاز
*يشدوا حيلهم شديد فيهو
*لكن ديديه بالغ
*طبعا ديديه مابعرف عربي كويس
*قال لي بكري ابرمها ابرمها
*قصدو مررها مررها
*وبكري برمها
*اقصد مررها
*اتنين جزائرين دخلوا معاها الشبكه
*الفين شهيد بتفرجوا فيها علي الشاشات دخلوا تحت السراير
*خمسه الف جزائري عندو رقم وطني حق بلدنا دي
*شاتوا الترابيز
*وكسروا الكبابي
*ايها الناس
*المريخ اظنوا لاعب بالمنشطات
*لأنو نشاط زي ده ما طبيعي
*زول يجري تسعين دقيقه بنفس واحد
*ما معقوله
*وبعد الكورة دخلوا غرف اللاعبين
*غرزه لقاهم لسه فيهم باقي نشاط
*تاني مرقهم مرننهم
*زي الطياره الدايرين يكملوا بنزينها
*لفوا بيهم الميدان ده كم لفه كده
*والشفوت علي المدرجات برضهم اظنهم منشطين
*مامرقوا
*قاعدين يشجعوا في التمرين
*حالتهم دخلوا من المغرب
*ده نشاط ما طبيعي
*الكاف يعمل كشف منشطات علي المدرجات حقو
*وقالوا كردنه قال مفروض الكاف يعمل كشف منشطات في دور الاربعه
*الزول ده اسي دخل دور الاربعه ؟؟؟
*مالو ومالو دور الاربعه ؟؟؟
*اسي لو الكاف قال ليهو انت مالك ومال دور الاربعه ؟؟
*غايتو جنس تحشر !!!!
*المهم
*امس الجمهور الحضور ماكان كالمتوقع
*بالذات ناس الجانبيات
*اي نعم ضمنا التأهل
*لكن ده مابمنع حضورنا يشرفنا
*ونملي استادنا بي حقنا
*ونقول للناس نحنا كتاااار
*نتباهي بي عدديتنا الكبيره
*ايها الناس
*نعم كل النشئ اليومين دي مريخاب
*وحايزيد العدد لما نتقابل في المطار
*الشفع بحبو ريحة المطار شديد
*لكن ده ما بمنع نجي كلنا لجميع مبارياتنا نتباهي
*المهم
*من الاحصائيات
*اول فريق سوداني يطلع راس الحربه بتاعو
*يلعب بي خطورة اكبر
*ومن الاحصائيات
*اول فريق سوداني جماهيرو بتمشي المطار لما تشم ريحتو
*وشامين ريحة المطار نحمد الله
*وغيرنا شامينا
*اصلهم غير يشمونا ما بشمو
*عشان كده مابفرزوا ريحة المطار
*وهتفت الجماهير
*المطار بي وين
*المطار بي جاي
*الصفر بي وين ؟؟؟
*الصفر في بلدا تاني
*المهم
*توقعاتنا كانت انو المرحله دي في بطولة الابطال
*مبارياتها كلها بتنتهي لاصحاب الارض
*القصه منطق وحسابات
*وامس فوز المريخ علي الاتحاد اكد الحته دي
*ايها الناس
*ان تنصروا اله ينصركم
*اها
*نجي لي شمارات والي الخرتوم
*كان شفت يا والينا
*الطب الحير الطبيب ده كلو يوم بحير فينا
*تمشي عندك وجع اضان
*يقولوا ليك تعمل وظائف الكبد يا والينا
*نمشي ضهرنا واجعنا يا والينا
*يفحصوا لينا البوتاسيم الفينا
*تمشي مجروح ان شاء الله جارحك مسئول بي تصريح يا والينا
*يحولوك لي اخصائي العمود الفقري يا والينا
*تمشي ممارض زول يا والينا
*يركبوا ليك الفراشه في ايدك ويزبطوك تلتين حقنه يا والينا
*تقول ليهو انا ما عيان يا اخينا
*يقول ليك انت العيان زاتو بس ماعارف روحك يا اخينا
*اطبائنا بكملونا الله يخليهم لينا يا والينا
*غيار عمليه بي ميتين وخمسين الف يا والينا
*ليه غيار فل سوت يا اخينا ؟؟؟
سلك كهربا
ننساك كيف والكلب لما نكون مودين زول المستشفي بلحسو ويبكي يا والينا
ان شاء الله ما لحست وداع يقرب يقولها لينا
والي لقاء
سلك
و مالك نسيت انها اول مرة في تاريخك تصل دور الاربعه
let me remain you that your Alwali one day said you are all like empty barrels make noises in return without advantage..
ننساك كيف وحظ الهليل الزي ضنب الكلب في الولوه
ان شاء الله ناس ( عريان سنه ويضايق الترزي فى فد يوم ) ديل يسكتو بعد ده .