خيل السبق....والحقنة المميتة
+ في سباق الخيل ، بعد ان يحرز الحصان العديد من البطولات ، يحقنونه بحقنة مميتة حال تقدمه في السجن وعجزه عن الركض المحموم .
+ هكذا تماماً فعلت مجموعة التطوير مع عرابها الدكتور كمال شداد فلماذا فعلت ما فعلت ؟؟؟
+ ساس يسوس ليست بعيدة عن الحدث .
+ مع انو كلو عند العرب ، مؤتمر وطني .
+ قائل منهم قال ، انتهى زمن العناد ، ولا بد من وجه جديد،،، ومن غيره ولدنا المعتصم .
+ صلحنا ليهو كتير ، جيهناهو ، واموروا ماشة باسطة ، الفاضل شنو، ما نقدموا خلاص .
+ الفاضل يتلب فيها ، لانو زولنا ده صعب ومعاكس ، وعامل لينا مشاكل كتيرة في الوسط .
+ بعدين بستفز كتابنا ، احبابنا ، اولادنا في التحبير ، والتشطير ، وللتلج تكسير .
+ هكذا قرروا فجأة حقنه بالحقنة المميتة .
+ لكنه حصان عنيد ، مشاكس ، قوي ومصادم .
+ غايتو بعملوا ليهم جنس حاجات .
+ معتصم طوالي قال بمنافسات الشباب والاشبال .
+ طيب سنوات كتيرة ساكت مالك ، جبن والا مسايرة ؟؟؟؟؟.
+ الاتنين كعبات .
+ وبعدين قلب الموسم ده ، قايلنوا هين كده .
+ هو طيب ده ما برنامج التجديد ، امال تطويركم وينو ، وغاياتكم راحت وين ؟؟؟؟
+ اذا كان معتصم يرى في منافسات الشباب والناشئن خير للبلد ولكرة البلد فلماذا صبر طوال هذه السنوات ، اليست جناية في حق الوطن العزيز ؟؟؟؟؟؟.
+ حتى صلاح حسن سعيد انقلب على العراب ، واتهمه في شرفه المالي ، والله حرام عليك .
+ نزاهة شداد دي ما بيختلفوا فيها اتنين .
+ تلفونوا كلف 86 الف ، لكن السؤال المرادف تلفونو ده جاب كم ؟ وسوى شنو ؟؟؟
+ الجاب مشروع الهدف ، والبنيات منو ؟؟؟؟
+ موش شداد وحنكة شداد ، وعلاقات شداد ؟؟؟؟
+ ومالك يا صلاح سعيد ما اتكلمت عن عقود التسويق الرياضي ، والا الكلام الا بعد حصان السبق يطعن في السن، ويبقى على الحقنة ؟؟؟؟
+ صلاح سعيد قال هدايا لشيخ عربي ، ما تتم الموال الشيخ ده دفع شنو ، وقدم شنو ؟؟؟
+ الا نزاهة شداد يا صلاح ، يا خي ده بيت الجامعة خلاهو ومرق منو .
+ شداد ده ما بشبهوا جنس الكلام ده .
+ ده عقوق وتطاول غير مقبول يا صلاح يا حسن يا سعيد .
+ قول أي حاجة ، ازعل زعلك ، انتقد شداد وسنوات حكمه ، بس ذمته المالية دي اختاها .
+ شداد يمضي هذا مقبول ، ياتي عهد جديد هذا منطق الحياة وقانونها العفوي المؤلم ، لكن الرجل في خريف العمر بعد ان قدم لبلاده الكثير على الاقل حسب وجهات نظره هو ، وده كلام خطير ويطعن في نزاهة بلادنا كلها فالرجل من رموزها .
+ لسنا نقول بهذا اشفاقاً على شداد ،فالرجل قادر على الدفاع عن نفسه حد احراق الخصوم ، لكننا ننعي جيل الاخلاق الجديدة .
+ حرام ان ترمى رموز هذه البلاد بهكذا ترهات .
+ سويتا شينة يا صلاح حسن سعيد ، وانت تعي جيداً ان الرجل كان يلمح الى استفادة المعتصم من عقودات الاتحاد ومن سيناريوهات التسويق التي كثر الحديث حولها .
+ البلد دي بقى ما فيها انصاف والا شنو ؟؟؟؟
هتاف اخير
والله خيل السبق تقصر ، ده اعدام شنقاً ، وبدون جرعة موية كمان ، اعوذ بالله
+ في سباق الخيل ، بعد ان يحرز الحصان العديد من البطولات ، يحقنونه بحقنة مميتة حال تقدمه في السجن وعجزه عن الركض المحموم .
+ هكذا تماماً فعلت مجموعة التطوير مع عرابها الدكتور كمال شداد فلماذا فعلت ما فعلت ؟؟؟
+ ساس يسوس ليست بعيدة عن الحدث .
+ مع انو كلو عند العرب ، مؤتمر وطني .
+ قائل منهم قال ، انتهى زمن العناد ، ولا بد من وجه جديد،،، ومن غيره ولدنا المعتصم .
+ صلحنا ليهو كتير ، جيهناهو ، واموروا ماشة باسطة ، الفاضل شنو، ما نقدموا خلاص .
+ الفاضل يتلب فيها ، لانو زولنا ده صعب ومعاكس ، وعامل لينا مشاكل كتيرة في الوسط .
+ بعدين بستفز كتابنا ، احبابنا ، اولادنا في التحبير ، والتشطير ، وللتلج تكسير .
+ هكذا قرروا فجأة حقنه بالحقنة المميتة .
+ لكنه حصان عنيد ، مشاكس ، قوي ومصادم .
+ غايتو بعملوا ليهم جنس حاجات .
+ معتصم طوالي قال بمنافسات الشباب والاشبال .
+ طيب سنوات كتيرة ساكت مالك ، جبن والا مسايرة ؟؟؟؟؟.
+ الاتنين كعبات .
+ وبعدين قلب الموسم ده ، قايلنوا هين كده .
+ هو طيب ده ما برنامج التجديد ، امال تطويركم وينو ، وغاياتكم راحت وين ؟؟؟؟
+ اذا كان معتصم يرى في منافسات الشباب والناشئن خير للبلد ولكرة البلد فلماذا صبر طوال هذه السنوات ، اليست جناية في حق الوطن العزيز ؟؟؟؟؟؟.
+ حتى صلاح حسن سعيد انقلب على العراب ، واتهمه في شرفه المالي ، والله حرام عليك .
+ نزاهة شداد دي ما بيختلفوا فيها اتنين .
+ تلفونوا كلف 86 الف ، لكن السؤال المرادف تلفونو ده جاب كم ؟ وسوى شنو ؟؟؟
+ الجاب مشروع الهدف ، والبنيات منو ؟؟؟؟
+ موش شداد وحنكة شداد ، وعلاقات شداد ؟؟؟؟
+ ومالك يا صلاح سعيد ما اتكلمت عن عقود التسويق الرياضي ، والا الكلام الا بعد حصان السبق يطعن في السن، ويبقى على الحقنة ؟؟؟؟
+ صلاح سعيد قال هدايا لشيخ عربي ، ما تتم الموال الشيخ ده دفع شنو ، وقدم شنو ؟؟؟
+ الا نزاهة شداد يا صلاح ، يا خي ده بيت الجامعة خلاهو ومرق منو .
+ شداد ده ما بشبهوا جنس الكلام ده .
+ ده عقوق وتطاول غير مقبول يا صلاح يا حسن يا سعيد .
+ قول أي حاجة ، ازعل زعلك ، انتقد شداد وسنوات حكمه ، بس ذمته المالية دي اختاها .
+ شداد يمضي هذا مقبول ، ياتي عهد جديد هذا منطق الحياة وقانونها العفوي المؤلم ، لكن الرجل في خريف العمر بعد ان قدم لبلاده الكثير على الاقل حسب وجهات نظره هو ، وده كلام خطير ويطعن في نزاهة بلادنا كلها فالرجل من رموزها .
+ لسنا نقول بهذا اشفاقاً على شداد ،فالرجل قادر على الدفاع عن نفسه حد احراق الخصوم ، لكننا ننعي جيل الاخلاق الجديدة .
+ حرام ان ترمى رموز هذه البلاد بهكذا ترهات .
+ سويتا شينة يا صلاح حسن سعيد ، وانت تعي جيداً ان الرجل كان يلمح الى استفادة المعتصم من عقودات الاتحاد ومن سيناريوهات التسويق التي كثر الحديث حولها .
+ البلد دي بقى ما فيها انصاف والا شنو ؟؟؟؟
هتاف اخير
والله خيل السبق تقصر ، ده اعدام شنقاً ، وبدون جرعة موية كمان ، اعوذ بالله
