الليله ده يوم السودان

((())) اللهم انصر هلال الملايين :

الليلة دا يوم السودان

البلد الليلة هلالابى

النيل الأزرق نشوان

والأبيض أبيض ياأحبابى

يامشرّف كل الأتيام

فى يوم السعد الافريقى

اللهم انصر هلال الملايين

آمين يا رب العالمين

وما دايرين تأهل مهزومين وزي اصحابنا مع الانجوليين

دايرين فوز عريض يسعد الملايين

وامبارح اصحابنا كانوا قلقانين

ونصهم بيرجفوا ونصهم تعبانين

ونصهم عرقان ونصهم خايفين

والانجولي بهدلهم وسجل هدفين

واتأهلوا بهزيمه وعاملين فرحانين

وفي الهلال زي ده اصلوا ما دايرين

شرفوا السودان وكل الطيبين

والملاوي اهزموه وخلونا مرتاحين

وما تعملوا حفلات وما تجيبوا فنانين

افريقيا دي لعبتنا وللبطولة جايبين

والاميرة جايانا وبي كده واثقين

بس ابقوا بالدعوات وقولوا آمين

واللهم انصر هلال الملايين



((())) المضايقات في افريقيا :

علي الكاردينال ومجلس الادارة محاسبة وفد المقدمه الذي ذهب مبكرا الي ملاوي

فما حدث لفريق الهلال وجلوس افراده بالساعات في انتظار فندق يقيمون فيه مدعاة للحزن

فبعد ان برع وفد المقدمة في ارسال الصور الخاصة بهم من ملاوي فشلوا في المهمة

طيب بلغ الادارة من بدري عن التكاليف الاضافيه

لماذا الصمت حتي وصول الوفد

اداريونا اشبه بالطبيب الذي يحصل علي فيزة راعي بالسعوديه

فلا علاقة لهم بالعلاقات العامة التي يجب ان يتصف صاحبها بالذكاء الشديد

في رحلة الهلال القادمة وفي الادوار القادمة سيتكرر المشهد وستعاني بعثة الهلال

وسيبرر لنا الفاشلون ان افريقيا هي السبب وحدوث مثل هذه المضايقات شيئ لابد منه

والله لقد مللنا هذه الشماعة



((())) المريخ وفوبيا التحكيم :

نسأل علماء النفس ان كانوا علي علم بعلاج فوبيا التحكيم لبني مريخ

فما ان وطأت قدمهم ارض انجول الا وبداوأ يتمتمون ويهلوسون بالتحكيم

وهذا تكتيك قديم وهزيل كان يأتي اكله في السودان مع حكام صلاح

ولكنه لا يصلح مع حكام افريقيا الذين عرفوا بعنادهم الشديد

ففي السوداني وقبل مباريات المريخ والهلال كانت الادارة المريخيه وبايعاز من ابوشيبه ومزمل يلعبون لعبة اسمها احتواء التحكيم

ويكون دورهم في تكثيف الهجوم العنيف علي الحكام قبل المباراة وشحن الجمهور الذي يهتف باستمرار ضد الحكام من الدقيقة الاولي وحتي يفقد الحكام تركيزهم وترتعد فرائصهم فيحولوا الكثير من الحالات للمريخ ولا بأس من احتساب العديد من ضربات الجزاء التي حصل عليها المريخ حتي الآن وضيعها (٤)

كذلك يوضع رجال الخطوط تحت رحمة حجارة جمهور المريخ طيلة اوقات المباراة وهكذا ينجح المريخ في استمالة حكام كل المباريات

في انجولا الوضع يختلف ولن يكفي احتجاج عبد الصمد

فالجمهور الانجولي هو الفيصل والله يستر علي المريخ من الهزيمه



((())) هل فاز المريخ بكأس افريقي وضحوا :

لو كانت الدنيا تسير بعقلية اهل المريخ لتوقفت كرة القدم في السودان

فهم يعتقدون ان من لم يفوز بكأس حتي لو كان صفيح ككاس مانديلا فليس له حق في الحياه

وهو فاشل ويجب اعدامه فورا في الميادين

اقرأوا ماذا كتب من يصنفونه اعقل كتاب المريخ

ابوشيبه :

ﺣﺰﻧﺖ ﻛﺜﻴﺮﺍ ﻟﺨﺮﻭﺝ ﺍﻫﻠﻲ ﺷﻨﺪﻱ

*ﻛﻨﺖ ﺍﻇﻦ ﺍﻥ ﺳﻴﺪﺍ ﺳﻴﻘﻮﺩﻫﻢ ﺍﻟﻲ ﻣﻨﺼﺎﺕ ﺍﻟﺘﺘﻮﻳﺞ ﺍﻻﻓﺮﻳﻘﻴﻪ

* ﻭﻟﻜﻦ ﻛﻴﻒ ﻟﻤﻦ ﻧﺸﺄ ﻭﺗﺮﻋﺮﻉ ﺳﺒﻌﺔ ﻋﺸﺮ ﻋﺎﻣﺎ ﺑﻴﻦ ﺍﻻﺻﻔﺎﺭ ﺍﻟﺪﻭﻟﻴﻪ

* ﻳﺴﺘﻄﻴﻊ ﺍﻥ ﻳﻘﻮﺩ ﺍﻟﻨﺎﺱ ﺍﻟﻲ ﻣﻨﺼﺎﺕ ﺍﻟﺘﺘﻮﻳﺞ ﺍﻻﻓﺮﻳﻘﻴﻪ

* ﻫﻴﺜﻢ ﻟﻌﺎﺏ

* ﻟﻜﻨﻪ ﻣﺘﺮﺑﻲ ﻋﻠﻲ ﺍﻟﺼﻔﺮ ﺍﻟﺪﻭﻟﻲ ﻭﻣﻔﻄﻮﻡ ﻋﻠﻴﻪ

* ﺳﺒﻌﻄﺎﺷﺮ ﺳﻨﻪ ﻋﺎﻳﺶ ﺟﻮﻩ ﺻﻔﺮ ﻛﺒﻴﺮ

*ﺍﻟﻤﺮﻗﻪ ﻣﻨﻮ ﻣﺴﺘﺤﻴﻠﻪ

* ﻫﺎﺭﺩﻟﻚ ﺍﻫﻠﻲ ﺷﻨﺪﻱ

* ﻭﻫﺎﺭﺩﻟﻚ ﺳﻴﺪﺍ

* ﻣﺎﻣﻨﻚ

* ﻣﻦ ﻓﺎﻳﺮﻭﺱ ﺍﻟﺼﻔﺮ ﺍﻟﻜﺒﻴﺮ ﺍﻟﺬﻱ ﺍﺻﺎﺑﻚ

* ﻣﻦ ﻋﺎﺷﺮ ﻗﻮﻣﺎ ﺍﺭﺑﻌﻮﻥ ﻳﻮﻣﺎ

انتهي

صفر دولي شنو عنه يا هذا والهلال ملء العين في افريقيا وتصنيفات الفيفا

واذا افترضنا انكم قد فزتم بكأس محمول جوا فياريت تنشروا لينا الرابط في محرك بحث قوقل لتثبتوا لنا ان المريخ قد فاز بكأس افريقيه - يا اخي دلونا علي موقع رياضي عالمي موثوق به يشهد ان المريخ قد فاز بكأس عام ١٩٨٩

وحتي وان كان ذلك حقيقه فعلي الكاف تجريد المريخ من هذه الكاس لمستوي المريخ و تصنيفه المتأخر ولسنين عديده



((())) ياريت :

ياريت اخوانا المريخاب ما يعملوا حفلات وما يلفوا الشوارع ويعملوا مسيرات ويرتبوا في الاستاد اكبر الحفلات وفرفور وانصاف مدني والباسطه والشربات والوالي يقوم يخطب ويوزع الدولارات ومريخنا بطل وعالمي وشايل الكاسات فالتأهل بلا طعم



محمد حسن شوربجي