• ×
الجمعة 29 مارس 2024 | 03-28-2024
راشد طه

ولماذا لا ينهزم الهلال ومدربه لا يعرف اى شئ فى كرة القدم ومدافعه يهدى الكرة للخصم ثم يعرقله :-

راشد طه

 0  0  8274
راشد طه


الهلال ليس فريق بطولات فلا تحلموا بالمستحيل تحت قيادة هؤلاء الاشباح
* خسرنا امام فريق لم يحقق الفوز فى ثلاث مباريات
* اثنتان داخل ارضه وواحدة بمصر امام سموحة
* مازمبى شال منو نقطة فى المغرب
* الهلال شال منو نقطة فى المغرب
* فهل مثل هذا الفريق يهزم الهلال ؟؟؟؟؟
* لا ومليون لا
* الهلال هزم نفسه بنفسه وتعالوا برااااحة نسترجع الشريط
* اول هجمة فى الدقيقة الاولى كاريكا يرفض التمرير لزملائه ؟؟؟
* وكانت الهجمة هجمة هدف
* كاريكا يلعب فى الهلال بشعار (يا انا اجيب القون او مافى زول بجيب غيرى القون )
* مشهد اخر : اتير توماس الكورة فى كراعو اداها للمهاجم بدل ما يطلعها اوت او كورنة
*بعد المهاجم ما مسك الهدية من اتير كان من الممكن اتير يغطى اللاعب لانو اللاعب ما بجيب قون لانو ما منفرد
* اها اتير بتصرفه الغبى الذى لا يرتكبه الا اتير توماس قام وقع على المهاجم وعرقلو عرقلة صريحة؟؟؟؟
* نزار حامد ادوهو يشوت ضربة الجزاء ما زح من الكورة خطوتين ؟؟؟؟
* بل وقفة نزار كان معروف للحارس انو ح يلعب الككورة فى هذه الزاوية
* ونزار شات الكورة براااحة ؟؟؟؟
* اها الغلب التانى منو ؟
* هل المغرب التطوانى غلب الهلال ولا الهلال غلب روحو ؟؟؟
* الهلال هزمه لاعبو الهلال بانفسهم
* بدليل انو المغرب التطوانى ما جاب ولا قون بعد ضربة الجزاء
* ساهم المدرب الفاشل جدا الكوكى فى هزيمة الهلال
* باشراكه للاعب الفاشل جدا صلاح الجزولى فى الهجوم واصراره على صلاح الجزولى الذى كان سيئا جدا فى مباراة المغرب التطوانى بالمغرب ومباراة النسور ؟؟؟؟؟؟
* لما ذا يصر الكوكى على صلاح الجزولى
* هسة الهلال ده لو انا مدربو والله لو العب ناقص ما يلعب صلاح الجزولى
* زول لا بتوقع صاح لا بقيف صاح ولا بشوت صاح
* ده داير بيهو شنو يا الكوكى ؟؟؟ لو ما انت اصلا فاشل زيو ؟؟؟
*اما السيد نزار حامد خلاص افتكر انو الولد بقى ميسى
* بقى يلعب لينا على اطراف اصابعينو
* هسة ضربة الجزاء دى لو جبنا اكعب لاعب فى العالم بشوتا زى شوتك دى ؟
* قوم لف ياخى هردت امس كبدات كل من بالاستاد
* ومرقت الناس زعلانة وللصباح ما انمت من الحسرة
* ان شاء الله كرعينك ديل يلم فيهن قندرانى يفطسن ليك
* رئيس الهلال لم ينجح فى اضافة اى لاعب يحدث الفارق
* مشى سجل لينا لاعبين رخاااااس فى السوق
* ولجنة التسجيلات ما قصرت والله
* عرضوا عليه احسن اللاعبين
* لكن الكاردينال اختار براااهو ارخص اللاعبين
* هو اللى جاب هؤلاء الفاشلين
* وعليه تحمل نتيجة فشله الذريع
* الهلال الان يحتاج الى اقالة هذا المدرب الكضاب جدا الاسمو الكوكى ده
* يوم ان اشرك الصغار رأينا الهلال الحقيقى اللى كان من الممكن ان يكون هو الان من يشارك فى البطولة الافريقية
* الكوكى فضل الصينى على وليد الشعلة
* والصينى لى يوم الليلة الكوكى ما اشركو فى مباراة افريقية واحدة؟؟؟
* الكوكى يصر على اشراك بشة المنتهى من سنييين
* الكوكي يصر على اشراك كاريكا الانانى
* والمنتهى من ثلاث سنيين
* الكوكى لا يشرك كوناتيه افضل مدافع فى افريقيا
* وشوفتوهو كوناتيه براااكم يوم كورة النسور ويوم كورة اهلى الخرطوم
* الكوكى لم يصنع ولا لاعب حتى الان فى الهلال
* الكوكى لم يغير طريقة لعب الهلال العقيمة التى تعتمد على التحضير الكتييييير والمسيييييخ فى نص الملعب والدفاع
* يا جماعة زماااان كتبناها وقلناها عشرات المرات
* الكوكى ليس هو المدرب الذى فى قامة الهلال
* مدرب يجلس نلسون على الكنبة عشان يلعب بشة المنتهى
* بشة الذى لا يلعب باص ولا بهاجم ولا بشوت فى المرمى ولا بقلع كورة ولا بقطع هجمة
* ده كلو بحصل ونلسون قاعد برة
* الكوكى جا للهلال وهو غير مصدق لانو عارف نفسو مدرب فاشل بدليل انو فريقو الكان بدربو اوصله الكوكى الى مرتبة تانى الطيش فى الدورى
* لكن الكاردينال جابو لينا عشان سعروا رخيييص
* الكاردينال جاب اللاعبين الرخيصين
* وخلى اللاعبين الغاليين بتاعين البطولات
* والرخيص برخصتو يضوقك مغصتو
* لا زلنا فى قلب المنافسة
* اصلحوا الحال
* ابعدوا هؤلاء العواليق وهم :-
1- الكوكى 2- صلاح الجزولى 3- بشة 4- كاريكا 5- اتير توماس
* واشركوا المظاليم وهم نلسون وكوناتيه وعبد اللطيف بوى ومالك
* ويومها ان شاء الله سنهزم مازمبى وسموحة وسنتصدر مجموعتنا بأذن الله
* ان ما عملنا كده يبقى الرمادة فى خشمنا
* لو ما صلحتو التيم ده مازمبى بدينا خمسة تانى
* اشركوا المظاليم
* اطردوا الكوكى الكضاب
* ابعدوا اللاعبين الوهم المتقاعسين
* البقاء فى داخل الملعب للافيد والاصلح
* موش لى صاحبى وصاحبك يا خالد بخيت
*ويبقى الامل ويبقى الرجاء والعشم فى ربنا كبير
* التطوانى لن يهزم مازمبى فى لوممباشى
* التطوانى افضل عدد من النقاط يمكن ان يصل اليه هو تسعة نقاط
* بينما ان انصلح الحال فى الهلال فسنصل للنقطة 11 ان شاء الله
* لن ننيأس ابدا
* ولن تسير وحدك يا هلال
* فقط اصلحوا الحال الليلة قبل باكر
* اطردوا هذا المدرب الكضااااب
* واشركوا اللاعبين المظلومين فى كشف الهلال
* وخلونا بالله من المجاملات
* الهلال فيهو تشكيلة تهز افريقيا كلها
* لكن هذا المدرب الجبااان والكضاب ما قاعد يلعبهم
* دايرن تصلوا دورى الاربعة الحل موجود وهو :-
* اطردوا الكوكى واشركوا المظاليم
* ويومها ستعرفون ان هذا الكضاب الفاشل هو سبب كل هذه البلاوى
*لملم عددك وامشى لى اهلك
امسح للحصول على الرابط
بواسطة : راشد طه
 0  0
التعليقات ( 0 )
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019