الأقمار تسطع خارج الديار
عندما يردد الراحل أحمد المصطفى رائعة عبد المنعم عبد الحى ( أنا أم درمان ) والتى تقول بعض كلماتها *** أنا أم درمان تأمل فى نجوعى ...أنا السودان تمثل فى ربوعى ...أنا إبن الشمال سكنتو قلبى ...على إبن الجنوب ضميت ضلوعى *** أنا أم درمان سلوا النيلين عنى ...وعن عزمات فتاى عند التجنى ...فخير بنيك ياسودان منى ...سلوا الحادى سلوا الشادى المغنى ...أنا أم درمان إذا ماقلت أعنى ...عندما نسمع هذه الكلمات الجميلة يذهب الخيال مباشرة لفارس أم درمان الأزرق وإبن السودان البار هلال العشق الجميل الذى لعب مباراة التحدى فى مجاهل أفريقيا ضد فريق سانغا باليندى بالكنغو فى دورى 16 لأبطال أفريقيا ... وبعثة الهلال للكنغو يقودها نجوم الهلال فى الزمن الجميل الدكتور على قاقرين سفيرنا السابق بالكنغو والكابتن فوزى المرضى ...تخيلوا هذه الخلطة الجميلة حيث إلتقى جيل البطولات بجيل التضحيات ...إلتقى هذا الجيل الذهبى مع جيل كاريكا ونزار وبشة وفداسى والشغيل ومحمد عبد الرحمن وغيرهم من الأبطال ...لو قلت ليكم حاجة إمكن ماتصدقونى فريق سانغا هذا العام لعب فى أرضه 3 مباريات فاز فى الدورى التمهيدى على ريكرتيفو الأنجولى بثنائية نظيفة وفاز على القطن الكاميرونى أيضاً بنفس الثنائية النظيفة ...وجاء دور مارد السودان الأزرق هلال الملايين ... نطلع فاصل ونواصل ...عن إذنكم نشرب موية زمزم !! وزمزم لما شرب له ، لك الحمد يارب ...يارب لك الحمد كما ينبغى لجلال وجهك وعظيم سلطانك ...أول حاجة شوفوا تشكيلة الأبطال وقولوا ماشاء الله ...الحارس مكسيم وفى الترسانة الدفاعية مساوى وسيمبو وفداسى وأطهر وفى الوسط نزار وبشة والشغيل وأتير وفى الهجوم حرف الكاف كيبى وكاريكا ...هسه دى تشكيلة ولا عاصفة الحزم !! عينى باردة ومانى حاسد وربنا يتم المقاصد ...الشوط الأول إنتهى بالتعادل السلبى ...وفى الدقيقة 74 أحرز بشة هدف الهلال الأول ولكن الحكم المصرى جهاد جريشة نقضه بحجة أن الكرة لامست يد بشة ...طبعاً هلال الأبطال متعود على عدم الإنصاف من حكام عيسى حياتو ...وبعد عشر دقائق بالضبط أحرز مساوى هدف الفوز الغالى برأسية رائعة فى شباك الحارس كلان بايا والذى إنتهت عليه المباراة ونال سيد البلد نقاط الطائرة الجوية كاملة وأضافها لرصيده فى بنك أفريقيا الدولى ...ووقفت جماهير موتيمبا الكنغولى وفيتا كلوب مناصرة لبطل السودان وبعد نهاية المباراة ذهب الأبطال لتحية هلالاب كنشاسا ، وهذه هى الأقمار تسطع خارج الديار والهلال كبير فى بطولة الكبار ، وعندما ينتصر الهلال يبتسم الأطفال وينخض الدولار وتتفتح الأزهار .
*** عاد هلال العز مظفر خطوة للدورى المشفر
وصلتنا العديد من برقيات التهانى من هلالاب المهجر ...يوسف عمر أبوضحى من هلالاب محايل عسير قال المدرب وضحت بصمته ونزار عندما يكون كويس فالهلال كويس والحمد لله وضعنا رجل فى دورى المجموعات ...أما أحمد قاسم أبوزيد من هلالاب خيبر يقول الهلال الكبير يظهر فى المواعيد الكبيرة وهلال المجموعات حقق الغايات وجلال صالح من هلالاب المدينة يقول ...الله أكبر على النصر المؤزر والأقمار تتلألأ فى الكنغو أما رفيق دربه عبد الدائم عبد المجيد يقول ألف مليار مبروك لهلال الساجدين والناس الصالحين وياجعلى خلى قدامك كباية شاى أو قهوة عشان تعمل لينا مقال كارب ...أما فيصل الأقرع من هلالاب جدة يقول ...جعلينا إن شاء الله تكون مبسوط !! قلت ليه هسه كان قلت ليك مامبسوط بتصدقنى !! فاجابنى كيفن مابصدقك !! إمكن من الهلالاب الطماعين العايزين يغلبوا ربع دستة ومافوق !! وأضاف ضاحكاً سمعت قالوا الأمين عبد القادر مبسوط يعرض ساكت فى الهفوف ، أما الأمين جيفارا من هلالاب الهفوف يقول ...مبروك أسياد البلد تقدلوا ورأسكم مرفوع ومساوى سيفنا البتار والحمد لله نحن مرتاحين ولكن يجب مضاعفة الجهد فى مباراة الإياب ...ومن هلالاب الرياض محمد عبد الفتاح ألف مبروك الهلال العظيم شرفتونا ورفعتوا رأسنا الليلة بصراحة الهلال فريق تانى وعجيب تكتيك وتقفيل مافى تطفيش والمدرب طول التسعين دقيقة واقف على الخط والأنتصار الهلالى عجبنى وسر بالى ..أما عمنا محمد حسن الزين أبو الفاروق يقول الهلالاب يستاهلوا كل خير وفريق الشباب إستحق الإنتصار ونقاط المباراة ويرى أبو الفاروق أن يتنازل الهلال عن هدف كنشاسا ويمنحه للمريخ حتى تقوى حظوظه فى المنافسة ، أما ياسر حامد يرى أن الغلطة غلطة سانغا لأنه إرتدى شعار المريخ واللون الأحمر والأصفر بيعكر مزاج ناس مساوى وإذا المريخاب شايفين سانغا حمام ميت نقول ليهم الحمام الميت ده بلاقيكم فى الكونفدرالية شدوا حيلكم ساكت ، والعم إبراهيم بين من ظرفاء هلالاب الرياض يبارك لكل الهلالاب وخاصة الكاردينال والذين رافقوا الهلال فى الكنغو ناس دكتور قاقرين وفوزى ويقول للمريخ هاردلك مقدماً ومرحب بكم فى الكونفدرالية وإنت غالب بهدف وعايز تتأهل على حساب الترجى !! والتوانسة فى أرضهم أخطر من إبليس وفى الكونفدرالية منتظركم الزمالك والنجم الساحلى غايتو وقعتكم كبيرة ...أما محجوب على أب جكون من قوز جبة محافظة المتمة يقول الحمد لله الحمد لله الحمد لله وياهو ده الهلال ويقول عن سيف مساوى سيفنا ضرب سانغا عشان شافو لابس شعار وصيفنا ... ومن الأمارات الأستاذ محمد الفاتح حمزة ( كتاحة ) الذى قال بصراحة الليلة الزول ينوم أحلى نومة مبروك الإنتصار المستحق وهناك بعض الهنات والجهاز الفنى قادر على علاجها ...وصلتنا تهنئة من قمة رياضية سامقة من الأستاذ كمال حامد الذى يزور المملكة هذه الأيام ويقول ألف مبروك والهلال بصراحة ماشى كويس وإن شاء الله فى دورى المجموعات مع شقيقه المريخ وإن كانت مهمة المريخ صعبة شوية فى تونس ...ومن الأشعار الجميلة فى منتديات الهلال هذه الأبيات *** عاد هلال العز مظفر ...خطوة لى الدورى المشفر ... ( سانغا ) قطرو الليلة صفر ...وتانى ألبسوا لينا أصفر *** ماك عارف إنو لونك ياطريف ..سبب البلاوى ...وياعميد قونك لطيف ...يشبه سيف العز المساوى *** يلا جيب من جوة يلا ...الهلال وراك شعاعو ...ونحن فى أفريقيا قوة ...وساتغا تاسك قالوا ضاعوا...بالمناسبة سانغا الآن ( غمران ) فى تاتا رفائيل ( أستاد الموت ) والدفن مساء الجمعة الأول من مايو بمقبرة الخصوم ...ونحن فى الحتة دى أنصار سنة عدييل وينتهى العزاء بإنتهاء مراسم الدفن !! لذا لزم التنويه .
*** المريخ يجازى الترجى بضربة جزاء
فاز المريخ على الترجى التونسى بضربة جزاء أحرزها علاء الدين يوسف فى الدقيقة 24 من الشوط الأول وإنتهت المباراة بهذه النتيجة وكان حكم المباراة هو البتسوانى جوشو بوندو ومباراة الرد مساء الأحد بأستاد رادس فى الثالث من مايو ونتمنى النصر لمريخ السودان حتى يشارك الوطن بثنائى القمة فى دورى المجموعات ...والمريخ إحترم الترجى أكثر من اللازم وكان يمكن أن يكسب المباراة بربع دستة فما فوق ، خاصة وأن الترجى منذ عام 2013 يفقد خدمات مهاجمه المميز يوسف المساكنى الذى يلعب فى صفوف لخويا القطرى بعقد قيمته 15 مليون دولار لمدة أربع سنوات وتصف ، وقاد المساكنى لخويا للفوز بالدورى القطرى بعد أن أحرز هدفين فى شباك الأهلى فى المباراة التى كسبها لخويا بربع دستة مقابل هدف ...وناس المريخ لو ختوا الرحمن فى قلبهم ممكن يتجاوزوا الترجى بكل بساطة لأن الترجى هذا العام حمام ميت ويعتمد على السمعة فقط وحكم مباراة الإياب هو الجنوب أفريقى دانيال بينيت وهو أفضل حكم فى أفريقيا ولا يجامل أصحاب الأرض ...حكم مباراة الذهاب البتسوانى عمره 37 سنة يعنى فايت أيمن سعيد بى سنة واحدة !! وكما يقول مثلنا السودانى ( ود حولك نديدك ) يعنى دفعتك يا أيمن أصبحوا حكام .
*** همسة الوداع
حبايبنا الحلوين يزعم إعلامهم أن التحكيم يحرم فريقهم من ضربات الجزاء ولكن هذا العام لعبوا 3 مباريات أفريقية بأرضهم ونالوا 3 ضربات جزاء الأولى أمام عزام أضاعها أوكرا والتانية أمام كابو أضاعها وانغا والتالتة أمام الترجى أحرز منها علاء الدين هدف الفوز الوحيد وكما يقول الدكتور محمد يحيى الكوارتى من هلالاب الرياض فى رسالته التى أرسلها عبر الجوال وتقول ...وبهذه المناسبة نهمس فى أذن الإعلام الأحمر إنتوا الكاف برضوا أصبح يعين ليكم حكام من الولايات ولا شنو ؟ مجرد سؤال .
عندما يردد الراحل أحمد المصطفى رائعة عبد المنعم عبد الحى ( أنا أم درمان ) والتى تقول بعض كلماتها *** أنا أم درمان تأمل فى نجوعى ...أنا السودان تمثل فى ربوعى ...أنا إبن الشمال سكنتو قلبى ...على إبن الجنوب ضميت ضلوعى *** أنا أم درمان سلوا النيلين عنى ...وعن عزمات فتاى عند التجنى ...فخير بنيك ياسودان منى ...سلوا الحادى سلوا الشادى المغنى ...أنا أم درمان إذا ماقلت أعنى ...عندما نسمع هذه الكلمات الجميلة يذهب الخيال مباشرة لفارس أم درمان الأزرق وإبن السودان البار هلال العشق الجميل الذى لعب مباراة التحدى فى مجاهل أفريقيا ضد فريق سانغا باليندى بالكنغو فى دورى 16 لأبطال أفريقيا ... وبعثة الهلال للكنغو يقودها نجوم الهلال فى الزمن الجميل الدكتور على قاقرين سفيرنا السابق بالكنغو والكابتن فوزى المرضى ...تخيلوا هذه الخلطة الجميلة حيث إلتقى جيل البطولات بجيل التضحيات ...إلتقى هذا الجيل الذهبى مع جيل كاريكا ونزار وبشة وفداسى والشغيل ومحمد عبد الرحمن وغيرهم من الأبطال ...لو قلت ليكم حاجة إمكن ماتصدقونى فريق سانغا هذا العام لعب فى أرضه 3 مباريات فاز فى الدورى التمهيدى على ريكرتيفو الأنجولى بثنائية نظيفة وفاز على القطن الكاميرونى أيضاً بنفس الثنائية النظيفة ...وجاء دور مارد السودان الأزرق هلال الملايين ... نطلع فاصل ونواصل ...عن إذنكم نشرب موية زمزم !! وزمزم لما شرب له ، لك الحمد يارب ...يارب لك الحمد كما ينبغى لجلال وجهك وعظيم سلطانك ...أول حاجة شوفوا تشكيلة الأبطال وقولوا ماشاء الله ...الحارس مكسيم وفى الترسانة الدفاعية مساوى وسيمبو وفداسى وأطهر وفى الوسط نزار وبشة والشغيل وأتير وفى الهجوم حرف الكاف كيبى وكاريكا ...هسه دى تشكيلة ولا عاصفة الحزم !! عينى باردة ومانى حاسد وربنا يتم المقاصد ...الشوط الأول إنتهى بالتعادل السلبى ...وفى الدقيقة 74 أحرز بشة هدف الهلال الأول ولكن الحكم المصرى جهاد جريشة نقضه بحجة أن الكرة لامست يد بشة ...طبعاً هلال الأبطال متعود على عدم الإنصاف من حكام عيسى حياتو ...وبعد عشر دقائق بالضبط أحرز مساوى هدف الفوز الغالى برأسية رائعة فى شباك الحارس كلان بايا والذى إنتهت عليه المباراة ونال سيد البلد نقاط الطائرة الجوية كاملة وأضافها لرصيده فى بنك أفريقيا الدولى ...ووقفت جماهير موتيمبا الكنغولى وفيتا كلوب مناصرة لبطل السودان وبعد نهاية المباراة ذهب الأبطال لتحية هلالاب كنشاسا ، وهذه هى الأقمار تسطع خارج الديار والهلال كبير فى بطولة الكبار ، وعندما ينتصر الهلال يبتسم الأطفال وينخض الدولار وتتفتح الأزهار .
*** عاد هلال العز مظفر خطوة للدورى المشفر
وصلتنا العديد من برقيات التهانى من هلالاب المهجر ...يوسف عمر أبوضحى من هلالاب محايل عسير قال المدرب وضحت بصمته ونزار عندما يكون كويس فالهلال كويس والحمد لله وضعنا رجل فى دورى المجموعات ...أما أحمد قاسم أبوزيد من هلالاب خيبر يقول الهلال الكبير يظهر فى المواعيد الكبيرة وهلال المجموعات حقق الغايات وجلال صالح من هلالاب المدينة يقول ...الله أكبر على النصر المؤزر والأقمار تتلألأ فى الكنغو أما رفيق دربه عبد الدائم عبد المجيد يقول ألف مليار مبروك لهلال الساجدين والناس الصالحين وياجعلى خلى قدامك كباية شاى أو قهوة عشان تعمل لينا مقال كارب ...أما فيصل الأقرع من هلالاب جدة يقول ...جعلينا إن شاء الله تكون مبسوط !! قلت ليه هسه كان قلت ليك مامبسوط بتصدقنى !! فاجابنى كيفن مابصدقك !! إمكن من الهلالاب الطماعين العايزين يغلبوا ربع دستة ومافوق !! وأضاف ضاحكاً سمعت قالوا الأمين عبد القادر مبسوط يعرض ساكت فى الهفوف ، أما الأمين جيفارا من هلالاب الهفوف يقول ...مبروك أسياد البلد تقدلوا ورأسكم مرفوع ومساوى سيفنا البتار والحمد لله نحن مرتاحين ولكن يجب مضاعفة الجهد فى مباراة الإياب ...ومن هلالاب الرياض محمد عبد الفتاح ألف مبروك الهلال العظيم شرفتونا ورفعتوا رأسنا الليلة بصراحة الهلال فريق تانى وعجيب تكتيك وتقفيل مافى تطفيش والمدرب طول التسعين دقيقة واقف على الخط والأنتصار الهلالى عجبنى وسر بالى ..أما عمنا محمد حسن الزين أبو الفاروق يقول الهلالاب يستاهلوا كل خير وفريق الشباب إستحق الإنتصار ونقاط المباراة ويرى أبو الفاروق أن يتنازل الهلال عن هدف كنشاسا ويمنحه للمريخ حتى تقوى حظوظه فى المنافسة ، أما ياسر حامد يرى أن الغلطة غلطة سانغا لأنه إرتدى شعار المريخ واللون الأحمر والأصفر بيعكر مزاج ناس مساوى وإذا المريخاب شايفين سانغا حمام ميت نقول ليهم الحمام الميت ده بلاقيكم فى الكونفدرالية شدوا حيلكم ساكت ، والعم إبراهيم بين من ظرفاء هلالاب الرياض يبارك لكل الهلالاب وخاصة الكاردينال والذين رافقوا الهلال فى الكنغو ناس دكتور قاقرين وفوزى ويقول للمريخ هاردلك مقدماً ومرحب بكم فى الكونفدرالية وإنت غالب بهدف وعايز تتأهل على حساب الترجى !! والتوانسة فى أرضهم أخطر من إبليس وفى الكونفدرالية منتظركم الزمالك والنجم الساحلى غايتو وقعتكم كبيرة ...أما محجوب على أب جكون من قوز جبة محافظة المتمة يقول الحمد لله الحمد لله الحمد لله وياهو ده الهلال ويقول عن سيف مساوى سيفنا ضرب سانغا عشان شافو لابس شعار وصيفنا ... ومن الأمارات الأستاذ محمد الفاتح حمزة ( كتاحة ) الذى قال بصراحة الليلة الزول ينوم أحلى نومة مبروك الإنتصار المستحق وهناك بعض الهنات والجهاز الفنى قادر على علاجها ...وصلتنا تهنئة من قمة رياضية سامقة من الأستاذ كمال حامد الذى يزور المملكة هذه الأيام ويقول ألف مبروك والهلال بصراحة ماشى كويس وإن شاء الله فى دورى المجموعات مع شقيقه المريخ وإن كانت مهمة المريخ صعبة شوية فى تونس ...ومن الأشعار الجميلة فى منتديات الهلال هذه الأبيات *** عاد هلال العز مظفر ...خطوة لى الدورى المشفر ... ( سانغا ) قطرو الليلة صفر ...وتانى ألبسوا لينا أصفر *** ماك عارف إنو لونك ياطريف ..سبب البلاوى ...وياعميد قونك لطيف ...يشبه سيف العز المساوى *** يلا جيب من جوة يلا ...الهلال وراك شعاعو ...ونحن فى أفريقيا قوة ...وساتغا تاسك قالوا ضاعوا...بالمناسبة سانغا الآن ( غمران ) فى تاتا رفائيل ( أستاد الموت ) والدفن مساء الجمعة الأول من مايو بمقبرة الخصوم ...ونحن فى الحتة دى أنصار سنة عدييل وينتهى العزاء بإنتهاء مراسم الدفن !! لذا لزم التنويه .
*** المريخ يجازى الترجى بضربة جزاء
فاز المريخ على الترجى التونسى بضربة جزاء أحرزها علاء الدين يوسف فى الدقيقة 24 من الشوط الأول وإنتهت المباراة بهذه النتيجة وكان حكم المباراة هو البتسوانى جوشو بوندو ومباراة الرد مساء الأحد بأستاد رادس فى الثالث من مايو ونتمنى النصر لمريخ السودان حتى يشارك الوطن بثنائى القمة فى دورى المجموعات ...والمريخ إحترم الترجى أكثر من اللازم وكان يمكن أن يكسب المباراة بربع دستة فما فوق ، خاصة وأن الترجى منذ عام 2013 يفقد خدمات مهاجمه المميز يوسف المساكنى الذى يلعب فى صفوف لخويا القطرى بعقد قيمته 15 مليون دولار لمدة أربع سنوات وتصف ، وقاد المساكنى لخويا للفوز بالدورى القطرى بعد أن أحرز هدفين فى شباك الأهلى فى المباراة التى كسبها لخويا بربع دستة مقابل هدف ...وناس المريخ لو ختوا الرحمن فى قلبهم ممكن يتجاوزوا الترجى بكل بساطة لأن الترجى هذا العام حمام ميت ويعتمد على السمعة فقط وحكم مباراة الإياب هو الجنوب أفريقى دانيال بينيت وهو أفضل حكم فى أفريقيا ولا يجامل أصحاب الأرض ...حكم مباراة الذهاب البتسوانى عمره 37 سنة يعنى فايت أيمن سعيد بى سنة واحدة !! وكما يقول مثلنا السودانى ( ود حولك نديدك ) يعنى دفعتك يا أيمن أصبحوا حكام .
*** همسة الوداع
حبايبنا الحلوين يزعم إعلامهم أن التحكيم يحرم فريقهم من ضربات الجزاء ولكن هذا العام لعبوا 3 مباريات أفريقية بأرضهم ونالوا 3 ضربات جزاء الأولى أمام عزام أضاعها أوكرا والتانية أمام كابو أضاعها وانغا والتالتة أمام الترجى أحرز منها علاء الدين هدف الفوز الوحيد وكما يقول الدكتور محمد يحيى الكوارتى من هلالاب الرياض فى رسالته التى أرسلها عبر الجوال وتقول ...وبهذه المناسبة نهمس فى أذن الإعلام الأحمر إنتوا الكاف برضوا أصبح يعين ليكم حكام من الولايات ولا شنو ؟ مجرد سؤال .
المقال روعة و زايدة جمال ما زايدة دودية
وشكرا لاخونا فيصل الاقرع واتصالك مع نهاية المباراة اسعدنا والعرضة كانت محتاجة لسوط الجعلى وشكرا الباشمهندس بابكر عوض الشيخ الهلالى الغيور الذى قال اذا لعب الهلال فخبرونى فان الفن منبعة الهلال *** ويبقى السحر ازرق فى بياض ويبقى المجد مابقى الهلال ******
ودمتم زخرا للوطن والهلال فى حفظ الرحمن